Lajmet

Vushtrri, 01 qershor 2012- Në Akademinë e Kosovës për Siguri Publike, përfundoi trajnimi, Teknikat e Hetimit të Grabitjeve për pjesëtarë të Policisë së Kosovës.
Nënkolonel Driton Zabërgja, përfaqësues i Policisë së Kosovës në Akademi, falënderoi instruktoret nga Turqia për ndihmën e vazhdueshme që po japin në realizimin e këtyre trajnimeve. Ai tha se trajnimet e tilla  kanë rëndësi të madhe në aftësimin e pjesëtarëve të policisë, në ruajtjen e sigurisë së përgjithshme për të gjithë qytetarët e Republikës së Kosovës. Gjithashtu ai shprehu bindjen se bashkëpunimet e tilla do të vazhdojnë edhe në të ardhmen.
Ndërsa instruktorët nga Turqia theksuan se edhe në të ardhmen do të vazhdojnë me projekte të tilla të cilat besojnë se do ti ndihmojnë Policisë së Kosovës në kryerjen e detyrave dhe përgjegjësive që kanë për ruajtjen e sigurisë në Kosovë.
Në këtë trajnim kanë marrë pjesë 19 pjesëtarë të Policisë së Kosovës nga rajone të ndryshme i cli ka zgjatur një javë.
 

Vushtrri, 30 maj 2012- Drejtori i Përgjithshëm i Akademisë së Kosovës  për Siguri Publike, Ismail Smakiqi priti në takim një delegacion nga misioni i Bashkimit Evropian në Kosovë EULEX, i udhëhequr nga Ole Madsen shefi i komponentës së Policisë.
Smakiqi fillimisht i përshëndeti delegacionin e më pas i informoi me punën, aktivitetet, trajnimet të cilat mbahen në Akademi nga Agjencionet e sigurisë publike si Policia e Kosovës, Dogana e Kosovës, Agjencioni i Menaxhimit të Emergjencave, Shërbimi Korrektues i Kosovës, Shërbimi Sprovues dhe Inspektoriati.
Gjithashtu Smakiqi foli edhe për fazat të cilat po kalon tani Akademia si në proceset e akreditimit, certifikimit  si dhe synimet e saj që në një të ardhme te afër të bëhet  me arsimim të lartë,  kryesisht në fushën e sigurisë.
Drejtori Smakiqi falënderoi të gjitha misionet ndërkombëtare për kontributin e dhënë në fushën e sigurisë e në mesin e tyre edhe misionin e Bashkimit Evropian EULEX-in.
Ai shprehu bindjen se Akademia e Kosovës për Siguri Publike dhe  EULEX-i do ta vazhdojnë bashkëpunimin edhe në të ardhmen.
Ndërsa shefi i Komponetës të Policisë së EULEX-it Ole Madsen tha se qëllimi i vizitës  në Akademi është të informohen më për se afërmi  me punën, trajnimet  dhe aktivitete që zhvillohen në këtë institucion. Ai tha se bashkëpunimi mes EULEX –it dhe Akademisë do të vazhdoj edhe në të ardhmen.

