Lajmet

Prishtinë, 13 shkurt 2012 - Në Akademinë e Kosovës për Siguri Publike (AKSP), filloi kursi bazik për inspektim për zyrtarët e Inspektoratit të Policisë së Kosovës. Ky trajnim u organizua nga Programi Mbështetës Trajnues i Hetimit të Krimit Ndërkombëtarë në Kosovë (ICITAP).
Në këtë ceremoni morën pjesë, ministri i Punëve të Brendshme, Bajram Rexhepi, Kryeshefi Ekzekutiv i Inspektoratit të Policisë së Kosovës, Fitim Shishani, Menaxheri i ICITAP-it në Kosovë, Darrel Hart dhe zyrtarë të lartë i AKSP-së.
Ministri i Punëve të Brendshme, Bajram Rexhepi, falënderoi ICITAP-in për mbështetjen e vazhdueshme që po i ofron pjesëtarëve të sigurisë publike. Ai theksoi se mbikëqyrja demokratike e institucioneve të sigurisë është njëri ndër parakushtet kryesore të shtetit modern të bazuar në respektimin e të drejtave të njeriut dhe vlerave demokratike.
“Puna e deritashme e Inspektoratit të Policisë së Kosovës ka ndikuar drejtpërdrejt edhe në cilësinë e Policisë së Kosovës, si institucioni më i besuar në Republikën e Kosovës. Bashkëpunim mes policisë dhe inspektoratit garanton rend dhe siguri për gjithë qytetarët e vendit”, tha ministri Rexhepi.
Ministri Rexhepi vuri në dukje se  ndër përgjegjësitë  e Inspektoratit të Policisë së Kosovës, në të cilën parashihet edhe në ligjin për IPK-në, ka të bëjë me inspektimin e strukturave dhe funksioneve të Policisë së Kosovës, për të siguruar llogaridhënie dhe efikasitet në mënyrën e kryerjes së detyrave nga ana e zyrtarëve policor dhe vlerësoi se vijimi i kursit për inspektim është mjaft i rëndësishëm për zyrtarët e IPK-së.
Ndërsa, Kryeshefi Ekzekutiv i Inspektoratit të Policisë së Kosovës, Fitim Shishani tha se trajnimi për inspektim është shumë i rëndësishëm për zyrtarët e IPK-së. Ai tha se ky trajnim do të aftësojë zyrtarët në ngritjen e vazhdueshme profesionale duke u përkujdesur që ligji të zbatohet në mënyrë profesionale. Kursi për inspektimin do të zgjatë dy javë.

Vushtrri, 01 shkurt 2012 - Në Akademinë e Kosovës për Siguri Publike (AKSP), sot filloi trajnimi bazë i gjeneratës së 43-të të Policisë së Kosovës.
 Kadetët e rinj do të trajnohen sipas planprogrameve të dizajnuara në bazë të standardëve ndërkombëtare për të drejtat e njeriut dhe sundim të ligjit.
Nënkolonel Driton Zabergja i përshëndeti dhe ju uroi suksese kadetëve, gjithashtu i njoftoi edhe me rregullat dhe procedurat e vijimit të mësimeve në Akademi.

Trajnimi do të zgjasë 20 javë dhe do të marrin pjesë 134 kadet.

 

Vushtrri, 25 janar 2012 - Akademia e Kosovës për Siguri Publike (AKSP) bëhet me flamur dhe emblemë. Flamuri dhe emblema e AKSP është përzgjedhur nëpërmjet një konkursi publik prej 30 ditësh në të cilin kanë konkurruar 14 persona. Nga ky numër i konkurrenteve Ministria e Punëve të Brendshme në bashkëpunim me Akademinë e Kosovës për Siguri Publike ka përzgjedhur tre më të mirët.Në konkursin për flamurin dhe emblemën e AKSP në vendin e parë është përzgjedhur konkurrenti Gani (Aziz) Baliu me 67 pikë, në të dytin Egzon Bytyqi me 64 pikë dhe në vendin e tretë renditet Kujtim Kuqi me 50 pikë.

