Lajmet

Vushtrri, 14 korrik ‘10 - Qendrën e Kosovës për Siguri Publike, Edukim dhe Zhvillim (QKSPEZH) sot e vizitoi një delegacion nga Turqia i udhëhequr nga drejtori i Shkollës së Trajnimit Policor në Nazili të Turqisë z.Ahmet Pala. Delegacioni u prit nga Kryeshefi Ekzekutiv i Qendrës z. Sheremet Ahmeti, zyrtarë të lartë të Qendrës, nga  përfaqësuesit e agjencioneve  që funksionojnë në kuadër të QKSPEZH-it si dhe nga përfaqësuesit e OSBE-së.Qëllimi i vizitës ishte vazhdimi i bashkëpunimit mes këtyre dy akademive, Qendrës së Kosovës për Siguri Publike dhe Shkollës së Trajnimit Policor të Turqisë.
Fillimisht z.Ahmeti delegacionin e njoftoi me të gjitha të arriturat e Qendrës, konceptin, vizionin dhe trajnimet të cilat mbahen në Qendër nga gjitha agjencionet si  Policia e Kosovës, Agjencioni për Menaxhimin e Emergjencave, Shërbimit Korrektues dhe Dogana e Kosovës.Kryeshefi z.Ahmeti tha se Qendra e Kosovës për Siguri Publike ka bashkëpunim të shkëlqyeshëm me Shkollën e Trajnimit Policor të Turqisë. Në këtë kuadër, z. Ahmeti vlerësoi nivelin e marrëdhënieve dypalëshe mes Kosovës dhe Turqisë dhe nënvizoi domosdoshmërinë e forcimit të tyre.
“Ne shumë shpejt do të nënshkruajmë  memorandum bashkëpunimi me Shkollën e Trajnimit Policor të Turqisë memorandum ky i cili do të mundësojë shkëmbimin e përvojave mes dy qendrave të sigurisë publike, asaj të Kosovës dhe Turqisë”, tha z.Ahmeti. Me këtë rast z.Ahmeti falënderoi shtetin turk për ndihmën dhe kontributin e dhënë Kosovës në  thekës të veçantë Qendrës. Ndërsa drejtori i Shkollës së Trajnimeve Policore të Nazili të Turqisë z Ahmet Pala duke falënderuar Qendrën për mikpritjen  tha se qëllimi i vizitës ishte bashkëpunimi dhe shkëmbimi i përvojave mes QKSPEZH-it dhe SHTP-së të Turqisë. “Turqia e ka ndihmuar Kosovën dhe do të vazhdojë ta ndihmojë edhe në të ardhmen, ndërsa ne  si Shkollë do ta ndihmojmë dhe përkrahim në vazhdimësi Qendrën e Kosovës për Siguri Publike”, tha Pala. Gjatë takimi drejtori i Departamentit për Përkrahje Programore Ali Bajgora  para delegacionit turk e bëri prezantimin e Qendrës.
Në fund të vizitës ata (delegacioni turk) e bënë një vizitë objekteve  të Qendrës dhe disa nga pajisjet me të cilat trajnohen  pjesëtaret e agjencioneve  të sigurisë publike.

Vushtrri, 13 korrik ’10 – Nesër në ora  9 : 30 një delegacion turk i kryesuar nga drejtori i Shkollës së Trajnimit Policor në Nazili të Turqisë, Ahmet Pala, do ta vizitojnë Qendrën e Kosovës për Siguri Publike, Edukim dhe Zhvillim (QKSPEZH) ku do të takohen me  Kryeshefin Ekzekutiv të Qendrës z.Sheremet Ahmetin. Pas këtij takim delegacioni turk i shoqëruar nga Kryeshefi z.Ahmeti dhe drejtori i Administratës dhe Logjistikës, Halim Shala në ora 14 : 30 do ta vizitojnë Ministrinë e Punëve të Brendshme (MPB) ku atje do të priten nga ministri z.Bajram Rexhepi.
Ftohen të gjitha mediat elektronike dhe të shkruara që të përcjellin takimin e Kryeshefit Ekzekutiv me drejtorin e Akademisë Policore të Turqisë, Ahmet Pala

