Lajmet

Vushtrri,18 dhjetor 2009 - Qendrën e Kosovës për Siguri Publike, Edukim dhe Zhvillim e vizitoi një delegacion nga Maqedonia i kryesuar nga Drejtori i Policisë së Maqedonisë z.Lupço Todorovski. Delegacioni  ishte i shoqëruar edhe nga drejtori i Policisë së Republikës së Kosovës,z. Sheremet Ahmeti.

Delegacioni u pritë nga u.d Kryeshef Ekzekutiv i QKSPEZH-it, znj. Taibe Canolli, Drejtori i Administratës dhe Logjistikës z.Pronaj, u.d i Drejtorisë për Përkrahje Programore z.Bajgora, N/kolonel Driton Zabergja, nga DME-ja si dhe stafi menagjues i Qendrës.

Znj. Canolli gjatë takimit i njoftoi më për së afërmi rreth punës, duke bërë një prezantim lidhur me misionin, vizionin, fazën e tranzicionit, legjislacionit, trajnimeve dhe aktiviteteve që i zhvillon Qendra e Kosovës për Siguri Publike, Edukim dhe Zhvillim. Gjithashtu znj. Canolli i falënderoi delegacionin nga Maqedonia për ndihmën e vazhdueshme që kanë dhënë për Qendrën tonë, si dhe theksoi se bashkëpunimi do të jetë edhe në te ardhmen në fushën e sigurisë i cili do ti kontribuoj  të dy shteteve.

Drejtori i Policisë së Maqedonisë Lupço Todorovski, theksoi se Qendra juaj ka një strukturë organizative Evropiane, ku nga ky organizim i tillë edhe dalin kuadër profesional në fushën e sigurisë. Përshtypjet e mira që mora sot nga kjo Qendër e Sigurisë, do ti përcjell edhe në Qeverinë tonë. Bashkëpunimi jonë  me QKSPEZH-in do të vazhdoj edhe në të ardhmen në shkëmbimin e përvojave të dy shteteve fqinje.

Drejtori i përgjithshëm i Policisë së Kosovës z.Sheremet Ahmeti  ceku se bashkëpunimi jonë me shtetin Maqedonas në fushën e sigurisë është shumë i mirë  i cili do të vazhdoj edhe në të ardhmen.

Delegacioni gjithashtu  bëri edhe  një vizitë  rreth  objektëve të Qendrës për tu njoftuar me infrastrukturën dhe me disa nga pajisjet me të cilat trajnohen zyrtaret e Agjencioneve të Sigurisë Publike.
 

Vushtrri,14 dhjetor 2009 - Organizata për Siguri dhe Bashkëpunim në Europë (OSBE) dhuroi donacion për Qendrën e Kosovës për  Siguri Publike,Edukim dhe Zhvillim dhe agjencionet e rendit dhe sigurisë në Kosovë. Ky donacion përmbante ‘’ Dhomë Simulative për Menaxhim të Krizave’’  e cila do të përdorët për katër agjencionet e sigurisë publike; Policia e Kosovës, Departamenti për Menaxhim të Emergjencave, Dogana e Kosovës si dhe Shërbimi Korrektues i Kosovës.

Pjesëmarrës në këtë ceremoni  ishin; u.d Krzeshef Ekzekutiv i QKSPEZh-it, znj.Canolli, Carsten Twelmeire  Drtejtor i Departamentit për Rend dhe Siguri Publik në OSBE, N/kolonel Driton Zabergja, Vasselika Timova Shefe e njesis për Zhvillimin e Trajnimeve të Departamentit për Rend dhe Siguri Publike, nga Policia e Kosovës, nga DME-ja, Dogana e Kosovës  si dhe Stafi Menagjues  i Qendrës.

Z.Carsten theksoi se ky është një nga projektet e fundit të fund vitit 2009. Qëllimi i këtij donacioni është, që ti mbështesim agjencionet për siguri publike,që trajnimet  e tyre teorike  ti zbatojnë edhe në praktik. Ne do të vazhdojmë edhe në të ardhmen  ta ndihmojmë QKSPEZH-in.

Znj. Canolli  ceku se në Qendër mbahen trajnime të shumta dhe ky projekt është shumë i rëndësishëm për katër agjencionet e Sigurisë Publike në Kosovë. Krijimi i një dhome të tillë, simulative është një ndihmes e madhe për agjencionet,që do të reflektohet në profesionalizmin e tyre.  Ne do ti mbështesim projektet e tilla, projekte të cilat në të ardhmen do te kenë dobi dhe profesionalizëm në trajnimet  e cila do të mbahen  në QKSPEZH.

