Lajmet

Vushtrri, 28 shtator 2016- Në Akademinë e Kosovës për siguri Publike sot filloi punëtoria , “orientimi për Romë Ashkali, Egjiptian me qëllim të rritjes së përfshirjes së tyre në radhët e Policisë së Kosovës”.

Në hapjen e punëtorisë folën Ake Roghe, drejtor i Departamentit për siguri në OSBE i cili theksoi se gjatë këtyre dy ditëve sa do të qëndrojnë në Akademi pjesëmarrësit do të kenë mundësi të informohen rreth aplikimit dhe punës në Policinë e Kosovës.

“Ju në të ardhmen do të keni një rol shume të rëndësishëm në Policinë e Kosovës”, tha para të pranishmëve Roghe.

Policia edhe në të kaluarën edhe tani ka një rol të rëndësishëm dhe demokratike në sigurinë e qytetarëve pa asnjë dallim përkatësie etnike, fetare apo çfarë do tjetër.

Drejtori i Përgjithshëm i Akademisë së Kosovës për Siguri Publike (AKSP) Ismail Smakiqi,  gjatë hapjes tha se punëtoritë e tilla janë shumë të rëndësishme që ndikojnë në informiminë tuaj rreth policisë.

Smakiqi u tha të pranishmëve se në këtë punëtori do të mësoni se si ta gjeni rrugën e mirë për tu  inkuadruar në Policinë e Kosovës.

“Rruga e ardhjes në Akademi nuk është e vështirë, duhet pak punë.  Policia e Kosovës ka nevojë për ju, komuniteti i juaj ka nevojë për ju, familjet e juaja kanë nevojë për ju”, tha Smakiqi.

Duke përmendur emra të njohur që janë të inkuadruar në Policinë e Kosovës  dhe që janë të graduar, Smakiqi tha se në të gjithë shoqëritë e organizuara ekziston shkalleshmëria e arritjes së gradave.

“Kjo rrugë nuk është e lehtë është përgjegjësi me u marrë më sigurinë e vendit të juaj”,  u shpreh Smakiqi duke thënë së në Kosovë ka barazi ndër etnike, fetare etj. 

Smakiqi falënderoj OSBE-në për përkrahjen e Akademisë që po ja bënë në vazhdimësi.

Edhe kolonele Taibe Canolli e falënderoi OSBE-në, për organizimin e kësaj punëtorie, për punën dhe përkrahjen që i ofron Policisë së Kosovës që nga themelimi, më projekte të ndryshme që ndikojnë në fuqizimin e policisë. 

“Është shumë më rëndësi që një numër kaq i madh nga ju jeni të interesuar që të inkuadroheni në Policisë së Kosovës. Besoj se gjatë këtyre tri ditëve sa do të qëndroni në Akademi do  të informoheni rreth procedurave të aplikimit për pranimin në Policinë e Kosovës”, u shpreh Canolli.

Punëtoria “orientimi për Romë Ashkali, Egjiptian me qëllim të rritjes së përfshirjes së tyre në radhët e Policisë së Kosovës”, do te zgjate nga 28.09.2016 deri me daten 30.09.2016.

Vushtrri, 21 shtator 2016 - Akademia e Kosovës për Siguri Publike  (AKSP) rishpallë konkurs  për pranimin e studentëve  në Fakultetin e Sigurisë Publike, për vitin e parë akademik  2016/2017.

Konkursi është i hapur nga data 21.09.2016  deri me datën 27.09.2016  në ora 16:00. Kurse provimi pranues do të mbahet më datën 28.09.2016 në ora 10

Për informata kliko këtu:

Konkursi: Konkursi

Aplikacioni: Aplikacioni

Manuali: Manuali



 

Vushtrri,  21 shtator 2016 – Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi priti sot në takim një delegacion të KFOR-it gjerman i kryesuar nga komandanti i këtij kontingjenti Siegfried Zeyer.
 
Gjatë takimit, drejtori Smakiqi njoftoi delegacionin e KFOR-it për  zhvillimet në Akademi, duke u fokusuar në trajnimet profesionale të zyrtarëve të sigurisë publike dhe në arsimin e lartë që zhvillohet nga Fakultetit i Sigurisë Publike.