Vushtrri, 22 maj  2012 – Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi, priti sot në takim, Judith Campbell, udhëheqëse e Ekipit të Evropës së Zyrës për Çështje Ndërkombëtare të Narkotikëve dhe Zbatimit të Ligjit të Departamentit Amerikan të Shtetit, i shoqëruar nga Darel Hart, udhëheqës i ICITAP-it në Kosovë.
Drejtori Smakiqi shprehi mirënjohje për ndihmën që ofrojnë partnerët e AKSP-së siç janë ICITAP-i dhe OSBE, që nga themelimi dhe kjo ndihmë vazhdon të jetë qenësore për Akademinë.
Smakiqi gjatë këtij takimi e informoi delegacionin me aktivitetet dhe trajnimet që po zhvillohen në Akademi. Duke  folur për prioritet, drejtori Smakiqi e njoftoi delegacion për bashkëpunim që Akademia ka edhe më shtetet tjera si dhe për anëtarësimin e saj në organizata e ndryshme policore.
“Akademia e Kosovës për Siguri Publike në profilin momental do të jetë e përhershme, meqë se Agjensionet e Sigurisë Publike kanë nevojë për trajnime të vazhdueshme në trajnime bazike, të specializuara, të avancuara dhe të lidershipit”, tha Smakiqi.
Gjatë këtij takimi drejtori Smakiqi foli edhe për  projektin e binjakëzimit, projekt i Komisionit Evropian për AKSP-në, i cili implementohet nga Finlanda dhe Estonia dhe ka të bëjë me përmirësimin e arsimit në sektorin e sigurisë publike në Republikën e Kosovës. Po ashtu drejtori Smakiqi e njoftoi delegacioni se në AKSP përveç zyrtarëve të sigurisë publike të vendit, trajnohen edhe zyrtarë të sigurisë publike nga vendet e rajonit.
 “Vizita juaj është e një rëndësie të veçante për Akademinë, dhe kjo dëshmon edhe një herë bashkëpunimin e vazhdueshme që ka Akademia me gjitha institucionet që kanë të bëjnë më sigurinë publike dhe zbatimin e ligjit”, u shpreh Smakiqi.
Ndërsa  udhëheqësit e Zyrës për Çështje Ndërkombëtare të Narkotikëve dhe Zbatim të Ligjit shprehen interesimin e tyre për llojet e trajnimeve që zhvillohen në AKSP si dhe për prioritet që kanë Akademia për të ardhmen. Ata shprehen gatishmërinë e tyre për ta mbështetur akademinë në realizimin e projekteve të saj.
 

Vushtrri, 23 maj 2012 – Një delegacion i Shkollës  Policore Turke i udhëhequr nga drejtori i kësaj shkolle, Ramazan Erdogan, vizituan Akademinë e Kosovës për Siguri Publike (AKSP), ku u priten nga Drejtori i Përgjithshëm, Ismail Smakiqi, nga përfaqësuesit e Institucioneve të Sigurisë Publike dhe menaxhmenti i lartë i AKSP-së. Qëllimi i vizitës ishte vazhdimi i bashkëpunimit mes këtyre dy institucioneve Akademisë së Kosovës për Siguri Publike dhe Shkollës së Trajnimit Policor të Turqisë. Drejtori Smakiqi e ka njoftuar delegacionin për konceptin, vizionin dhe trajnimet të cilat mbahen në AKSP  nga të gjitha agjencionet si  Policia e Kosovës, Agjencioni për Menaxhimin e Emergjencave, Shërbimit Korrektues dhe Dogana e Kosovës. Smakiqi tha se AKSP ka bashkëpunim të shkëlqyeshëm me Shkollën e Trajnimit Policor të Turqisë. Në këtë kuadër, Smakiqi vlerësoi lartë nivelin e marrëdhënieve dypalëshe mes Kosovës dhe Turqisë dhe nënvizoi domosdoshmërinë e forcimit të tyre. Smakiqi potencoi lidhjet e fuqishme bilaterale ndërmjet dy shteteve Kosovës dhe Turqisë dhe falënderoi shtetin turk  për përkrahjen e vazhdueshme për Republikën e Kosovës.
Ndërsa delegacioni turk shprehen gatishmërinë e tyre që ta përkrahin Akademinë në gjitha fushat që lidhen me sigurinë, sundimin e ligjit dhe luftimin e dukurive negative.

