Përshkrimi i përgjithshëm i programit

Qëllimet e programit studimor

Programi studimor BA “Siguri Publike” ka për qëllim të ofrojë për studentët përgatitje të avancuar teorike dhe praktike, e cila ndërtohet si vazhdimësi e zhvillimit dhe ngritjes profesionale. Ky program në vetvete synon të thellojë dhe avancojë njohuritë dhe të zhvillojë më tej kompetencat akademike e praktike, në mënyrë që studentët të jenë të aftë të ushtrojnë detyrat dhe përgjegjësitë e tyre në një nivel më të lartë në aspektin profesional, në përputhje me kornizën ligjore dhe institucionale të sigurisë publike në Republikën e Kosovës. Programi synon të kontribuojë në zhvillimin e kapaciteteve për zbatim të drejtë, proporcional dhe të përgjegjshëm të ligjit, në përmbushjen e detyrave me integritet dhe profesionalizëm, si dhe në krijimin e bazës së nevojshme që zyrtarët të avancojnë në karrierën profesionale në agjencitë e sigurisë publike. 

Programi synon t’i aftësojë të diplomuarit për të kuptuar dhe analizuar aspektet e ndërveprimit brenda sistemit të sigurisë publike, për të vepruar në mënyrë bashkëpunuese dhe të përgjegjshme, dhe për t’u përshtatur me sfidat bashkëkohore që ballafaqohet sistemi i sigurisë publike.

Programi është në përputhje të plotë me nivelin 6 të Kornizës Kombëtare të Kualifikimeve dhe Kornizës Evropiane të Kualifikimeve, me misionin dhe vizionin e Akademisë, si dhe nevojat reale të institucioneve të sigurisë publike për kuadro të përgatitura profesionale.

Objektivat e programit studimor

Objektivat e përgjithshme të programit studimor

Përmes objektiva të përgjithshme të programit studimor, programi studimor BA në “Siguri Publike” synon të ofrojë:

1. Formim të gjithanshëm dhe bashkëkohor në fushën e sigurisë publike;

2. Zhvillim të kapaciteteve intelektuale, analitike dhe profesionale të zyrtarëve të sigurisë publike;

3. Zhvillim të mendimit kritik dhe aftësive për zgjidhje të problemeve në kontekstin e sigurisë publike;

4. Ndërtim i kompetenca për menaxhimin e situatave të krizës, të reagimit të koordinuar dhe të vendimmarrjes në kontekste të ndërlikuara të sigurisë;

5. Nxitje e qasjes etike, respektimi i të drejtave të njeriut dhe të ligjshmërisë në ushtrimin e detyrës;

6. Zhvillim të aftësive të komunikimit dhe bashkëpunimit ndërinstitucional.

Objektivat specifike të programit studimor

Përmes objektivave specifike të programit studimor, programi studimor BA në “Siguri Publike” synon të ofrojë:

1. Sigurimin e formimit të rëndësishëm akademik dhe profesional në fushën e sigurisë publike, duke lidhur njohuritë teorike me zbatimin praktik në situata reale të punës;

2. Formimin dhe zhvillimin në fushën e ligjit të rëndësishme për sistemin e sigurisë publike, sikurse janë aspektet kushtetuese, administrative, të drejtave të njeriut dhe penale, duke i plotësuar ato me njohuri ndihmëse nga shkencat tjera;

3. Zhvillimin e aftësive për të parandaluar dhe trajtuar format e ndryshme të krimit dhe kërcënimeve ndaj sigurisë publike, përfshirë krimin e organizuar, krimin mjedisor, terrorizmin, kontrabandën, krimet kibernetike, menaxhimin e kufirit dhe fenomenin e migrimit;

4. Promovimin e etikës profesionale, integritetit dhe respektimit të të drejtave të njeriut, si parime bazë të veprimit të zyrtarëve të sigurisë publike; 

5. Nxitjen e mendimit kritik dhe përdorimin e qasjeve analitike, për të identifikuar rreziqet, zbatuar masa parandaluese dhe përdorur praktika bashkëkohore të sigurisë publike;

6. Zhvillimin e kapaciteteve për të përdorur teknologji dhe mjete moderne, përfshirë sigurinë e informacionit, inteligjencën artificiale dhe metodat digjitale të analizës, në funksion të rritjes së sigurisë publike; 

7. Rritjen e aftësive për të bashkëpunuar me institucione të ndryshme vendore dhe ndërkombëtare, për të ndarë përvoja dhe për të zbatuar praktikat më të mira në fushën e sigurisë publike;

8. Inkurajimin e zhvillimit profesional të vazhdueshëm, përmes përfshirjes në mësim gjatë gjithë jetës dhe pjesëmarrjes në hulumtime që avancojnë praktikën e sigurisë publike.

Rezultatet e synuara të të nxënit të programit studimor

Struktura e programit studimor

Pasqyra e programit studimor sipas semestrave dhe viteve të studimit

Kualifikimi  

Pas përfundimit të suksesshëm të studimeve trevjeçare (180 ECTS), studentët pajisen me titullin akademik “Bachelor në Siguri Publike” – një diplomë e njohur zyrtarisht (niveli 6 sipas KKK/EQF).

Ky kualifikim nuk është vetëm një diplomë, por një garanci profesionale që përgatit zyrtarët e sigurisë publike me kompetenca të thelluara teorike dhe praktike, duke i pajisur ata për sfidat e kohës moderne në sigurinë publike

Diploma Bachelor në Siguri Publike hap mundësi të reja për karrierë, zhvillim profesional dhe angazhim në forcimin e sigurisë dhe stabilitetit në Republikën e Kosovës.

Syllabuset 

Syllabuset …