Vushtrri, 8 korrik '10- Kryeshefi Ekzekutiv i Qendrës së Kosovës për Siguri Publike Edukim dhe Zhvillim (QKSPEZH) z. Sheremet Ahmeti u kthye nga vizita zyrtare nga  Shtetet e Bashkuara të Amerikës. Z.Ahmeti gjatë vizitës së tij në Shtetet e Bashkuara të Amerikës ka marr pjesë në konferencën e  Asociacionit Ndërkombëtar të Drejtorëve të Standardeve dhe Trajnimeve të Zbatimit të Ligjit. Në kuadër të vizitës zyrtare në SHBA, z.Ahmeti ka vizituar edhe Washingtonin ku është takuar  me zyrtar të lartë të sigurisë së këtij vendi. Gjatë vizitës së tij  në shtetet e Bashkuara të Amerikës z.Ahmeti pati takime edhe me strukturat udhëheqëse të FBI-it. Në  fund të vizitës ai u takua edhe me ambasadorin e Kosovës në SHBA z. Avni Spahiu.
Po ashtu kryeshefi Ekzekutiv Sheremet Ahmeti i shoqëruar nga drejtori i Administratës dhe Logjistikës z. Halim Shala dhe Dhurata Sadiku këshilltare në Ministrin e Punëve të Brendshme, murrën pjesë edhe në konferencën e Lidershipit të organizuar nga Asociacioni i Kolegjeve Policore të Evropës  (AEPC) si dhe nga Kolegji Policor Evropian (CEPOL) të mbajtur në Bruksel.

Vushtrri, 02 korrik 10- Në vazhdën e trajnimeve të shumta që mbahen  në Qendrën e Kosovës për Siguri Publike, Edukim dhe Zhvillim (QKSPEZH), sot përfundoi trajnimi bazikë “Taktikat e gjuajtjes operative dhe intervenimi taktik”. Në këtë trajnim kanë marrë pjesë 21 pjesëtarë të Policisë së Kosovës, të cilët me sukses përfunduan trajnimin. Ligjërues të këtij trajnimi përveç instruktorëve të Policisë së Kosovës ishin edhe instruktor nga Turqia të cilët edhe mbështeten këtë trajnim. Në ceremonin e çertifikimit  morën pjesë prof.dr Ali Bajgora drejtor i Departamentit për Përkrahje Programore në QKSPEZH, Atifete Jahjaga zëvendësdrejtor i Drejtorisë së Përgjithshme të Policisë së Kosovës, ndihmësdrejtori për Personel dhe Trajnime të PK-së, Riza Shillova,  nënkolonel Driton Zabërxha, përfaqësues nga ambasada e Turqisë në Kosovë, përfaqësues nga Forca e Sigurisë së Kosovës (FSK) dhe OSBE-ja.
Drejtori i  Departamentit për Përkrahje Programore Ali Bajgora, fillimisht ka përshëndetur të pranishmit, ndërsa përfundimin e këtij trajnimi e ka vlerësuar shumë lartë.  Ai tha se përfundimi i këtij trajnimi për Qendrën  është një ngjarje e veçantë sepse tregon profesionalizëm për Policinë e Kosovës.
“ Ne ofrojmë mbështetje të vazhdueshme për trajnimet që mbahen në Qendër, do të vazhdojmë që edhe në të ardhmen t’i përkrahim të gjitha aktivitetet të cilat kanë objektiv profesionalizimin e Policisë së Kosovës”, tha Bajgora.
Me këtë rast ai ka falënderuar ambasadën Turke për mbështetjen e  vazhdueshme për mbajtjen e këtyre trajnimeve në Qendër.
Ndërsa përfaqësuesi i Ambasadës Turke Esat Aktash, tha se Turqia konkretisht policia e  shteti turk do ta përkrah vazhdimisht Policinë e Kosovës. “Ne edhe në të ardhmen do ti përkrahim Policinë e Kosovës. Ne do të  bashkëpunojmë vazhdimisht që  përvojat tona t’i bartim tek Policia e Kosovës, me arsyen e Polica e Kosovës të jetë sa më e suksesshme në kryerjen e detyrave të saj”, tha z.Aktash.
Ndërkaq Riza Shillova, ndihmës drejtor për personel dhe trajnime në Drejtorin e Përgjithshme të Policisë së Kosovës, duke vlerësuar lartë përfundimin e këtij trajnimi tha se Policia e Kosovës është duke treguar aftësi profesionale në kryerjen e detyrave të saj. Shillova është ndier i previligjuar dhe krenar që ishte pjesë e demonstrimit të Policisë së Kosovës gjatë përfundimit të këtij trajnimi.
Në fund të këtij trajnime edhe ju shpërndan certifikatat pjesëmarrësve.
 