Konkurrentët janë shpërblyer, vendi i parë me 1.500 euro, i dyti me 500 dhe vendi i tretë me 300 euro. Konform Ligjit për Akademinë e Kosovës për Siguri Publike fituesi i vendit të parë është përzgjedhur nga ana e ministrit të Punëve të Brendshme, ndërsa fituesit e vendit të dytë dhe tretë janë përzgjedhur nga Drejtori i Përgjithshëm i AKSP-së sipas ofrimit te pesë propozimeve nga Komisioni për zgjedhjen e Flamurit dhe Stemës se Akademisë së Kosovës për Siguri Publike.

Ndryshim i flamurit dhe emblemës është bërë për shkak të hyrjes në fuqi të Ligjit për Akademinë e Kosovës për Siguri Publike i cili  ka hyrë në fuqi më 10 dhjetor të vitit 2011 dhe tash e tutje mbanë emrin Akademia e Kosovës për Siguri Publike.

Vushtrri, 20 janar 2012 – Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi, i shoqëruar nga drejtori i Trajnimeve dhe Përkrahjes Programore Dukagjin Dinaj, kanë marrë pjesë në konferencën rajonale të Asociacionit të Kolegjeve Policore Evropiane (AEPC) që është mbajtur me 17 dhe 19 të këtij muaj në Shqipëri.Qëllimi i konferencës ka qenë diskutimi për përgatitjen e zgjedhjes së presidentit të ri të AEPC-ut, përgatitja e bordit drejtues për takimin e radhës që do të mbahet në shkurt të këtij viti, në Solna të Suedisë, bashkëpunimi me DCAF, me CEPOL dhe me MEPA.
Po ashtu gjatë kësaj konferencë janë prezantuar programe mbi trajnimet për pjesëtarët e sigurisë publike në vend.
Drejtori i Përgjithshëm i AKSP-së, Ismail Smakiqi tha se konferencat e tilla kane ndikim të madh në avancimin e platformës se komunikimit, bashkëpunimit, shkëmbimit dhe koordinimit të përvojave mes shteteve anëtare të këtij asociacioni.Në konferencën rajonal përveç Shqipërisë e cila ka qenë nikoqire, pjesëmarrës kanë qenë edhe Kosova, Suedia, Sllovakia, Rumania, Gjermania dhe Norvegjia. Po ashtu në këtë konferencë kanë marrë pjesë edhe presidenti i Asociacioni të Kolegjeve Policore të Evropës, Maurice Petit, zëvendësministri i Punëve të Brendshme të Shqipërisë, drejtorit i Përgjithshëm i Policisë së Shqipërisë, Hysni Burgaj si dhe përfaqësues të OSBE-së dhe ICITAP-it nga Republika e Shqipërisë.
Asociacioni  i  Kolegjeve Policore të Evropës (AEPC), ka 45 shtete anëtare.