Delegacioni u informua edhe për historikun e Akademisë, për strategjinë zhvillimore ,  për planin e veprimit të  AKSP-së për vitin 2014 – 2018, për projektin e binjakëzimit që ka për qëllim forcimin e arsimit në fushën e sigurisë si dhe për bashkëpunimin ndërkombëtar.

Drejtori Smakiqi foli edhe për bashkëpunimin e AKSP-së me KFOR-in, si dhe me institucione të ndryshme të Republikës Federale të Gjermanisë, siç është Universiteti Policor Gjerman në Münster, për mundësinë e bashkëpunimit me Universitetin e Brandenburgut të Shkencave të Aplikuara Policore, si dhe për projektet e financuara nga ambasada e Republikës Federale të Gjermanisë përmes Misionit në Kosovë të OSBE-së, siç janë vizitat e ndërsjella të zyrtarëve nga Universiteti Policor Gjerman në Münster dhe AKSP-ja, donacioni i librave për Fakultetin e Sigurisë Publike dhe Konferenca “Ndërlidhja me rrjete”, e mbajtur në Prishtinë në tetor 2015.
Në takim, Drejtori Smakiqi falënderoi Kolonelin Zeyer për donacionin e kontejnerëve për nevoja të trajnimit të Agjencisë për Menaxhimin e Emergjencave.

Ndërkaq kolonel Siegfried  Zeyer përgëzoi drejtorin Smakiqi për të arriturit e Akademisë. Duke folur për angazhimin e KFOR-it për ruajtjen e paqes dhe sigurisë në Kosovë, Zeyer tha se është shumë e rëndësishme pikëpamja e sigurisë, duke u shprehur për reduktimin e angazhimit të KFOR për shkak të situatës së sigurisë në vend, e cila gjithmonë e më shumë po përmirësohet.

Zeyer tha se Akademia e Kosovës për Siguri Publike  është një institucion shumë i rëndësishëm për sigurinë publike në Kosovë.

Koloneli Zeyer u zotua që përkrahja dhe bashkëpunimi për Akademinë do të vazhdoi edhe me tutje.

Në fund, delegacioni vizitoi hapësirat e AKSP-së dhe falënderoi nikoqirët për mirëpritje. 

Vushtrri, 19 shtator 2016 – Në Akademinë e Kosovës për Siguri Publike (AKSP), publikohen rezultatet e afatit të dytë të studentëve të cilët kanë aplikuar për studime në Fakultetin e Sigurisë Publike për vitin e parë akademik  2016/2017.

Afati për parashtrimin e ankesave është nga data 20.09.2016 deri 22.09.2016 nw ora 16:00.

Listën e rezultateve të zyrtarëve të cilët kanë aplikuar për studime në Fakultetin e Sigurisë Publike e gjeni më poshtë;

Lista: Lista e rezultateve

Afati i Ankesa: Ankesa

Vushtrri, 16 shtator 2016  – Në  Akademinë e Kosovës për Siguri Publike (AKSP), sot u mbajt takimi i Komitetit  Drejtues për Projektin e Binjakëzimit, që ka për qëllim përkrahjen e  mëtejme të  arsimit  në fushën e sigurisë publike. Gjatë takimit ekspertët ndërkombëtarë prezantuan punën që është bërë gjatë tre mujorit të dytë.

Drejtori i Përgjithshëm i Akademisë, Ismail Smakiqi falënderoi të gjithë bashkëpunëtorët për kontributin e dhënë në realizimin e projektit të binjakëzimit.

Duke e vlerësuar këtë projekt si shumë të rëndësishëm për të gjitha agjencionet e sigurisë publike në vend, Smakiqi tha se ky projekt  do të përmbush të gjitha synimet e tyre.  Drejtori Smakiqi u shpreh u kënaqur me ecurinë e projektit të binjakëzimit.

“Kjo më bënë të ndihem i sigurt që projekti do të përfundojë me suksese. Akademia do të jetë e përkushtuar në partneritet të plotë me të gjitha institucionet vendore, me Komisionin Evropian si dhe me të gjithë akterët tjerë që qëllimi i projektit të realizohet ashtu siç është e paraparë”, u shpreh Smakiqi. 

Drejtori Smakiqi tha se projekti në fjalë do të zhvilloi edhe me tutje programet bazike studimore, më qëllim që tu ofrohet shërbime më të mira qytetarëve të Kosovës në fushën e sigurisë.
 