Vushtrri, 28 qershor, ’10 – Më qëllim të realizimit të projekteve, Qendra e Kosovës për Siguri Publike, Edukim dhe Zhvillim (QKSPEZH)  sot nënshkroi një marrëveshje bashkëpunimi me Qendrën për të Drejtat e Njeriut të Universiteti të Prishtinës (QDNJUP) dhe Qendrën për Hulumtime në të Drejtat të Njeriut dhe Integrimeve Evropiane (QHDNJE). Qendra për Siguri Publike, Edukim dhe Zhvillim në bashkëpunim me QDNJUP-në dhe me QHDNJIE e përkrahur edhe nga Fondacioni KFOS-SOROS janë duke implementuar projektin hulumtues “Vlerësimi i kurrikulës së të drejtave të njeriut”, projekt ky i cili është pjesë e trajnimit dhe edukimit sa më efikas të Policisë së Kosovës të cilët trajnohen në QKSPEZH. Në marrëveshje thuhet se ky projekt do të jetë në funksion të dhënies së rekomandimeve për përmirësimin eventual të korrikulës dhe do ti kontribuojë avancimit të të drejtave të njeriut në sistemin edukativ të QKSPEZH-it  Qëllimi i nënshkrimit të kësaj marrëveshje ka qenë që projekti hulumtues “Vlerësimi i Korrikulës së të Drejtave të Njeriut” e cila është pjesë e edukimit të Policisë së Kosovës të realizohet në mënyrë sa më të suksesshme  Qendra për Siguri Publike, Edukim dhe Zhvillim është duke punuar vazhdimisht që pjesëtarëve të sigurisë publike të cilët trajnohen në QKSPEZH të ofrojë kushte sa më të mirë.

