Lajmet

Vushtrri, 22 shkurt ’10. - Më 1 dhe 2 shkurt ‘10 u.d. Kryeshefja Ekzekutive e QKSPEZH, Znj. Taibe Canolli, mori pjesë në takimin e radhës të Komitetit Ekzekutiv të Asociacionit të Kolegjeve Policore Evropiane (AKPE – AEPC). Nikoqir i takimit ishte Instituti Policor Zviceran, i cili organizoi këtë takim në Neuchâtel të Zvicrës.

Takimin e udhëhoqi Z. Maurice Petit, Kryetar i Asociacionit dhe njëherit Drejtor i Kolegjit Policor të Belgjikës. Në këtë takim u fol për bashkëpunimin ndërmjet vendeve të Ballkanit Perëndimor dhe CEPOL-it dhe për Politikën Fqinjësore Evropiane (PFE – ENP). Tema të tjera për diskutim ishin edhe bashkëpunimi me Agjencinë e Unionit Evropian për të Drejta Fundamentale dhe Konferenca belge në lidership në bashkëpunim me CEPOL-in. Një pjesë të diskutimeve zuri edhe organizimi i takimeve të ardhshme të këtij asociacioni dhe kalendari vjetor i kurseve të organizuara nga anëtarët e asociacionit.

Pjesëmarrës të këtij takimi të Asociacionit të Kolegjeve Policore Evropiane ishin udhëheqës të lartë të institucioneve arsimore e trajnuese të policisë nga Azerbaixhani, Belgjika, Franca, Gjeorgjia, Gjermania, Kosova, Mali i Zi, Mbretëria e Bashkuar, Polonia, Serbia, Sllovakia, Spanja, Suedia, Zvicra dhe Turqia.

Në këtë takim Znj. Canolli mori obligime për bashkëpunim të mëtutjeshëm në aktivitetet që do të organizohen në të ardhmen në Turqi, Gjeorgji e Spanjë. Kolegjet policore nga Evropa do të paraqesin katalogun e kurseve të cilat i mbajnë dhe QKSPEZH do të jetë njëra ndër kontribueset për përpilimin e këtij katalogu, duke përfshirë në të kurset e veta.

Asociacioni i Kolegjeve Policore Evropiane (AKPE – AEPC) është themeluar në vitin 1995 nga kolegjet policore të Gjermanisë. Holandës dhe Britanisë së Madhe. Sot ky asociacion numëron 42 anëtarë – kolegje policore nga e tërë Evropa, dhe është një platformë për intensifikimin e bashkëpunimit dhe hapjen e mundësive të reja në fushën e trajnimit dhe edukimit policor, veçanërisht për zyrtarët e lartë policorë.
 

Vushtrri,15 shkurt ‘10 - Sot në Qendrën e Kosovës për Siguri Publike, Edukim dhe Zhvillim filloi trajnimi bazik për Zjarrfikje dhe Shpëtim. Kjo gjenerat numron 14 pjesëmarrës, dhe  trajnimi  do të zgjasë dy javë.
 

Vushtrri, 22 janar ‘10 - Sot në Qendrën e Kosovës për Siguri Publike, Edukim dhe Zhvillim u mbajt ceremonia e certifikimit të 20 pjesëmarrëseve në kursin “Shkathtësitë e Menaxhimit”, kurs i cili ishte i mbështetur nga shteti Turk.

Të pranishëm ne ceremoni ishin u.d Kryeshef  Ekzekutiv znj. Canolli, u.d Drejtor i Drejtorisë për Përkrahje Programore z. Bajgora , Ambasadori Turk, zëvendës  Drejtori i Drejtorisë së Përgjithshme të Policisë së Kosovës si dhe stafi menaxhues i Qendrës.

