Lajmet

Vushtrri, 21 tetor 2010 – Kryeshefi Ekzekutiv i Qendrës së Kosovës për Siguri Publike, Edukim dhe Zhvillim, z. Sheremet Ahmeti priti sot zëvendësdrejtorin e Përgjithshëm të Policisë Kombëtare të Turqisë, z. Osman Çapali, udhëheqësin e Departamentit të Inteligjencës në Policinë Kombëtare Turke, Omer Altiparmak, zëvendës-udhëheqësin e këtij Departamenti, Sabedtin Akguç, si dhe mbikëqyrësin e Departamentit të Inteligjencës, Bilal Çankal.Gjatë takimit kryeshefi Ekzekutiv, z. Sheremet Ahmeti e ka njoftuar delegacionin turk për punët dhe aktivitetet e Qendrës së Kosovës për Siguri Publike, si dhe kanë biseduar për mundësinë e bashkëpunimit midis dy institucioneve të Kosovës dhe Turqisë.Kryeshefi Ahmeti e ka falënderuar z. Çapali për angazhimin dhe ndihmën e vazhdueshme që Turqia po i bën Kosovës në të gjitha fushat, e posaçërisht në fushën e sigurisë.

Gjatë bisedës, kryeshefi Ahmeti e njoftoi delegacionin turk për të gjitha trajnimet që mbahen nga katër agjencionet e sigurisë publike në Qendrën e Kosovës për Siguri Publike, Edukim dhe Zhvillim. Kryeshefi Ahmeti e ka njoftuar delegacionin turk edhe për projektet, të cilat priten të realizohen së shpejti, që kanë të bëjnë me ngritjen e kapaciteteve trajnuese dhe akomoduese në Qendër. Delegacioni turk u informua edhe për konceptin, vizionin, fazën e tranzicionit, akreditimit, legjislacionit, por edhe për sukseset dhe të arriturat e Qendrës së Kosovës për Siguri Publike, Edukim e Zhvillim. Po ashtu kryeshefi Ahmeti e ka njoftuar delegacionin turk se në Qendrën e Kosovës për Siguri Publike trajnohen pjesëtarë të sigurisë publike jo vetëm nga Republika e Kosovës, por edhe nga vendet e rajonit. “Qëllimi ynë është që Qendra e Kosovës për Siguri Publike, Edukim dhe Zhvillim të marrë karakter regjional në Evropën Juglindore për studime në fushën e sigurisë publike, pasi këtu ka pasur shumë pjesëtarë të agjencive të sigurisë publike nga vendet e rajonit si Shqipëria, Maqedonia dhe Mali i Zi”, tha kryeshefi Ahmeti.

Ndërkaq, zëvendësdrejtori i Përgjithshëm i Policisë Kombëtare të Turqisë, Osman Çapali duke e falënderuar z.Ahmeti për pritjen, ka premtuar se policia dhe shteti turk do ta përkrahin vazhdimisht Policinë dhe shtetin e Kosovës. Çapali ka shfaqur shpresën se Qendra e Kosovës për Siguri Publike së shpejti do të bëhet Akademi Policore. “Shpresoj se Qendra për Siguri Publike së shpejti do të bëhet Akademi Policore. Ne si polici dhe shtet turk jemi të gatshëm qe t’u përkrahim në çdo aspekt”, tha Çapali.

Vushtrri, 19 tetor 2010-Që nga dita e hënë Qendra e Kosovës për Siguri Publike, Edukim dhe Zhvillim (QKSPEZH) do të funksionoj  me Udhëzim të ri Administrativ.
Në mbështetje të nenit 145 paragrafi 2 të Kushtetutës së Republikës së Kosovës, ministri i Punëve të Brendshme z. Bajram Rexhepi ka  nënshkruar Udhëzimin Administrativ për organizimin dhe strukturimin e brendshëm të Qendrës së Kosovës për Siguri Publike, Edukim dhe Zhvillim. Udhëzimi administrativ përcakton organizimin strukturor të qendrës si Agjenci Ekzekutive në kuadër të Ministrisë së Punëve të Brendshme.QKSPEZH-i si Agjencion Ekzekutiv do të veproj në përputhje me misionin e ministrisë së Punëve të Brendshme, dokumentet strategjike të saj dhe vizionin e  qartë për ndërtimin, ruajtjen, ngritjen e sigurisë së përgjithshme dhe ofrimin e shërbimeve sa ma cilësore, profesionale dhe të avancuara të bazuara në standardet dhe vlerat demokratike për paanshmëri dhe profesionalizëm.
 