Vushtrri, 19 qershor ’10 – Për të gjashtën herë me radhë në Qendrën e Kosovës për Siguri Publike, Edukim dhe Zhvillim (QKSPEZH) po mbahet Miniolimpiada për persona me aftësi të kufizuara  e cila është  organizuar nga OPFAKOS. Në këtë miniolimpiad janë duke marrë pjesë rreth 450 persona, të përcjellë nga familjarët dhe organizatorët e kësaj Miniolimpiade.
Në hapjen zyrtare të Miniolimpiadës të pranishëm ishin  zyrtarë të Qendrës, zyrtarë nga OSBE-ja si dhe pjesëtarë të KFOR-it. Në emër të OPFAKOS-të të pranishmit i ka falënderuar kryetari i kësaj organizate, Gani Mehmeti. Ai gjatë fjalimit të tij ka theksuar se është shumë e rëndësishme që këta persona kanë gjetur përkrahje nga QKSPEZH-i dhe OSBE. “ Kjo  përkrahje që po bëhet tani  është një shembull shumë i mirë të cilin duhet ndjekur”, tha Mehmeti. Duke falënderuar në vazhdim stafin e QKSPEZH-it të cilët në mënyrë vullnetare kanë shprehur gatishmërinë të punojnë gjatë këtyre dy ditëve sa do të zgjasë Miniolimpiada, z. Mehmeti ka shprehur dëshirën që ky bashkëpunim të vazhdojë edhe në të ardhmen. “ Tani gjashtë vjet gjejmë përkrahje të madhe nga Qendra e Kosovës për Siguri Publike, Edukim dhe Zhvillim. U jemi  shumë mirënjohës donatorëve që kanë përkrahur këtë miniolimpiad siç janë  OSBE-ja MPB, QKSPEZH dhe departamenti i sportit në Ministrin e Kulturës  Rinisë dhe Sportit’’,tha Mehmeti.
Të pranishmëve u kanë dëshiruar mirëseardhje menaxhmenti i Qendrës duke i siguruar ata se do ta kenë mbështetjen e plotë të Qendrës. Drejtori i Departamentit për Përkrahje Programore  z.Ali Bajgora, duke folur në emër të Qendrës ka shprehur falënderimin për katër agjencionet brenda qendrës që kanë ndihmuar, përkrahur organizimin e kësaj miniolipiade. Po ashtu me këtë rast z. Bajgora  ka falënderuar edhe OSBE-në për përkrahje financiare të miniolipiadës. Ai gjithashtu ka shfaqur shpresën se pjesëmarrësit në këtë miniolimpiad gjatë këtyre dy ditëve do ti realizojnë të gjitha aktivitet e tyre.
“Besojë se gjatë këtyre dy ditëve me përkrahjen vullnetare të stafit të qendrës ju do ti realizoni shumë aktivitete dhe do të ndiheni mirë ashtu sikurse në shtëpitë e juaja“ tha Bajgora.
Pas hapjes zyrtare, pjesëmarrësit kanë vazhduar garat në aktivitete të ndyshme sportive si vrapim me karrocë, basketboll, hendboll, goll-boll, pikado, shenjëtari etj. Miniolompiada do të zgjasë edhe nesër ku do t`u shperndahen medalje dhe mirënjohje garuesve më të mirë. QKSPEZH edhe kësaj radhe është sponsor gjeneral i Miniolimpiadës, ndërsa pjesëmarrësit janë mbështetur me transport, akomodim dhe ushqim.
 

Vushtrri, 17 qershor ’10 - Kryeshefi Ekzekutiv i Qendrës së Kosovës për Siguri Publike, Edukim dhe Zhvillim (QKSPEZH), z.Sheremet Ahmeti ka udhëtuar sot për një vizitë zyrtare në Shtetet e Bashkuara të Amerikës (SHBA). Z Ahmeti gjatë vizitës së tij në SHBA do të marrë pjesë në Asociacionin Ndërkombëtar të Drejtorëve të Standardeve dhe Trajnimeve të Zbatimit të Ligjit.  Pas pjesëmarrjes në këtë konferencë  kryeshefi Ahmeti zyrtarisht do ta vizitojë edhe Washingtonin.  Po ashtu në kuadër të vizitës zyrtare jashtë vendit, Kryeshefi Ekzekutiv i QKSPEZH-it, z.Sheremet Ahmeti i shoqëruar nga drejtori i Administratës dhe Logjistikës, Halim Shala do të udhëtojnë edhe për në Belgjikë ku do të marrin pjesë në Konferencën e Lidershipit të organizuar nga Kolegji Policor i Belgjikës në Bruksel.

Vushtrri, 17 qershor ’10- Një delegacion i Qendrës së Kosovës për Siguri Publike, Edukim dhe Zhvillim i kryesuar nga Shefi i Zyrës Ligjore Dukagjin Dinaj, nënkolonel Driton Zabergja dhe nga koordinatori i zyrës së Kryeshefit të Qendrës Rifat Muqiqi kanë qëndruar për një vizitë zyrtare në Turqi.
Delegacioni është pritur nga udhëheqësit e Akademisë Policore te Turqisë. Qëllimi i vizitës ishte binjakëzimi i Qendrës së Kosovës për Siguri Publike me Akademinë Policore të Turqisë. Temë diskutimi mes përfaqësuesve të QKSPEZH-it dhe atyre të Akademisë Policore të Turqisë ka qenë shkëmbimi i përvojave si dhe bashkëpunimi mes këtyre dy akademive. Shefi i zyrës ligjore Dukagjin Dinaj  tha se udhëheqësit e Akademisë Policore të Turqisë kanë premtuar se  do ta përkrahin në vazhdimësi QKSPEZH-in.