Vushtrri, 22 maj 2012 – Ambasadori i Belgjikës në Kosovë, Pascal H.Gregoire sot vizitoi Akademinë e Kosovës për Siguri Publike (AKSP), ku u prit nga Drejtori i Përgjithshëm, Ismail Smakiqi, me bashkëpunëtor. Në takim morën pjesë edhe përfaqësuesit e Institucioneve të Sigurisë Publike.
Drejtori Smakiqi e falënderoi ambasadorin  belg Gregoire për ndihmën e vazhdueshme që po japin Kosovës në të gjitha fushat, e posaçërisht në fushën e sigurisë.
Gjatë këtij takimi drejtori Smakiqi e njoftoi ambasadorin Gregoire, për të gjitha trajnimet që mbahen nga katër agjencionet e sigurisë publike në AKSP. Ambasadori është njoftuar edhe për projektet, të cilat priten të realizohen së shpejti, që kanë të bëjnë me ngritjen e kapaciteteve trajnuese dhe akomoduese në akademi. Delegacioni u informua edhe për konceptin, vizionin, fazën e tranzicionit, akreditimit, legjislacionit, por edhe për sukseset dhe të arriturat e Akademisë së Kosovës për Siguri Publike.
Duke folur rreth trajnimeve  Smakiqi tha se qëllimi është që akademia të marrë karakter regjional në Evropën Juglindore për studime në fushën e sigurisë publike.
Ndërsa ambasadori Gregoire  e përgëzoi drejtorin Smakiqi për rezultatet e arritura dhe premtoi angazhimin e vazhdueshëm në mbështetje të zhvillimit të pjesëtarëve të sigurisë publike.

Vushtrri, 15 maj 2012- Anton Cena instruktor ne Akademinë e Kosovës për Siguri Publike i cili në garat nderkombëtare përfaqson Shqipërinë është shpallur kampion Evropian në Judo. Kamiponati Evropian për Judo është mabjtur në Opole të Polonisë ku kanë marrë pjesë 37 shtete në të cilin Cena zuri vendin e parë.
Cena tha se kësaj radhe shkëlqeu me shumë se herën e kaluar se ne finale e mposhti Rusin Sikoev, me humbje maksimale, 10 me zero pra me ippon. Luftën e pare  pata fate te jem i lire, te dytën e munda francezin i cili është mu si unë Instruktor i Policisë ne Akademinë e Policisë ne France dhe atë me 10 me zero apo me Ippon. Cena në finale u ndesh me te njëjtin rus te cilin e kishte mposhtur në finale të vitit të kaluar, por kësaj here me rezultat edhe më të mirë me piken me te larte te mundur ne Judo.
Gara e radhës për mua do të jetë sfida me e madhe sepse ne nëntor është kampionati botëror qe do mbahet ne Rio de Zhenero te Brazilit ne te cilin do marr pjese si Kosovë. “Besoj qe do bëhem kampion bote dhe do ta ngrit edhe flamurin e shtetit te dytë Shqiptar flamurin e Republikës së Kosovës” tha Cena.
 Me këtë rast ai falënderoj Policin e Kosovës, Akademinë e Kosovës për Siguri Publike, që i mundësuan pjesëmarrjen në këtë kampionat.
 

Vushtrri, 14 maj 2012 – Në Akademinë e Kosovës për Siguri Publike (AKSP), Komisioni për Çështje të Luftëtarëve i përberë prej 30 personave të cilën kanë qenë ish - luftëtarë në Libi sot kanë përfunduar një ligjëratë përmes së cilës kanë marrë përvojat nga Kosova se si bëhet transformimi nga jeta ushtarake në atë civile. Ish- luftëtarët libianë gjatë qëndrimit në AKSP kanë fituar njohuri rreth programit se si bëhet demobilizimi, çarmatimi dhe riintegrimi i personave ushtarakë dhe inkuadrimi i tyre në institucione. Për përgatitjen e kësaj vizite në AKSP është përkujdesur organizata SPARKS nga Holanda e cila u ka sugjeruar ish- ushtarëve libianë se trajnimet dhe përvojat për çarmatimin e ushtarëve mund t’i marrin në Kosovë. Ish ushtarëve nga Libia u kanë ligjëruar ekspertë të sigurisë publike dhe instruktorë nga Policia e Kosovës, Dogana e Kosovës, Shërbimit Korrektues të Kosovës dhe Agjencionit të Menaxhimit të Emergjencave. Po ashtu gjatë këtij pilot studimi i cili është mbajtur në AKSP kanë ligjëruar edhe ekspertë të sigurisë publike nga UNDP-ja. Ligjërata ka zgjatur shtatë ditë.