N/kolonel Zabergja theksoi se ky është një projekt  madhorë për Policinë e Kosovës, projekt i cili do të ndihmoj në punën praktike të Policisë së Kosovës i cili do të reflektoj pozitivisht në punën të cilën do ta ushtrojnë në ruajtjen dhe sigurinë publike të të gjithë qytetarëve te Republikës së Kosovës.

Në fund të kësaj ceremoni, z.Carsten  dhuroi qelsat znj. Canolli ku dhe bënë prerjen e shiritit të kësaj dhome simulative.

Vushtrri, 11 dhjetor 2009 - Për disa çështje teknike sot në fshatin Studime komuna e Vushtrrisë u anulua inaugurimi i objektit të Qendrës së Trajnimeve të Departamentit të Menaxhimit të Emergjencave (DME), të Qendrës së Kosovës për Siguri Publike, Edukim dhe Zhvillim.

Vushtrri, 11 dhjetor 2009 - Të premtën, më datë 11 dhjetor 2009 në ora 13:00, në fshatin Studime Komuna e Vushtrrisë do të bëhet inaugurimi i objektit të Qendrës së Trajnimeve të Departamentit të Menaxhimit Emergjencave, pjesë përbërse e Qendrës së Kosovës për Siguri Publike, Edukim dhe Zhvillim

Të pranishëm do të jenë; Ministri i Punëve të Brendshme z. Zenun Pajaziti, përfaqësues nga OSBE, nga ICITAP, U.D. Kryeshef Ekzekutiv e QKSPEZH - it Znj. Taibe Canolli, nga Policia e Kosovës, Dogana  nga Shërbimi Korrektues i Kosovës si dhe zyrtar nga Ambasada Franceze.

Ftohen mediat që të jenë prezentë.
 

Vushtrri, 04 Dhjetor 2009 - Pas një trajnimi të modifikuar 12 javor, në QKSPEZH diplomoi gjenerata e 39-të e  zyrtarëve të rinj të Policisë së Kosovës. Kjo gjeneratë numëron 70 pjesëtarë, të cilët u trajnuan me planprogramin e dizajnuar në bazë të standardeve ndërkombëtare për të drejtat e njeriut dhe sundim të ligjit.

Në ceremoni të diplomimit morën pjesë; zavendës Drejtori i DPPK-së Riza Shillova,Nënkolonel Driton Zabërgja, u.d Drejtor i Drejtorisë për Përkrahje Programore  Ali Bajgora,nga Shërbimi Korrektues i Kosovës,  Dogana e Kosovës, përfaqësues nga EULEX-i,  si dhe familjarë të të diplomuarëve.

Pjesmarrësit  në këtë ceremoni kanë vlerësuar lartë punën  e Policisë së Kosovës  duke i inkurajuar  ata  që  edhe në  të ardhmen të  shërbejnë në nivel të njejtë të bërë deri  tani.”.

Zavendës  drejtori i DPPK-së z. Shillova  vlerësoi se edukimi dhe zhvillimi luajnë rol të rëndësishëm në formimin e kuadrit profesional.
Gjithashtu ai kërkoi  përkushtimin maksimal nga kjo gjeneratë në zbatimin e ligjit të Kosovës.

U.d Drejtor i Departamentit për Përkrahje  Programore në QKSPEZH  z. Bajgora theksoi se dita e sotme po shënon edhe një sukses madhorë që po kurorëzohet si rezultat i angazhimit të Institucioneve të Republikës së Kosovës, në veçanti i Ministrisë së Punëve të Brendshme, Policisë së Kosovës, Qendrës së Kosovës për Siguri Publike, Edukim dhe Zhvillim  bashkërisht me Institucionet dhe Organizmat Ndërkombëtarë në sferën e sigurisë publike –Diplomimin e gjeneratës së 39-të të pjesëtarëve të Policisë së Kosovës.

Ndërsa, zëdhënësi i gjeneratës së 39- të policisë, Shemsi  Demolli, tha se “do të japim maksimumin në përkushtimin ton, që t’i mbrojmë të drejtat e qytetarëve, pa dallim etnie, race apo gjinie duke u bazuar dhe zbatuar me përpikshmëri ligjet e Republikës së Kosovës”.