Vushtrri, 16 qershor ‘10– Në Qendrën e Kosovës për Siguri, Publike, Edukim dhe Zhvillim (QKSPEZH) do të mbahet miniolimpiada për persona më aftësi të kufizuara. Miniolimpiada do të mbahet dy ditë radhazi të shtunën dhe të dielën (me datën 19 dhe 20 qershor). Hapja e ceremonisë zyrtare do të bëhet të shtunën në ora 11:00, në QKSPEZH.

Miniolimpiada e cila  organizohet nga  “OPFAKOS”  përmban aktivitet të ndryshme sportive si: vrapim me karrocë, basketboll, hendboll, goll-boll, pikado, shenjëtari etj. Numri i pjesëmarrësve parashihet të jetë afro 451 persona, të cilët janë kryesisht fëmijë të përcjellë nga familjarët e tyre dhe organizatorët.

Qendra e Kosovës për Siguri Publike, Edukim dhe Zhvillim dhe Organizata për Siguri dhe Bashkëpunim Evropian (OSBE) edhe kësaj radhe janë sponsor gjeneral i miniolimpiadës për persona me aftësi të kufizuar, duke mbështetur kështu pjesëmarrësit me transport, akomodim, ushqim dhe staf që vullnetarisht kanë shprehur dëshirën të punojnë gjatë këtyre 2 ditëve, enkas që të ndihmojnë pjesëmarrësit e miniolimpiadës.

Ftohen mediat qe ta përcjellin Miniolimpiaden.

Vushtrri, 04 qershor ’10 – Kryeshefi Ekzekutiv i Qendrës së Kosovës për Siguri Publike, Edukim dhe Zhvillim (QKSPEZH), Sheremet Ahmeti, ka qëndruar tri ditë për vizitë zyrtare në Republikën e Shqipërisë. Kryeshefi z.Ahmeti i shoqëruar nga drejtori i Administratës dhe Logjistikës, Halim Shala, shefi i Zyrës Ligjore, Dukagjin Dinaj, si dhe nga drejtori për Trajnime Mandatore, nënkolonel, Driton Zabërxha, kanë vizituar Qendrën për Formimin Policor të Shqipërisë (QFP), ku janë pritur nga zëvendësdrejtori i policisë së shteti të Shqipërisë, Ahmet Haxhia si dhe nga drejtori i QFP-së, Nazmi Kotarja. Qëllimi i vizitës ka qenë shkëmbimi dhe përfitimi i përvojave në mes të dyja qendrave, në fushën e organizimit të brendshëm, infrastrukturës ligjore si dhe çështjet tjera që janë të rëndësishme për qendrën tonë.
Gjatë takimi z. Ahmeti dhe z.Haxhia kanë diskutuar për çështjen e sigurisë si dhe për krijimin e raporteve bilaterale në mes të QKSPEZH-it dhe Akademisë Policore të Shqipërisë. Të dyja palët kanë vlerësuar lartë marrëdhëniet e deritashme mes Kosovës dhe Shqipërisë sa i përket fushës së sigurisë. 