Vushtrri, 18.10.2010.- Qendrën e Kosovës për Siguri Publike, Edukim dhe Zhvillim e vizitoi një delegacion nga Ekipi për Ndërlidhje dhe Monitorim (LMT) i KFOR-it i përbërë nga  Nënkolonel z. Hansen Bjarne dhe Major Z. Srečko Matovič. Delegacioni u prit nga u.d. Kryeshefi Ekzekutiv i QKSPEZH, z. Sheremet Ahmeti dhe Drejtori për Trajnime Mandatore nga Policia e Kosovës në QKSPEZH, Nënkolonel Driton Zabërgja.
Në fjalën e tij, z. Ahmeti e njoftoi delegacionin e KFOR-it për organizimin e Qendrës, aktivitetet e saj trajnuese për të katër agjencitë e sigurisë publike pjesë të Qendrës, si dhe për aktivitetet që bëhen në QKSPEZH nga institucione të tjera publike, si dhe organizata të ndryshme qeveritare e joqeveritare vendore dhe ndërkombëtare, të cilat kanë për qëllim ngritjen e bashkëpunimit ndërmjet komunitetit dhe institucioneve të sigurisë publike në vend. Në vazhdim, z. Ahmeti ju foli mysafirëve për projektet të cilat priten të realizohen për ngritjen e kapaciteteve trajnuese dhe akomoduese në Qendër. Ai po ashtu i informoi të pranishmit për bashkëpunimin ndërkombëtar, para së gjithash me dy partnerët kryesorë të QKSPEZH, OSBE-në dhe ICITAP-in, si dhe me institucione të tjera të ngjashme në Evropë. “Qëllimi ynë”, tha Z. Sheremet Ahmeti, “është që kjo Qendër të marrë karakter regjional në Evropën Jug-Lindore për studime në fushën e sigurisë publike, pasi që këtu ka pasur shumë pjesëtarë të agjencive të sigurisë publike nga vendet e rajonit, si Shqipëria, Maqedonia dhe Mali i Zi.”
Ndërsa Majori Matovič i informoi nikoqirët për takimet e rregullta javore që i kanë me stafin udhëheqës të Policisë së Kosovës në Komunën e Vushtrrisë.  Delegacioni  u nda  kënaqur me të arriturat e Qendrës dhe me gatishmërinë e stafit të saj udhëheqës për bashkëpunim ndërkombëtar. “Ideja kur policia ka qenë mbi popull ka kaluar”, tha Majori Matovič, duke i dhënë rëndësi të veçantë policisë së orientuar në komunitet. “Kosova”, tha Z. Matovič, “është shtet që shkon në rrugë të drejtë dhe që meriton t’i ndihmohet”.
Në vazhdim të takimit, Z. Ahmeti vuri theksin në rëndësinë e trajtimit të barabartë të të gjithë qytetarëve, dhe shtoi se duhet të respektojmë ligjin që të kemi ardhmëri më të ndritshme.
Mysafirët  ishin  të kënaqur me vizitën. U hap rruga e mëtejmë e bashkëpunimit ndërmjet këtyre dy institucioneve (LMT, KFOR dhe QKSPEZH), për të cilën gjë u pajtuan të dy palët.
 

Vushtrri, 13 tetor 2010- Qendrën e Kosovës për Siguri Publike, Edukim dhe Zhvillim sot e vizitoi udhëheqës i Akademisë Policore të Qarkut Federal Gjerman të Baden- Württemberg z. Peter Egetemaier me bashkëpunëtor të tije.Delegacioni gjerman u pritë nga kryeshefi Ekzekutiv  z. Sheremet Ahmeti, si dhe Zyrtar të Lartë të Qendrës. Fillimisht z. Ahmeti iu uroi mirëseardhje në qendër delegacionit gjerman e më pas e njoftoi edhe për strukturën organizative të Qendrës së Kosovës për Siguri Publike, Edukim dhe Zhvillim. Delegacionin e informoi lidhur me punën aktivitete trajnimet të cilat mbahen në qendër nga katër agjencionet si Policia e Kosovës, Agjencioni i Emergjencave, Dogana e Kosovës dhe Shërbimi Korrektues i Kosovës. Gjithashtu z. Ahmeti e informoi delegacionin edhe për  konceptin, vizionin,  fazën e tranzicionit,  akreditimit , legjislacionit, sukseset dhe të arriturat  e Qendrës. Ndërsa  delegacioni nga gjermania u ndan të kënaqur me vizitën bërë qendrës dhe shprehen gadishmërin e bashkëpunimit mes Akadimisë Policore të Qarkut Federal Gjerman dhe Qendrës së Kosovës për Siguri Publike Edukim dhe Zhvillim.Në fund të takimit ata bënë një vizitë rreth objekteve të QKSPEZH-it për tu njoftuar me infrastrukturën dhe me disa nga pajisjet me të cilat trajnohen zyrtaret e Agjencioneve të sigurisë publike. 