Pas shpërndarjes së diplomave, kapitenët e klasëve dorëzuan flamujt të cilët simbolizonin të arriturat akademike, disiplinën si dhe arritjet në të gjitha lëmitë përgjatë 3 mujorit të  trajnimit. Këta flamuj iu dorëzun drejtorit të  Drejtoratit për Trajnime Mandatore, nënkolonel Driton Zabërgja.
 

Vushtrri, 04 Dhjetor 2009 - Pas një trajnimi intensiv dymbëdhjetë javor të 20 oficerëve të rinj korrektues, në Qendrën për Siguri Publike, Edukim dhe Zhvillim diplomoi gjenerata e 38-të e Shërbimit Korrektues të Kosovës.

Në ceremoni ishin të pranishëm  Komisari i Shërbimit Korrektues të Kosovës, Resmi Hoxha, Shefi i Trajnimeve në SHKK Tahir Krasniqi, N/kolonel Driton Zabergja, u.d Drejtor i Drejtorisë për Përkrahje Programore  Ali Bajgora si dhe familjarë të oficerëve të rinj të SHKK.

Komisari i SHKK-së, Resmi Hoxha përgëzoi oficerët për diplomimin. “Ne jemi të përkushtuar çdo herë që të mbizotërojë drejtësia, prandaj unë besoj që edhe kjo gjeneratë me përkushtim do të zbatojë  misionin duke pasur parasysh gjithmonë zbatimin e ligjit”, tha ndër të tjera z.Hoxha.

Ndërsa, u.d/Drejtori i Drejtorisë për Përkrahje Programore i QKSPEZH-it z. Bajgora i tha se “ne jemi të përkushtuar dhe vazhdojmë të mbështesim trajnimet që zhvillohen në qendër, sipas standardeve të kërkuara”.

Zëdhënësi i Gjeneratës së 38-të Arton Imeraj  tha se ne po u bashkohemi SHKK-së, si dhe do të përpiqemi të jemi sa më profesional dhe të përgjegjshëm në detyrat që na presin.
 

Vushtrri, 25 nëntor 2009 -  Sot në ora 14:00, Qendrën e Kosovës për Siguri Publike, Edukim dhe Zhvillim (QKSPEZH), në Vushtrri, e vizitoi një delegacion nga Kroacia i kryesuar nga Shefi i Njesisë për Siguri Ndërkombëtare pranë Drejtorisë Multilaterale të Ministrisë së Kroacisë për Punë të Jashtme dhe Integrime Evropiane, z.Andrej Dogan .  

Delegacioni u mirëprit nga u.d i Departamentit për Përkrahje Programore, z.Ali Bajgora, u.d Drejtor i Administratës dhe Logjistikës z. Erton Beka , stafi menaxhues i Qendrës dhe përfaqësues të Agjencive të Sigurisë Publike.

Qëllimi i vizitës ishte njohja për së afërmi me konceptin e trajnimeve në Qendrën Kosovare për Siguri Publike, Edukim dhe Zhvillim.

Gjatë takimit z.Bajgora bëri një prezentim të punës,  aktiviteteve, misionit  dhe konceptit të QKSPEZH-të. Ai falënderoi delegacionin për vizitën bërë Qendrës, dhe tha se “në Qendrën  e Kosovës për Siguri Publike, Edukim dhe Zhvillim kemi pasur instruktorë edhe nga Kroacia që kanë dhënë kontribut të madh në trajnimin e pjesëtarëve të Agjencive të Sigurisë Publike”.

Ndërsa, Delegacioni nga Kroacia u nda i kënaqur me punën të cilën e zhvillon Qendra e Kosovës për Siguri Publike, Edukim dhe Zhvillim, dhe premtoi se shteti Kroat edhe në të ardhmën do ta ndihmoj në forma të ndryshme QKSPEZH-in.
 
Pas takimit, delegacioni në përcjellje të z. Bajgora dhe stafit menaxhues të Qendrës për Siguri Publike, bënë një vizitë rreth objekteve të QKSPEZH-it për tu njoftuar me infrastrukturën dhe me disa nga pajisjet me të cilat trajnohen zyrtarët e Agjencive të Sigurisë Publike.

Vushtrri,18 nëntor 2009 - Qendrën  e Kosovës për Siguri Publike, Edukim dhe Zhvillim e vizitoi një delegacion nga Hungaria i kryesuar nga Këshilltari i Lartë i Ministrisë së Mbrojtjes z. Karloy Nagy.

Delegacioni u  mirëprit nga u.d i Kryeshefit Ekzekutiv të Qendrës së Kosovës për Siguri Publike, Edukim dhe zhvillim z-sha Canolli, Shefi i Zyrës Ligjore z. Ali Bajgora, nënkolonel Driton Zabërgja, Rrahman Sefedini, Shef i Trajnimeve në Kuadër të DME-së si dhe nga stafi menaxhues i Qendrës.