Vushtrri, 23 dhjetor 2011 – Akademinë e Kosovës për Siguri Publike  (AKSP) të premten e vizituan përfaqësuesit e Organizatës Joqeveritare nga Kirgistani, Taxhagistani dhe Gjeorgjia të cilët u priten nga Drejtori i Përgjithshëm i Akademisë, Ismail Smakiqi.
Drejtori Smakiqi fillimisht e falënderoj delegacioni për vizitën duke e cilësuar këtë vizitën mjaftë të rëndësishme për Akademinë.
Gjatë këtij takimi drejtori Smakiqi e njoftojë delegacionin për trajnimet dhe aktivitet që mbahen në Akademi nga katër agjensionet e sigurisë publike siç janë; Policia e Kosovës, Dogana e Kosovës, Shërbimi Korrektues dhe Agjensioni i Menaxhimit të Emergjencave. Po ashtu Smakiqi ka njoftuar delegacionin edhe për të arriturat dhe  prioritetet që ka Akademia në të ardhmen.
Smakiqi ka folur për bashkëpunimin e Akademisë që ka me shteteve tjera, anëtarësimin  e saj në Asociacionin e Kolegjeve Policore Evropiane (AEPC) dhe Asociacionin Ndërkombëtar të Akademive Policore (INTERPA). 
Më këtë rast Smakiqi shprehu gatishmërinë e tij për bashkëpunim më këto organizata. Ndërsa përfaqësuesit e Organizatës Joqeveritare nga  Kirgistani, Taxhagistani dhe Gjeorgjia gjatë takimit shprehen interesimin e tyre për mënyrën e trajnimeve që mbahen në AKSP. Ata thanë se qëllimi i vizitës së tyre ishte që të njihen me për se afërmi më aktivitet që mbahen në Akademi.  Organizatat Joqeveritare nga Kirgistani, Taxhagistani dhe Gjeorgjia kanë marrë pjesë në konferencën “Siguria në Bashkësi” e cila u mbajt në Prishtinë.
 

Vushtrri, 16 dhjetor 2011 – Në Akademinë e Kosovës për Siguri Publike (AKSP), përfundoi trajnimi për kontrollin e turmave dhe trazirave për pjesëtarë të Policisë së Kosovës.
Të pranishëm në ceremoninë e diplomimit ishin Ministri i Punëve të Brendshme Bajram Rexhepi, zëvendës udhëheqës i OSBE-së në Kosovë Edward Paul Joseph, drejtori i Akademisë Ismail Smakiqi, kryetari i komisionit për siguri Ahmet Isufi, drejtori i përgjithshëm i Policisë së Kosovës Shpend Maxhuni dhe zyrtar nga institucione të ndryshme. Ministri Rexhepi falënderoi misionin e OSBE-së në Kosovë për ndihmën e vazhdueshme që po japin në realizimin e këtyre trajnimeve, dhe shprehu bindjen se edhe në të ardhmen do të ketë projekte të përbashkëta për pjesëtaret e sigurisë publike. “Trajnimet e këtij niveli kanë një rendësi të veçantë në ruajtjen e sigurisë së përgjithshme për të gjithë qytetarët e Republikës së Kosovës” tha Rexhepi.
Ndërsa zëvendës udhëheqësi i OSBE-së Edward Paul Joseph tha se edhe në të ardhmen do të vazhdojmë me projekte të tilla ti cilat shpresoj dhe besoj se do ti ndihmojnë Policisë së Kosovës në misionin e tyre për ruajtjen e sigurisë së përgjithshme. Rëndësia e këtij trajnimi ishte përmirësimi dhe aftësimi i pjesëtarëve të Policisë se Kosovës për t’iu përgjigjur trazirave dhe demonstratave të mundshme në harmoni me të drejtat e njeriut. Ai u fokusua në teknikat e negociatave dhe të zgjidhjes së problemeve, planifikimin rezervë si dhe në marrëdhëniet me media dhe publikun. Në këtë trajnim kanë marr pjesë 35 pjesëtarë të Policisë së Kosovës  i cili ka zgjatur dy javë dhe është organizuar nga misioni i OSBE-së në Kosovë. 