Vushtrri, 12 tetor 2010 –     Anton Cena rreshter në Policinë e Kosovës njëherit është edhe  Instruktor në Qendrën e Kosovës për Siguri Publike, Edukim dhe Zhvillim (QKSPEZH) pas shumë fitoreve në Xhudo ai u shpallë edhe nënkampion i Evropës në konkurrencën e veteranëve në kampionatin qe u mbajt në Poreç të Kroacisë më 7 deri me 10 tetor. Cena përveç punës qe e kryen në QKSPEZH si instruktor nuk i ndalë asnjëherë aktivitet sportive.Ai është edhe anëtar i klubit të Xhudos “Polici” të Prishtinës.Pasi që Republika e Kosoves ende nuk është e pranuar në Federatën Evropiane të Xhudos Cena në kampionatin evropian për Xhudo mori pjesë si përfaqësues i Shqipërisë dhe ishte i vetmi garues shqiptarë nga Kosova dhe Shqipëria.Cena me paraqitjen e tij shumë profesional dhe të shkëlqyer gjatë lojërave fitoj dy luftëra me “IPPON”. Anton Cena gjatë kësaj gare mposhti zviceranin Andre Sui Zingg dhe holandezin Harry MartensCena për të arritur në final luftojë deri në fund mirëpo u mposhtë nga rusi Nikolai Evgerov. Cena thotë se nuk do të ndalet me kaq ai shpreson që me shkathtësitë që ka dhe profesionalizmin e tij një ditë do të bëhet edhe kampion bote. Cena e cilësoi lartë pjesëmarrjen në këtë ngjarje sportive duke falënderuar Policinë e Kosovës dhe Qendrën e Kosovës për Siguri Publike, Edukim de Zhvillim që i mundësoi pjesëmarrjen në këtë Kampionat Evropian të Xhudos.

Vushtrri, 15 shtator 2010 –Ambasadori i Republikës së Shqipërisë në Kosovë z.Islam Lauka, sot vizitoi Qendrën e Kosovës për Siguri Publike, Edukim dhe Zhvillim (QKSPEZH) si dhe pjesëmarrësit të cilët po ndjekin trajnimin “Komanda dhe stafi policor” në të cilin trajnim janë duke marrë pjesë  pjesëtarë të Policisë së Republikës së Kosovës, Republikës së Shqipërisë dhe vendeve tjera te rajonit. Trajnimi i cili po mbahet në QKSPEZH është i mbështetur nga ICITAP. Në kuadër të kësaj vizite ambasadori z.Lauka u takua me drejtorin e Departamentit për Përkrahje Programore në QKSPEZH z.Ali Bajgora. Gjatë takimin z.Bajgora e ka informuar ambasadorin z.Lauka për trajnimet që mbahen në qendër nga të gjitha agjensionet e sigurisë publike, për suksesin, misionin dhe vizionin e qendrës për të ardhmen. Në fund të vizitës ambasadori i Shqipërisë në Kosovë z.Islam Lauka ka falënderuar z.Bajgora për mikpritjen që i është bërë atij si dhe ka premtuar vazhdimin e bashkëpunimit në sferën e trajnimeve për sigurinë publike në mes të dy shteteve Kosovës dhe Shqipërisë.

Vushtrri, 15 shtator 2010 – Kryeshefi Ekzekutiv i Qendrës së Kosovës për Siguri Publike, Edukim dhe Zhvillim (QKSPEZH) z. Sheremet Ahmeti sot ka udhëtuar për një vizitë zyrtare në Poloni. Në kuadër të kësaj vizite zyrtare kryeshefi Ahmeti do të marrë pjesë në  takimin e Komitetit Ekzekutiv të Asociacionit të Kolegjeve Policore Evropiane  që do të mbahet në Krakov të Polonisë. Gjatë këtij takimi i cili do të zgjasë dy ditë radhazi nga 16-17 shtator 2010, kryeshefi Ahmeti është i shoqëruar edhe me drejtorin e Departamentit të Administratës dhe Logjistikës në QKSPEZH Halim Shala si dhe me këshilltaren e ministrit të Punëve të Brendshme Dhurata Sadiku – Hoxha.
 

Vushtrri, 8 shtator 2010 – Qendra e Kosovës për Siguri Publike, Edukim dhe Zhvillim (QKSPEZH) sot nënshkroi një memorandum mirëkuptimin me Zyrën e Kryeministrit të Republikës së Kosovës, konkretisht me zyrën për Publikimin e Gazetës Zyrtare. Memorandumi i nënshkruar mes QKSPEZH-it dhe Zyrës për Publikimin e Gazetës Zyrtare ka për qëllim  rritjen e transparencës, publikimin e të gjitha teksteve zyrtare në këtë gazetë. Kryeshefi Ekzekutiv i Qendrës së Kosovës për Siguri Publike, Edukim dhe Zhvillim z.Sheremet Ahmeti nënshkrimin e këtij momerandumi e ka vlerësuar si shumë të dobishëm për Qendrën. Ai tha se më nënshkrimin e këtij memorandumi thellohet edhe me tej bashkëpunimin mes Qendrës dhe Qeverisë.  Ky memorandum u nënshkruar nga Kryeshefi Ekzekutiv i QKSPEZH-it, Sheremet Ahmeti dhe sekretari i Përgjithshëm i Zyrës së Kryeministrit, Fitim Krasniqi.