 

Vushtrri, 10 maj 2012 – Grupi Punues i Akademisë së Kosovës për Siguri Publike (AKSP), ka finalizuar gjashtë  projekt - rregullore që dalin nga Ligji i AKSP-së.  Gjatë kësaj punëtorie e cila ka zgjatur pesë ditë radhazi janë shqyrtuar këto projekt rregullore; Projekt Rregullorja  për kodin e etikes në Akademinë e Kosovës për Siguri Publike; për organizimin e brendshëm të AKPS-së dhe sistematizimin e vendeve të punës; për bordin e AKSP-së; për planifikimin e trajnimeve dhe koordinimin e donacioneve për trajnimet e institucioneve të sigurisë publike të cilat organizohen dhe mbahen në AKSP; për ofrimin e trajnimeve dhe shërbimeve për personat privat fizik dhe juridik; si dhe  projekt rregullorja për pagesat e personelit trajnues në AKSP.
Në këtë grup punues përveç zyrtarëve të lartë të Akademisë kanë marrë pjesë edhe zyrtarë ligjor nga zyra e kryeministrit, Ministrisë së Punëve të Brendshme, Ministrisë së Drejtësisë si dhe përfaqësuesit nga katër Agjensionet e Sigurisë Publike. Në këtë punëtori kanë marrë pjesë edhe përfaqësuesit e OSBE-së, ICITAP-it si dhe përfaqësues të projektit të Binjakëzimit, ekspertë të komponentës së parë nga ky projekt nga shteti i Finlandës dhe Estonisë. Këtë punëtori pesë ditore e cila është mbajtur në Shqipëri e ka financuar OSBE-ja.
Tryezën e Punëtorisë e ka udhëhequr Drejtori i Përgjithshëm i AKSP-së Ismail Smakiqi.
 

Vushtrri, 03 maj 2012- Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi dhe drejtori i Departamentit për Trajnime dhe Përkrahje Programore, Dukagjin Dinaj janë kthyer nga vizita zyrtare në Turqi.
Gjatë kësaj vizite Smakiqi ka marrë pjesë në konferencën e parë vjetore të Asociacionit Ndërkombëtar të Akademive Policore, (INTERPA).
Në këtë konferencë të gjitha shtetet pjesëmarrëse kanë prezantuar programet e trajnimeve të akademive mbi trajnimet e Policisë.
Kosova është prezantuar me temën “Sistemi i Trajnimit Policor të Kosovës” ku përmes prezantimeve, diskutimeve dhe takimeve  janë promovuar vlerat e Akademisë së Kosovës për Siguri Publike si dhe puna e mirë e Policisë së Kosovës. Po ashtu gjatë takimeve drejtori Smakiqi tha se është biseduar edhe për çështje të ndryshme siç janë mundësia e rritjes së bashkëpunimit si dhe shkëmbimin e përvojave mes shteteve anëtare të INTERPA-as.
Në këtë konferencë kanë marrë pjesë 24 shtete themeluese të INTERPA –as, si dhe Akademitë e 22 shteteve vëzhguese.
Asociacionin Ndërkombëtar i Akademive Policore (INTERPA), u nënshkrua në Stamboll me 2  korrik të vitit të kaluar ku edhe Akademia është anëtare e këtij asociacioni.  Asociacioni Ndërkombëtar i Akademive Policore (INTERPA), ka për qëllim të themeloj platformën e komunikimit, bashkëpunimit, shkëmbimit dhe koordinimit të përvojave mes shteteve anëtare me qëllim të luftimit, terrorizmit, kontrabandës, trafikimit me njerëz dhe të gjitha dukurive tjera negative.
 