Pjesëmarrësit vlerësuan lartë mbajtjen e këtij kursi si dhe theksuan se edhe në të ardhmen do te ketë bashkëpunime të ndërsjella në fushën e sigurisë  në mes të shtetit Turk dhe Qendrës së Kosovës për Siguri Publike, Edukim dhe Zhvillim, bashkëpunim i cili do ti kontribuoj sigurisë jo vetëm në Kosovë por edhe më gjerë.

Në fund të kësaj ceremonie pjesëmarrësve te kursit ju shpërndan edhe certifikatat. 

Vushtrri,18 janar’10 - Qendrën e Kosovës për Siguri Publike, Edukim dhe Zhvillim sot e vizituan studentet nga Programi Master për të Drejtat e Njeriut dhe Demokratizim “EMA”. Kjo vizitë nga studentet e programit” EMA” është realizuar në bashkëpunim me OSBE-në. Studentet  ishin nga  shtete të ndryshme të Bashkimit Evropian si dhe nga shtete të ndryshme të botës.

Studentet u pritën nga u.d Drejtor i Drejtorisë për Përkrahje Programore, z. Ali Bajgora nga përfaqësues të OSBE-së si dhe nga stafi menagjues i Qendrës.

Z. Bajgora fillimisht i përshëndeti të pranishmit si dhe ju uroi mirëseardhje në Qendër. Gjatë takimit   i njoftoi më për se afërmi rreth punës duke bërë një prezantim  lidhur me vizionin, misionin, fazën e tranzicionit, legjislacionit, trajnimeve dhe aktiviteteve që i zhvillon Qendra.

Qëllimi i kësaj vizite nga studentet ishte njohja më për se afërmi rreth  fushës së sigurisë në Kosovë, si dhe koncepti i trajnimit në fusha të ndryshme lidhur me Agjencionet e Sigurisë Publike, si e Policisë së Kosovës, Doganave, Shërbimit Korrektues si dhe Departamentit të Emergjencave.

Studentet nga Programi EMA, u ndan të kënaqur me vizitën bërë Qendrës si dhe theksuan se “Qendra juaj luan një rol shumë të rëndësishëm në përgatitjen e pjesëtarëve për ruajtjen e sigurisë  jo vetëm për shtetin tuaj por edhe me gjerë”.

Vushtrri, 18 janar 2010 - Sot në Qendrën e Kosovës për Siguri Publike, Edukim dhe Zhvillim filloi trajnimi themelor i gjeneratës së 40-të të Policisë së Kosovës. Trajnimi  do të zgjasë 12 javë dhe marrin pjesë 80-të kadetë.

U.d  Kryeshef Ekzekutiv i QKSPEZH-it znj. Taibe Canolli  dhe N/kolonel Driton Zabergja i përshëndetën  kadetët e rinj të kursit bazik  dhe u  uruan fillim të mbar kësaj gjenerate.
 

Vushtrri, 18 janar 2010 - Në Qendrën e Kosovës për Siguri Publike, Edukim dhe Zhvillim  në Vushtrri u mbajt seminari tre ditor i organizuar nga OJQ “Qëndresa dhe Lira” nga Ferizaj, mbështetur edhe nga OJQ “IRP” nga Ferizaj.

Në këtë seminar tre ditor morën pjesë 45 pjesëmarrës të përfshirë nga Komunat e Ferizajt, Shtimes, Hani i Elezaj, mosha e të cilëve ishte 15 deri në 18 vjeçar. Po ashtu pos ligjërimeve të ndryshme që mbajtën, u vizituan  këtu dhe nga Euro Deputeti i Parlamentit Evropian njëkohësisht Kryetar i Parlamentit të të Rinjve të Kosovës z.Abdullah Hasani, si dhe Drejtori për Kulturë, Rini dhe Sport, nga Komuna e Ferizajt z. Naim Ferati.

Qëllimi i këtij seminarit ishte aftësimi i të rinjve në këto fusha: Udhëheqje, Menaxhim, Ruajtja e Ambientit, Hartimin e Projekt Propozimeve, Roli i Institucioneve. Përveç ndjekjes së këti seminari pjesëmarsit zhvilluan edhe aktivitete tjera sportive në Qendër.