Fillimisht z-sha Canolli i përshëndeti të pranishmit dhe u uroi mirëseardhje në Qendër. Gjatë takimit z-sha Canolli i njoftoi më për së afërmi rreth punës, duke bërë një prezantim rreth misionit, vizionit, fazës së tranzicionit, legjislacionit, trajnimeve dhe aktiviteteve që i zhvillon Qendra e Kosovës për Siguri Publike, Edukim dhe Zhvillim.

Delegacioni nga Hungaria u nda i kënaqur me vizitën bërë Qendrës sonë QKSPEZH-it, si dhe shprehën interesim për thellimin e bashkëpunimit në mes të dy shteteve edhe në të ardhmen, duke konstatuar se deri më tani kanë arritur shumë suksese si rezultat i bashkëpunimit duke dërguar ekspertë te fushave të ndryshme në realizimin e projekteve dhe trajnimeve në QKSPEZH, përmes misionit të Bashkimit Evropian në Kosovë EULEX.

Në fund të takimit, delegacioni nga Hungaria përshëndeti z-sha Canolli për pritjen që iu bë, dhe për prezantimin e punës së Qendrës  së Kosovës për Siguri Publike, Edukim dhe Zhvillim.
 

Vushtrri, 13 nëntor 2009- Qendrën e Kosovës për Siguri Publike, Edukim dhe Zhvillim e vizitoi  një delegacion  nga Bondsteel-i dhe Washington D.C., i kryesuar nga Majori Rend Willams, Kapiteni Sylvester John , Menaxher programi nga ICITAP-i  Darel Hart,  dhe Karen Bartinski  analist  nga W.D.C.

Delegacioni u mirëprit  nga u.d Kryeshefi Ekzekutiv  i Qendrës së Kosovës  për Siguri Publike, Edukim dhe Zhvillim  z-sha Canolli dhe nga këshilltari  i ICITAP-it për QKSPEZH-in Alexander  Rivera.

Gjatë takimit, z-sha Canolli bëri një prezantim  të punës, aktiviteteve , konceptit dhe vizionit të QKSPEZH-it dhe delegacionin e  njoftoi për të gjitha aktivitetet që i zhvillon Qendra, për kapacitetet dhe mundësinë në trajnimin e pjesëtarëve të policisë dhe agjencive tjera. Gjithashtu,  z-sha Canolli i falënderoi  për mbështetjen e vazhdueshme që kanë dhënë për QKSPEZH-in.

Delegacioni nga Bondsteel-i dhe Washington D.C. u nda i kënaqur me vizitën e bërë Qendrës së Kosovës për Siguri Publike, Edukim dhe Zhvillim. Gjithashtu, shprehën dëshirën e bashkëpunimit reciprok edhe në të ardhmen.

Pas takimit, delegacioni në përcjellje të z-shës Canolli  i bëri një vizitë objekteve të Qendrës së Kosovës për Siguri Publike Edukim dhe Zhvillim për tu njoftuar më për së afërmi me punën dhe aktivitetet  të cilat i zhvillon  Qendra.
 

Vushtrri, 10 nëntor 2009 - Qendrën e Kosovës për Siguri Publike, Edukim dhe Zhvillim  e vizitoi një delegacion nga Mali i Zi, i kryesuar nga Miroslav  Gospodinov nga OSCE ,  i shoqëruar  nga  Rajko Pekovic, Radivoje Sokovic dhe Nenad Vojinovic, instruktor policorë.
 
Delegacioni nga Mali i Zi në emër të Qendrës së Kosovës për  Siguri Publike,  Edukim dhe Zhvillim, është  pritur  nga Shefi i Zyrës Ligjore  Ali Bajgora, Nënkoloneli z. Driton Zabërgja dhe stafi menaxhues i Qendrës.

Fillimisht, të pranishmit i përshëndeti z. Bajgora me ç’rast në emër të u.d Kryeshefit Ekzekutiv z-sha Taibe Canolli u uroj mirëseardhje në Qendrën e Kosovës për Siguri Publike, Edukim dhe Zhvillim.

Gjatë takimit z. Bajgora delegacionin  e njoftoi dhe bëri një prezantim lidhur më punën, konceptin dhe vizionin e Qendrës. Gjithashtu i njoftoi për të gjitha aktivitetet që i zhvillon Qendra e Kosovës për Siguri Publike, Edukim dhe Zhvillim, për  kapacitetet dhe mundësit  në trajnimin  e pjesëtarëve të policisë dhe të agjencive  tjera të Sigurisë Publike.