Vushtrri, 8 dhjetor 2011- Kryeshefi Ekzekutiv i Qendrës se Kosovës për Siguri Publike, Edukim dhe Zhvillim Ismail Smakiqi, priti në takim kryetarin e Gjykatës Kushtetuese, Enver Hasani.
Kryeshefi Smakiqi gjatë këtij takimi e informoi kryetarin e Gjykatës Kushtetuese Hasani, me prioritetet e Qendrës, bashkëpunimin e saj me Akademitë e shteteve tjera si dhe anëtarësimin e Qendrës në Asociacionin i Kolegjeve Policore Evropiane (AEPC) dhe Asociacionin Ndërkombëtar të Akademive Policore (INTERPA). Smakiqi e njoftoi Hasanin edhe për aprovimin e Ligjit të Akademisë së Kosovës për Siguri Publike, emër të cilin do ta mbajë QKSPEZH tani e tutje. “Fillimi i implementimit të këtij ligji, paraqet cilësi të re në jetën e këtij institucioni”, tha Smakiqi.
Kryeshefi Smakiqi foli edhe për  projektin e binjakëzimit, projekt i Komisionit Evropian për QKSPEZH-in, i cili është fituar nga Finlanda dhe Estonia dhe ka të bëjë me përmirësimin e arsimit në sektorin e sigurisë publike në Republikën e Kosovës.
Ndërsa kryetari i Gjykatës Kushtetuese Enver Hasani ka përgëzuar menaxhmentin e Qendrës për punën që është duke e bërë.

Vushtrri, 29 nëntor 2011- Ministri i Punëve të Brendshme, Bajram Rexhepi dhe ministrja e Punëve të Brendshme të Republikës së Finlandës, Paivi Rasanen, vizituan Qendrën e Kosovës për Siguri Publike, Edukim dhe Zhvillim (QKSPEZH) në Vushtrri, ku prezantuan projektin e binjakëzimit mes QKSPEZH-it dhe institucioneve të sigurisë së Finlandës dhe Estonisë.
Ky projekti i binjakëzimit, i cili është një projekt i Komisionit Evropian për QKSPEZH-in, është fituar nga Finlanda dhe Estonia dhe ka të bëjë me përmirësimin e arsimit në sektorin e sigurisë publike në Republikën e Kosovës.
Ministri i Punëve të Brendshme, Bajram Rexhepi, tha se ky projekt do të bëjë ngritjen e nivelin e arsimit në Qendrën e Kosovës për Siguri Publike, Edukim dhe Zhvillim, ku përveç  shërbimeve bazike, të specializuara dhe të avancuara, do të ketë ngritje të nivelit bachelor edhe për sigurinë publike.
“Unë besoj në stafin po ashtu edhe në përkrahjen që kemi nga Komisioni Evropian, OSBE-ja, ICITAP-i dhe të tjera që gjithnjë kanë qenë bashkë me ne, se do t’ia dalim dhe kjo do të jetë një Qendër regjionale jo vetëm  për nivel të Kosovës por edhe për rajonet tjera”, tha ministri Rexhepi.
Ndërsa ministrja e Punëve të Brendshme të Republikës së Finlandës, Paivi Rasanen tha se projekti i binjakëzimit i fituar nga Finlanda dhe Estonia është interes i Bashkimit Evropian ndaj Ballkanit, ku është e përfshirë edhe Republika e Kosovës.
“Ky rast është i shkëlqyer për shtetin e Kosovës dhe tash është koha juaja që t’i realizoni projektet e BE-së. Besoj se ju do t’i mirëpritni ekspertët tanë që të bashkëpunoni në realizimin e këtij projekti shumë të rëndësishëm, ku do të përmirësohet arsimimi për pjesëtarët e sigurisë publike”, tha ministrja Paivi Rasanen.
Kryeshefi ekzekutiv i QKSPEZH-it, Ismail Smakiqi, tha se kjo Qendër po vazhdon me reformimin e saj, duke iniciuar procedurat rreth hartimit të akteve nënligjore në përputhje me Ligjin e Akademisë së Kosovës për Siguri Publike, me objektiv të qartë për akreditimin e Akademisë në përputhje me planin zhvillimor strategjik për tri vitet e ardhshme, duke përfshirë këtu ristrukturimin e brendshëm organizativ, anëtarësimin e Akademisë në organizatat ndërkombëtare etj.