Njëra nga Pjesëmarrëset në këtë seminar Shkurta Hasani nga komuniteti Ashkali, theksoj se ky seminar na motivoj duke mësuar tema të rëndësishme që pas përfundimit të këtij seminari të fillojmë me iniciativat që komuniteti jonë ti sfidon dhe nga provoj  jonë që morëm do të mundohemi të zgjidhim.

 Në fund të këti seminari ata falënderuan Drejtoreshën e QKSPEZH-it, znj. Taibe Canolli  për përkrahjen dhe mbështetjen  e mbajtjes së këti seminari.

Vushtrri, 21 dhjetor 2009- Qendrën e Kosovës  për Siguri, Publike Edukim dhe Zhvillim  e vizitoi një delegacion nga Franca i kryesuar nga Gjenerali Francez Sainte Claire Deville. Delegacioni  u mirëprit nga u.d Drejtor i Drejtorisë për Përkrahje Programore z. Ali Bajgora,  Drejtori i Administratës dhe Logjistikës z. Pronaj,  nga Agjencionet e Sigurisë Publike si dhe stafi menaxhues i Qendrës.

Qëllimi i vizitës ishte njohja më për së afërmi e konceptit dhe trajnimeve të Qendrës së Kosovës  për Siguri Publike, Edukim dhe Zhvillim.

Gjatë takimit z. Ali Bajgora  bëri një prezantim të punës, aktiviteteve, misionit, vizionit dhe konceptit te QKSPEZH-it. Ai falënderoi shtetin Francez për ndihmën e vazhdueshme që kanë dhëne për Qendër, dhe tha se në Qendër kemi pasur instruktor edhe nga Franca që kanë dhëne kontribut të madh në trajnimin e pjesëtarëve të Agjencioneve të Sigurisë Publike.

Gjenerali Francez  falënderoi për  pritjen  e  bërë nga  Qendra, si dhe theksoi se “Policia luan rolë te rëndësishëm në sigurinë publike dhe se trajnimi për ta është i domosdoshëm në shumë fusha i cili i kontribuon sigurisë publike në vendin tuja”.

Në fund të takimit delegacioni Francez, bënë një vizitë objekteve si dhe disa nga pajisjet me të cilat trajnohen Agjencionet e Sigurisë Publike.
 

Vushtrri,18 dhjetor 2009 - Qendrën e Kosovës për Siguri Publike, Edukim dhe Zhvillim e vizitoi një delegacion nga Maqedonia i kryesuar nga Drejtori i Policisë së Maqedonisë z.Lupço Todorovski. Delegacioni  ishte i shoqëruar edhe nga drejtori i Policisë së Republikës së Kosovës,z. Sheremet Ahmeti.

Delegacioni u pritë nga u.d Kryeshef Ekzekutiv i QKSPEZH-it, znj. Taibe Canolli, Drejtori i Administratës dhe Logjistikës z.Pronaj, u.d i Drejtorisë për Përkrahje Programore z.Bajgora, N/kolonel Driton Zabergja, nga DME-ja si dhe stafi menagjues i Qendrës.

Znj. Canolli gjatë takimit i njoftoi më për së afërmi rreth punës, duke bërë një prezantim lidhur me misionin, vizionin, fazën e tranzicionit, legjislacionit, trajnimeve dhe aktiviteteve që i zhvillon Qendra e Kosovës për Siguri Publike, Edukim dhe Zhvillim. Gjithashtu znj. Canolli i falënderoi delegacionin nga Maqedonia për ndihmën e vazhdueshme që kanë dhënë për Qendrën tonë, si dhe theksoi se bashkëpunimi do të jetë edhe në te ardhmen në fushën e sigurisë i cili do ti kontribuoj  të dy shteteve.