Pas takimit, delegacioni në përcjellje të stafit menaxhues të Qendrës bëri  një vizitë  rreth objekteve dhe hapësirës  të cilën e disponon QKSPEZH. 

Vushtrri ,28 tetor 2009 - Më ftesën  e Asociacionit  të Kolegjeve Policore të Evropës (AEPC), delegacioni i udhëhequr nga  u.d. i Kryeshefit Ekzekutiv  të Qendrës së Kosovës për  Siguri  Publike, Edukim dhe Zhvillim  z-sha  Taibe  Canolli dhe  përfaqësuesja nga Ministria e Punëve të Brendshme (MPB), Dhurata Sadiku  udhëtuan për të marrë pjesë  në takimin e radhës së AEPC-ut  të  mbajtur më 29.11.2009 në  Zagreb të Kroacisë.

Nga  Asociacioni  i  Kolegjeve Policore të Evropës  (AEPC),  anëtare të së cilës janë 45 shtete, Qendra e Kosovës për Siguri Publike, Edukim dhe Zhvillim është pranuar në cilësi të anëtarit  vëzhgues në takimin e mbajtur të Bordit Qeverisës të (AEPC) më 17 shtator 2009 në Budvë të Malit  të Zi .

Në këtë takim nga shtetet anëtare të Asociacionit  të Kolegjeve Policore të Evropës, Qendra e Kosovës për  Siguri Publike,  Edukim  dhe Zhvillim u  mirëprit dhe ju ofrua mundësia që të jetë pjesë e të gjitha aktiviteteve  duke përfshirë trajnimet, shkëmbimin e përvojave,  pjesëmarrjen në të gjitha  konferencat e organizuara  nga shtetet anëtare  të AEPC.

Meqë ishte hera e parë  e pjesëmarrjes , Qendrës së Kosovës për  Siguri Publike, Edukim dhe Zhvillim  ju dha mundësia   të  prezantojë tërë aktivitetin ,  konceptin dhe  funksionimin e QKSPEZH –it ,  në mënyrë që  shtetet  anëtare të AEPC  të kenë një pasqyrë të qartë  mbi  Qendrën tonë. 

Pranimi i Qendrës  së Kosovës  për  Siguri Publike,  Edukim dhe Zhvillim në këtë Asociacion është i një rëndësie të veçantë  dhe i kontribuon zhvillimit dhe bashkëpunimit të ngushtë mes shteteve anëtare të Asociacionit  të Kolegjeve Policore  të Evropës  (AEPC).

Vushtrri, 29 tetor 2009 -  Në vazhdën e takimeve që ka zhvilluar me institucione te larta shtetërore të Republikës se Kosovës, drejtori i Policisë së Malit të Zi ka vizituar edhe Qendrën e Kosovës për Siguri Publike Edukim dhe Zhvillim. Delegacioni I shoqëruar edhe nga drejtori i Policisë së Republikës së Kosovës Sheremet Ahmeti, është pritur nga stafi menaxhues i Qendrës. 


Delegacioni është njoftuar për së afërmi me punën dhe aktivitetet e Qendrës, si dhe nga të dyja palët është shfaqur interesim bashkëpunimi në fushën e sigurisë. Pasi u ka dëshiruar mirëseardhje të pranishmëve, u.d. i Drejtorit te Administratës dhe Logjistikes, Erton Beka Ka theksuar se kjo vizite është shumë e rëndësishme për shkëmbimin e përvojave dhe thellimin e bashkëpunimit ne mes dy shteteve. 
Ai e ka njoftuar drejtorin Veljovic se “Qendra për Siguri Publike Edukim dhe Zhvillim brenda vitit trajnon 12 deri ne 13 mijë zyrtarë të sigurisë publike në trajnime të avancuara dhe specializuara”. Gjithashtu ka sqaruar se në këtë Qendër trajnohen zyrtarët e katër agjensioneve te sigurisë publike. 

Pas takimit delegacioni i kryesuar nga drejtori Veljovic, ka vizituar studentët e gjeneratës se 39 të Policisë së Republikës së Kosovës, të cilët po e vijojnë trajnimin bazik në këtë Qendër. Më pas ata kanë bërë një vizitë rreth Qendrës për t`u informuar me infrastrukturën dhe pajisjet qe posedon Qendra.