Vushtrri, 29 nëntor 2011- Ministri i Punëve të Brendshme, Bajram Rexhepi dhe ministrja e Punëve të Brendshme të Republikës së Finlandës, Paivi Rasanen, vizituan Qendrën e Kosovës për Siguri Publike, Edukim dhe Zhvillim (QKSPEZH) në Vushtrri, ku prezantuan projektin e binjakëzimit mes QKSPEZH-it dhe institucioneve të sigurisë së Finlandës dhe Estonisë.
Ky projekti i binjakëzimit, i cili është një projekt i Komisionit Evropian për QKSPEZH-in, është fituar nga Finlanda dhe Estonia dhe ka të bëjë me përmirësimin e arsimit në sektorin e sigurisë publike në Republikën e Kosovës.
Ministri i Punëve të Brendshme, Bajram Rexhepi, tha se ky projekt do të bëjë ngritjen e nivelin e arsimit në Qendrën e Kosovës për Siguri Publike, Edukim dhe Zhvillim, ku përveç  shërbimeve bazike, të specializuara dhe të avancuara, do të ketë ngritje të nivelit bachelor edhe për sigurinë publike.
“Unë besoj në stafin po ashtu edhe në përkrahjen që kemi nga Komisioni Evropian, OSBE-ja, ICITAP-i dhe të tjera që gjithnjë kanë qenë bashkë me ne, se do t’ia dalim dhe kjo do të jetë një Qendër regjionale jo vetëm  për nivel të Kosovës por edhe për rajonet tjera”, tha ministri Rexhepi.
Ndërsa ministrja e Punëve të Brendshme të Republikës së Finlandës, Paivi Rasanen tha se projekti i binjakëzimit i fituar nga Finlanda dhe Estonia është interes i Bashkimit Evropian ndaj Ballkanit, ku është e përfshirë edhe Republika e Kosovës.
“Ky rast është i shkëlqyer për shtetin e Kosovës dhe tash është koha juaja që t’i realizoni projektet e BE-së. Besoj se ju do t’i mirëpritni ekspertët tanë që të bashkëpunoni në realizimin e këtij projekti shumë të rëndësishëm, ku do të përmirësohet arsimimi për pjesëtarët e sigurisë publike”, tha ministrja Paivi Rasanen.
Kryeshefi ekzekutiv i QKSPEZH-it, Ismail Smakiqi, tha se kjo Qendër po vazhdon me reformimin e saj, duke iniciuar procedurat rreth hartimit të akteve nënligjore në përputhje me Ligjin e Akademisë së Kosovës për Siguri Publike, me objektiv të qartë për akreditimin e Akademisë në përputhje me planin zhvillimor strategjik për tri vitet e ardhshme, duke përfshirë këtu ristrukturimin e brendshëm organizativ, anëtarësimin e Akademisë në organizatat ndërkombëtare etj.