Vushtrri, 28 maj `10- Qendrën e Kosovës për Siguri Publike, Edukim dhe Zhvillim (QKSPEZH), sot e vizituan ministri i Punëve të Brendshme Bajram Rexhepi si dhe ministri i Arsimit Shkencës dhe Teknologjisë Enver Hoxha.
Ministrat u pritën nga Kryeshefi Ekzekutiv i Qendrës për Siguri Publike, Sheremet Ahmeti, stafi menaxhues i Qendrës si dhe nga përfaqësuesit  e agjencioneve  të sigurisë publike.
Kryeshefi Ekzekutiv i QKSPEZHI-it, Sheremet Ahmeti, duke iu dëshiruar mirëseardhje ministrave ai gjatë takimit i informojë ata për punën, aktivitetet, konceptin, vizionin  si dhe për trajnimet që mbahen në qendër.Ahmeti tha se Qendra luanë një rolë të rëndësishëm jo vetëm për trajnimin e pjesëtarëve të sigurisë publikë nga Kosova, por edhe për ata të rajonit.
“Unë i informova ministrat për nevojat të cilat ka Qendra që në të ardhmen kjo qendër të bëhet me renome evropiane”, tha Ahmeti.
Kryeshefi Ahmeti po ashtu i informoi ministrat edhe për proceset nëpër të cilat është duke kaluar Qendra, si atë të akreditimit, të anëtarësimit në Asociacionin e Kolegjeve Policore të Evropës (AEPC) si dhe anëtarësimin e saj në Kolegjin Policor të Evropës (CEPOL). Kryeshefi Ahmeti dhe ministrat e kabinetit qeveritar e kanë parë të arsyeshme që në një të ardhmen të afërt në Qendër të ofrohet edhe arsimi bachelor, master dhe doktoratur.
Ministri i Punëve të Brendshme, Bajram Rexhepi, ka vlerësuar lartë punën që bëhet në Qendrën e Kosovës për Siguri Publike, Edukim dhe Zhvillim. Ai tha se Qendra është me traditë ku mbahen trajnime bazike dhe të specializuara për shumë kategori siç janë; Policia e Kosovës, Shërbimi Korrektues, Departamenti i Emergjencave si dhe Doganat e Kosovës.  “Në këtë drejtim duhet të avancohen, duhet tu krijohen kushte me të mira, mirëpo synimet janë që përveç krijimit të kushteve që janë të domosdoshme  të investohen, duhet të kemi edhe vizionin e qartë se çka me tutje, kjo qendër në çfarë drejtimi do të shkojë që të shkohet drejtë edukimi superior me gradë baqellor”, tha Rexhepi.
Ministri Rexhepi tha se mbi gjitha, prioritet i MPB-së është që të bëhet baza ligjore  që më një ligj të veçantë të definohet statusi i Qendrës për Siguri Publike. Ministri Rexhepi tha se në krijimin e ligjit do të marrin pjesë ministrit, përfaqësuesit e qendrës si dhe përfaqësuesit e Komisionit Evropian.
Ndërkaq Ministrit i Arsimit Shkencës dhe Teknologjisë, Enver Hoxha tha se Ministria e Arsimit se bashku me Ministrinë e Punëve të Brendshme është duke punuar që në një të ardhme të afër në Qendër të ketë edhe më tutje kualifikime të policisë, gardianëve, doganierëve  etj. Sipas tij ekziston mundësia që në një të ardhme në këtë Qendër  të ofrohet edhe grada bachelor. Ministri Hoxha tha se Republika e Kosovës synon ta ketë një sistem arsimor i cili përbëhet prej nivelit formale të arsimit dhe nivelit jo formale, që përbehet prej  gradave  universitare dhe gradave jo universitare. “Ky sistem fleksibil dhe cilësor arsimor do t’ia mundësoj kësaj qendre që në të ardhmen çdo kualifikim çdo  certifikatë që lëshohet nga kjo qendër të pranohet jo vetëm në Kosovë, por të jetë e pranueshme edhe në treg global”, u shpreh ministri Hoxha.

Vushtrri, 27 maj ’10 -Nesër më 28.05.2010, në ora 11: 00, Kryeshefi Ekzekutiv i Qendrës së Kosovës për Siguri Publike, Edukim dhe Zhvillim (QKSPEZH), z.Sheremet Ahmeti, do të takohet me ministrin e Punëve të Brendshme, Bajram Rexhepi, ministrin e Ekonomisë dhe Financave, Ahmet Shala, me ministrin e Arsimit Shkencës dhe Teknologjisë, Enver Hoxhaj, si dhe me zëvendësministrin në Ministrinë e Drejtësisë Arsim Janova.

Takimi mbahet në QKSPEZH në Vushtrri. Ftohen të gjitha mediat elektronike dhe të shkruara që të përcjellin takimin e Kryeshefit Ekzekutiv me ministrat e Qeverisë së Republikës së Kosovës.