Drejtori i Policisë së Maqedonisë Lupço Todorovski, theksoi se Qendra juaj ka një strukturë organizative Evropiane, ku nga ky organizim i tillë edhe dalin kuadër profesional në fushën e sigurisë. Përshtypjet e mira që mora sot nga kjo Qendër e Sigurisë, do ti përcjell edhe në Qeverinë tonë. Bashkëpunimi jonë  me QKSPEZH-in do të vazhdoj edhe në të ardhmen në shkëmbimin e përvojave të dy shteteve fqinje.

Drejtori i përgjithshëm i Policisë së Kosovës z.Sheremet Ahmeti  ceku se bashkëpunimi jonë me shtetin Maqedonas në fushën e sigurisë është shumë i mirë  i cili do të vazhdoj edhe në të ardhmen.

Delegacioni gjithashtu  bëri edhe  një vizitë  rreth  objektëve të Qendrës për tu njoftuar me infrastrukturën dhe me disa nga pajisjet me të cilat trajnohen zyrtaret e Agjencioneve të Sigurisë Publike.
 

Vushtrri,14 dhjetor 2009 - Organizata për Siguri dhe Bashkëpunim në Europë (OSBE) dhuroi donacion për Qendrën e Kosovës për  Siguri Publike,Edukim dhe Zhvillim dhe agjencionet e rendit dhe sigurisë në Kosovë. Ky donacion përmbante ‘’ Dhomë Simulative për Menaxhim të Krizave’’  e cila do të përdorët për katër agjencionet e sigurisë publike; Policia e Kosovës, Departamenti për Menaxhim të Emergjencave, Dogana e Kosovës si dhe Shërbimi Korrektues i Kosovës.

Pjesëmarrës në këtë ceremoni  ishin; u.d Krzeshef Ekzekutiv i QKSPEZh-it, znj.Canolli, Carsten Twelmeire  Drtejtor i Departamentit për Rend dhe Siguri Publik në OSBE, N/kolonel Driton Zabergja, Vasselika Timova Shefe e njesis për Zhvillimin e Trajnimeve të Departamentit për Rend dhe Siguri Publike, nga Policia e Kosovës, nga DME-ja, Dogana e Kosovës  si dhe Stafi Menagjues  i Qendrës.

Z.Carsten theksoi se ky është një nga projektet e fundit të fund vitit 2009. Qëllimi i këtij donacioni është, që ti mbështesim agjencionet për siguri publike,që trajnimet  e tyre teorike  ti zbatojnë edhe në praktik. Ne do të vazhdojmë edhe në të ardhmen  ta ndihmojmë QKSPEZH-in.

Znj. Canolli  ceku se në Qendër mbahen trajnime të shumta dhe ky projekt është shumë i rëndësishëm për katër agjencionet e Sigurisë Publike në Kosovë. Krijimi i një dhome të tillë, simulative është një ndihmes e madhe për agjencionet,që do të reflektohet në profesionalizmin e tyre.  Ne do ti mbështesim projektet e tilla, projekte të cilat në të ardhmen do te kenë dobi dhe profesionalizëm në trajnimet  e cila do të mbahen  në QKSPEZH.

N/kolonel Zabergja theksoi se ky është një projekt  madhorë për Policinë e Kosovës, projekt i cili do të ndihmoj në punën praktike të Policisë së Kosovës i cili do të reflektoj pozitivisht në punën të cilën do ta ushtrojnë në ruajtjen dhe sigurinë publike të të gjithë qytetarëve te Republikës së Kosovës.

Në fund të kësaj ceremoni, z.Carsten  dhuroi qelsat znj. Canolli ku dhe bënë prerjen e shiritit të kësaj dhome simulative.

Vushtrri, 11 dhjetor 2009 - Për disa çështje teknike sot në fshatin Studime komuna e Vushtrrisë u anulua inaugurimi i objektit të Qendrës së Trajnimeve të Departamentit të Menaxhimit të Emergjencave (DME), të Qendrës së Kosovës për Siguri Publike, Edukim dhe Zhvillim.