Ndërsa, Krista Haak, udhëheqëse e projektit nga shtetet anëtare, tha se gjatë këtij tre mujori është bërë një punë e frytshme.

Haak vlerësoj se falë bashkëpunimit të mire më zyrtarët e Akademisë dhe ekspertët tjerë edhe në tre mujorin e dytë   janë shënuar rezultate të mira në realizimin e projektit.

Edhe përkundër sfidave Haak tha se deri me tani janë realizuar të gjitha pikat që kanë qenë të parapara në planë.


Edhe ekspertët të cilët ishin të pranishëm në takim vlerësuan se projekti ka shënuar progres. Të pranishmit folën edhe për hapat dhe veprimet që duhet të ndërmerren në realizimin e projektit gjatë muajve të ardhshëm.

Prezantimin e raportit tre mujori të projektit të binjakëzimit e bëri, Ritva Vahakoski, këshilltare rezidente e binjakëzimit.
 

Në takim të pranishëm ishin, zyrtarë të lartë të Qeverisë së Republikës së Kosovës, përfaqësues të të gjitha agjencioneve të sigurisë publike, ekspertë vendor dhe ndërkombëtarë të projektit. 

 

Vushtrri, 07 shtator 2016-  Bordi i Akademisë së Kosovës për  Siguri  Publike (AKSP), mbajti sot  takimin e gjashtëmbëdhjetë, ku  u diskutuan  çështje që kanë të bëjnë me funksionalizimin e Akademisë dhe Fakultetin e Sigurisë Publike.

Në këtë takim dekani i Fakultetit të Sigurisë Nazmi Iballi, paraqiti raportin mbi zhvillimin e konkursit të pranimit te studentëve në programin bachelor dhe propozim ndryshimi i kuotave për Institucionet e Sigurisë Publike në studimet bachelor për vitin akademik 2016-2017.

Në këtë takim drejtori i Përgjithshëm i Akademisë Ismail Smakiqi  prezantoi raportin gjashtë mujor të punës për vitin 2016, raport i cili u vlerësua larte nga te pranishmit.

Tutje në takimin e Bordit të AKSP-së  nga ekspertet e projektit të binjakëzimit u bë prezantimi i aktivitetit, “Mbështetja e mëtejme e Bordit të AKSP-së si mekanizëm koordinues për implementimin e trajnimeve profesionale për të gjitha Agjencionet e Sigurisë Publike”, të projektit të binjakëzimit.

Gjithashtu gjatë  këtij takimi, anëtarët e bordit të Akademisë diskutuan rreth plotësim ndryshimit të vendimit nr. 3/15 i datës 13.06.2016 për themelimin e  grupit punës për përcaktimin e statusit të studentëve në agjencionet përkatëse pas përfundimit të Fakultetit të Sigurisë Publike në Akademi.

Në takim, përveç Drejtorit të Përgjithshëm të Akademisë, Ismail Smakiqi, morën pjesë Drejtori i Përgjithshëm i Doganave të Kosovës, Lulëzim Rafuna i cili njëherit është edhe kryesues i Bordit, Drejtori i Përgjithshëm i Policisë së Kosovës, Shpend Maxhuni, kryeprokurori i Shtetit, Aleksander Lumezi, u/d  i drejtorit të Përgjithshëm të Shërbimit Korrektues Sokol Zogaj, Drejtori i Përgjithshëm i Inspektoratit Policor të Kosovës, Hilmi Mehmeti,  Drejtori i Shërbimit Sprovues Bajram Bujupi,  Drejtori i Përgjithshëm i Agjencionit të Menaxhimit Emergjent, Fadil Kodra,  përfaqësues nga OSBE-ja dhe ICITAP-i, dhe ekspert nga projekti i binjakëzimit.

Vushtrri 06 shtator 2016 - Në Akademinë e Kosovës për Siguri Publike shtyhet afati i dytë për pranimin e studenteve në Fakultetin e Sigurisë Publike, për vitin e parë akademik 2016/2017.

Konkursi shtyhet deri me datën 14/09/2016 ora 16:00.

Studentet të cilët kanë aplikuar në afatin e parë nuk e kanë për obligim të sjellin dokumentacione tjera, perveç plotesimit të aplikacionit.