Vushtrri, 23 nëntor 2011 – Në Qendrën e Kosovës për Siguri Publike, Edukim dhe Zhvillim (QKSPEZH), të premten u certifikuan  njëzet e një pjesëtarë të sigurisë publike të cilët përfunduan më sukses trajnimin “Luftimi i korrupsionit brenda institucioneve”, trajnim ky i organizuar nga misioni i OSBE-së në Kosovë. Të certifikuarit janë zyrtarë të lartë të Policisë së Kosovës, doganës, pjesëtarë të Inspektoratit Policor, zyrtarë të Prokurorisë Special dhe gjyqtar.
Kryeshefi Ekzekutiv i QKSPEZH-it, Ismail Smakiqi duke falënderuar misionin e OSBE-së për bashkëpunimin e vazhdueshëm vlerësoj se \"Trajnim i avancuar kundër korrupsionit”, ka ndikim të madhe në ngritjen e kapaciteteve të pjesëtarëve të institucioneve të sigurisë publike. Ai tha se nga trajnimet e tilla pjesëtarët e sigurisë publike përfitojnë njohuri të reja ku do të sjellin vlera të reja për organizatën e tyre ku punojnë. Më këtë rast Smakiqi ka folur edhe rreth prioriteteve që ka Qendra. “Në vazhdën e ngritjes së kapaciteteve dhe angazhimeve në përputhje me obligimet që dalin nga Kushtetuta e Republikës së Kosovës, Legjislacioni në fuqi dhe prioritetet e Qeverisë së Republikës së Kosovës, Ministrisë se Punëve te Brendshme, Qendra e Kosovës për Siguri Publike Edukim dhe Zhvillim po vazhdon me reformimin e saj duke zhvilluar planin zhvillimor strategjik për tre vitet e ardhshme, akreditimin, ristrukturimin e brendshëm organizativ të saj, anëtarësimin në organizatat ndërkombëtare si AEPC dhe INTERPA, binjakëzimin me projektin ECLO etj”, u shpreh Smakiqi.
Shefqet Beqaj duke folur në emër të drejtorit të përgjithshëm të policisë tha se luftimi i korrupsionit është mision i policisë së Kosovës..
Njëherit përshëndeti edhe misionin e OSBE-së për kontributin e dhënë në mbajtjen e trajnimeve të shumta. Carsten Tweilmer, drejtor i Departamentit për Siguri Publike në OSBE shprehi gatishmërinë e tij që edhe në të ardhmen ta përkrah Policinë e Kosovës më trajnime të ndryshme. Qëllimi trajnimit ishte përforcimi i aftësive të akterëve relevantë që në mënyrë efikase të identifikojnë dhe hetojnë korrupsionin. Ky trajnim gjithashtu është shfrytëzuar si një mundësi për përmirësimin e raporteve mes agjencive dhe shkëmbimin e  përvojave dhe praktikave më të mira. Trajnimi ka zgjatur pesë ditë.
 

Vushtrri, 25 nëntor 2011- Në bazë të nenit 65 (1) të Kushtetutës së Republikës së Kosovës, ditë më parë është miratuar ligji për Akademinë e Kosovës për Siguri Publike i cili sot është shpallur edhe në Gazetën Zyrtare.
Në bazë të këtij ligji Qendra e Kosovës për Siguri Publike, Edukim dhe Zhvillim (QKSPEZH), tani e tutje do të ketë emërtim tjetër i cili është, Akademia e Kosovës për Siguri Publike (AKSP).
 Edhe pas miratimit të këtij ligji Akademia do të vazhdoj të mbetet agjencion ekzekutiv i Ministrisë së Punëve të Brendshme (MPB).
Në ligj thuhet se  Akademia e Kosovës për Siguri Publike është përgjegjës për ofrimin e trajnimeve dhe arsimit të lartë, zbatimin e politikave dhe strategjive të trajnimit, arsimimit të lartë si dhe zhvillimin e kapaciteteve në fushën e sigurisë publike
Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së Kosovës.

Vushtrri, 25 nëntor 2011- Qendrën e Kosovës për Siguri Publike, Edukim dhe Zhvillim më 29.11.2011 në ora 14:30, do ta vizitoi  Päivi Räsänen ministre e Punëve të Brendshme të Finlandës dhe ministri i Punëve të Brendshme të Kosovës, Bajram Rexhepi.
Ministrat do të takohen me Kryeshefin Ekzekutiv të Qendrës se Kosovës për Siguri Publike, Edukim dhe Zhvillim, Ismail Smakiqi, ku edhe do të prezantojnë projektin e binjakëzimit mes QKSPEZH-it dhe shtetit të Finlandës. Projekti i binjakëzimit, i cili është një projekt i Komisionit Evropian për QKSPEZH-in, është fituar nga Finlanda dhe Estonia dhe ka të bëjë me përmirësimin e arsimit në sektorin e sigurisë publike në Republikën e Kosovës.

Ftohen mediat që të marrin pjesë.