Vushtrri, 11 dhjetor 2009 - Të premtën, më datë 11 dhjetor 2009 në ora 13:00, në fshatin Studime Komuna e Vushtrrisë do të bëhet inaugurimi i objektit të Qendrës së Trajnimeve të Departamentit të Menaxhimit Emergjencave, pjesë përbërse e Qendrës së Kosovës për Siguri Publike, Edukim dhe Zhvillim

Të pranishëm do të jenë; Ministri i Punëve të Brendshme z. Zenun Pajaziti, përfaqësues nga OSBE, nga ICITAP, U.D. Kryeshef Ekzekutiv e QKSPEZH - it Znj. Taibe Canolli, nga Policia e Kosovës, Dogana  nga Shërbimi Korrektues i Kosovës si dhe zyrtar nga Ambasada Franceze.

Ftohen mediat që të jenë prezentë.
 

Vushtrri, 04 Dhjetor 2009 - Pas një trajnimi të modifikuar 12 javor, në QKSPEZH diplomoi gjenerata e 39-të e  zyrtarëve të rinj të Policisë së Kosovës. Kjo gjeneratë numëron 70 pjesëtarë, të cilët u trajnuan me planprogramin e dizajnuar në bazë të standardeve ndërkombëtare për të drejtat e njeriut dhe sundim të ligjit.

Në ceremoni të diplomimit morën pjesë; zavendës Drejtori i DPPK-së Riza Shillova,Nënkolonel Driton Zabërgja, u.d Drejtor i Drejtorisë për Përkrahje Programore  Ali Bajgora,nga Shërbimi Korrektues i Kosovës,  Dogana e Kosovës, përfaqësues nga EULEX-i,  si dhe familjarë të të diplomuarëve.

Pjesmarrësit  në këtë ceremoni kanë vlerësuar lartë punën  e Policisë së Kosovës  duke i inkurajuar  ata  që  edhe në  të ardhmen të  shërbejnë në nivel të njejtë të bërë deri  tani.”.

Zavendës  drejtori i DPPK-së z. Shillova  vlerësoi se edukimi dhe zhvillimi luajnë rol të rëndësishëm në formimin e kuadrit profesional.
Gjithashtu ai kërkoi  përkushtimin maksimal nga kjo gjeneratë në zbatimin e ligjit të Kosovës.

U.d Drejtor i Departamentit për Përkrahje  Programore në QKSPEZH  z. Bajgora theksoi se dita e sotme po shënon edhe një sukses madhorë që po kurorëzohet si rezultat i angazhimit të Institucioneve të Republikës së Kosovës, në veçanti i Ministrisë së Punëve të Brendshme, Policisë së Kosovës, Qendrës së Kosovës për Siguri Publike, Edukim dhe Zhvillim  bashkërisht me Institucionet dhe Organizmat Ndërkombëtarë në sferën e sigurisë publike –Diplomimin e gjeneratës së 39-të të pjesëtarëve të Policisë së Kosovës.

Ndërsa, zëdhënësi i gjeneratës së 39- të policisë, Shemsi  Demolli, tha se “do të japim maksimumin në përkushtimin ton, që t’i mbrojmë të drejtat e qytetarëve, pa dallim etnie, race apo gjinie duke u bazuar dhe zbatuar me përpikshmëri ligjet e Republikës së Kosovës”.

Pas shpërndarjes së diplomave, kapitenët e klasëve dorëzuan flamujt të cilët simbolizonin të arriturat akademike, disiplinën si dhe arritjet në të gjitha lëmitë përgjatë 3 mujorit të  trajnimit. Këta flamuj iu dorëzun drejtorit të  Drejtoratit për Trajnime Mandatore, nënkolonel Driton Zabërgja.