Për informata kliko këtu:

 
Aplikacioni:  Aplikacioni

Manuali për provim pranues:  Manuali

Vushtrri, 29 gusht  2016 – Në Akademia e Kosovës për Siguri Publike, u hap konkursi për afatin e dytë për pranimin e studentëve në vitin e parë të studimeve bachelor, në Fakultetin e Sigurisë Publike për vitin akademikë 2016/2017.

Të drejtë aplikimi  në këtë afat  kanë zyrtarët e  Doganës së Kosovës, Agjencionit të Menaxhimit të Emergjencave të Kosovës si dhe zyrtarët e Inspektoratit Policor të Kosovës.

Për më shumë informata klikoni këtu:

Konkursi: Konkursi
 
Aplikacioni:  Aplikacioni

Manuali për provim pranues:  Manuali

 

Vushtrri, 28 korrik 2016 – Në Akademinë e Kosovës për Siguri Publike (AKSP) publikohen rezultatet për pranimin e studentëve në Fakultetin e Sigurisë Publike për vitin e parë akademik 2016/2017.

Afati për parashtrimin e ankesave është nga data 29.07.2016 deri me datën 02.08.2016. Dorëzimi i ankesës bëhet tek zyret e shërbimeve studentore në Akademi

Listën e rezultateve të zyrtarëve të cilët kanë aplikuar  për studime në Fakultetin e Sigurisë Publike e gjeni më poshtë.

Kliko këtu;​

Vushtrri, 21 korrik 2016 - Të gjithë zyrtarët e agjencioneve të sigurisë publike të cilët kanë aplikuar në Fakultetin e Sigurisë Publike njoftohen se nesër me datë 22.07.2016 në ora 10:00 në Akademinë e Kosovës për Siguri Publike mbahet testi me shkrim.

 

Vushtrri, 07 korrik 2016 - Një delegacion i Akademisë së Kosovës për Siguri Publike (AKSP), i udhëhequr nga Drejtori i Përgjithshëm, Ismail Smakiqi, ka vizituar kotingjentin gjerman të KFOR-it në Prizren.

Në këtë takim drejtori Smakiqi me stafit e lartë të Akademisë, drejtori i Trajnimeve Kastriot Jashari, dhe udhëheqësi për Marrëdhënie me Jashtë Avni Istrefi u prit nga udhëheqësi i këtij kontingjentit, kolonel Siegfried Zeyer. Gjatë takimit të dya palët shkëmbyen informata lidhur me institucionet që i udhëheqin.

Drejtori Smakiqi e njoftoi Zeyer për rolin dhe veprimtarinë e AKSP-së, vizionin e Akademisë si dhe për zhvillimin e trajnimeve.
   
Po ashtu kontigjenti i KFOR-it gjerman u njoftua edhe për Projektin e Binjakëzimit që po zhvillohet në Akademi, marrëdhëniet me jashtë dhe zhvillime të tjera aktuale.

 

Koloneli Zeyer e njoftoi drejtorin Smakiqi me zhvillimet dhe aktivitetet e kontingjentit të KFOR-it gjerman, me theks të veçantë me fushëveprimet të cilat i kryen KFOR-i gjerman në Prizren dhe Kosovë.

Koloneli Zeyer ofroi mundësin e trajnimeve për zjarrfikës dhe emergjenca si dhe trajnime  për agjencitë tjera të sigurisë publike, Policinë e Kosovës dhe Shërbimin Korrektues të Kosovës.


Delegacioni nga AKSP-ja vizitoi edhe hapësirat e këtij kontingjenti ku u këmbyen eksperienca infrastrukturore në fushat e ngjashme të institucioneve.

Vushtrri, 1 korrik 2016 – Në Akademinë e Kosovës për Siguri Publike, u hap konkursi për pranimin e studentëve në vitin e parë të studimeve themelore bachelor, në Fakultetin e Sigurisë Publike për vitin akademikë 2016/2017. Të drejtë aplikimi kanë vetëm zyrtarët e institucioneve të sigurisë publike si; Policia e Kosovës, Dogana e Kosovës, Agjencia për Menaxhimit të Emergjencave të Kosovës, pjesëtarët e Shërbimit Korrektues të Kosovës, Shërbimi Sprovues i Kosovës si dhe zyrtarët e Inspektoratit Policor të Kosovës.

Për më shumë informata klikoni këtu:

Konkursi: Konkursi
Aplikacioni: Aplikacioni
Manuali për provim pranues: Manuali për provim pranues