Vushtrri, 23 prill 2012 - Drejtori i Përgjithshëm i Akademisë së Kosovës për Siguri Publike, Ismail Smakiqi i shoqëruar nga Dukagjin Dinaj, drejtori i Departamentit të Trajnimeve dhe Përkrahjes Programore, ka udhëtuar në një vizitë zyrtare në Turqi. Gjatë kësaj vizite drejtori Smakiqi do të marrë pjesë në takimin e radhës të Asociacionit

Ndërkombëtar të Akademive Policore, (INTERPA).
Smakiqi do të ketë takime me përfaqësues të institucioneve të sigurisë publike të shteteve të ndryshme anëtare të INTERPA-së. Në këtë takimë pritet të diskutohen tema të ndryshme që kanë të bëjnë me çështjen e sigurisë si dhe bashkëpunimin dhe shkëmbimin e përvojave.
Asociacionin Ndërkombëtar i Akademive Policore (INTERPA), u nënshkrua në Stamboll me 2  korrik të vitit të kaluar ku edhe Akademia është anëtare e këtij asociacioni.  Asociacioni Ndërkombëtar i Akademive Policore (INTERPA), ka për qëllim të themeloj platformën e komunikimit, bashkëpunimit, shkëmbimit dhe koordinimit të përvojave mes shteteve anëtare me qëllim të luftimit, terrorizmit, kontrabandës, trafikimit me njerëz dhe të gjitha dukurive tjera negative.
 

Vučitrn, 13 April – Jedna delegacija Nacionalne Policiske Akademije sa Turske danas posećuje Kosovsku Akademiju za Javnu Bezbednost (KAJB) gde je bila dočekana od strane Generalnog Direktora, Ismail Smakiqi, od prestavnika Institucija Javne Bezbednosti u KAJB-u kao i rukovodeće osoblje.
Zeleći im dobrodošlicu, Direktor Smakiqi informisao je delegaciju za buke koje se odvijaju u KAJB-u kao i proces akreditiranja Akademije.. On takođe je informisao delegaciju i za učlanjivanje KAJB  u nekoliko Međunarodnim Policiskim Agencijama. Ovom prilikom  Smakiqi je zahvalio Tursku za neprekidnu pomoć koja pruža Kosovu u svim oblastima, posebno na oblasti bezbednosti.
Tokom sastanka se razgovaralo i o kokretnoj saradnji između Kosovske Akademije za Javnu Bezbednost  i Nacionalne Policiske Akademije Turske.
Dok prestavnik Kosovske Policije u KAJB, potpukovnik  Driton Zabërxha, rekao je da saradnja između  PK-a  i Policije  Turske biće nastavljena i u budućnosti.
 

Vushtrri, 13 Prill – Një delegacion i Akademisë Kombëtare Policore nga Turqia sot vizitoi Akademinë e Kosovës për Siguri Publike (AKSP) ku u prit nga Drejtori i Përgjithshëm, Ismail Smakiqi, nga përfaqësuesit e Institucioneve të Sigurisë  Publike në AKSP si dhe nga stafi menaxhues.
Duke iu dëshiruar mirëseardhje, drejtori Smakiqi e ka njoftuar delegacionin për trajnimet që zhvillohen në AKSP si dhe për procesin e akreditimit të Akademisë. Ai po ashtu e ka informuar delegacionin edhe për anëtarësimin e AKSP-së në disa agjensione policore Ndërkombëtare. Me këtë rast Smakiqi ka falënderuar Turqinë për ndihmën e vazhdueshme  që po i bënë Kosovës në gjitha fushat, posaçërisht në fushën e sigurisë.
Gjatë takimit u bisedua edhe për bashkëpunimin konkret midis Akademisë së Kosovës për Siguri Publike dhe Akademisë Kombëtare Policore Turke.
Ndërsa përfaqësuesi i Policisë së Kosovës në AKSP, nënkolonel Driton Zabërxha, tha se bashkëpunimi në mes të PK-së dhe Policisë së Turqisë ka qenë dhe do të vazhdojë edhe në të ardhmen.