Lajmet

Vushtrri, 3 prill 2013 - Drejtori i Përgjithshëm i Akademisë së Kosovës për Siguri Publike, Ismail Smakiqi, priti një delegacion nga  Zyra e Këshillit të Evropës i përfaqësuar nga udhëheqësi i zyrës, Tim Cartwright.
Qëllimi i kësaj vizite ishte informimi më për së afërmi me aktivitetet e Akademisë, vizionin, arsimimin dhe trajnimin e pjesëtarëve të rendit dhe sigurisë publike në Kosovë. Ata u interesuan veçanërisht për çështjet që kanë të bëjnë me Konventën Evropiane për të Drejtat e Njeriut që kanë ndikim në arsimin dhe trajnimin e agjencive të zbatimit të ligjit.
 Në veçanti shprehën interesin e tyre për trajnimet e specializuara dhe avancuara për çështjet si anti-diskriminimi, veprimi kundër korrupsionit dhe kundër shpëlarjes së parave, të drejtat e pakicave, etj. 
Drejtori Smakiqi e informoi delegacion lidhur me trajnimet, aktivitete, misionin dhe vizionin e Akademisë. Ai  foli  edhe për procese të rëndësishme të cilat ka kaluar Akademia nga themelimi e deri më tani, si dhe për ndihmën e vazhdueshme që kanë dhënë partneret ndërkombëtar si OSBE-ja dhe ICITAP në themelimin e kësaj Akademie.
Smakiqi tha se Akademia me punën dhe trajnimin e pjesëtarëve të sigurisë publike të të gjitha agjencioneve të sigurisë publike në vend duke i përfshirë të gjitha komunitet është shembull i tolerancës ndëretnike si dhe i respektimit të të drejtave dhe lirive të njeriut.
Drejtori Smakiqi i informoi zyrtarët e Këshillit të Evropës edhe për Projektin e Binjakëzimit të Bashkimit Evropian, “Përmirësimi i Arsimit në Sektorët e Rendit dhe Sigurisë Publike në Kosovë”, që ka për qëllim themelimin e programit studimor të arsimit të lartë në rend dhe siguri publike.
Në fund të takimit Smakiqi falënderoi delegacionin dhe të gjithë partneret ndërkombëtar për ndihmën e vazhdueshme që kanë dhënë dhe po vazhdojnë të japin në ndërtimin e institucioneve të Republikës së Kosovës  e në veçanti për Akademinë.
 

Vushtrri 23 mars 2013 – Në Akademinë e Kosovës për Siguri Publike (AKSP), është duke u mbajtur turnamenti kombëtar i debatit  “KOSOVA OPEN  2013”, i organizuar nga Debate Center në bashkëpunim më Lëvizja FOL e mbështetur edhe nga Fondacion SOROS. Debati i cili zgjatë dy ditë radhazi ka për qëllimi informimin dhe aftësimin e të rinjve rreth mendimit kritik. “Ky turnament si qellim të parë ka krijimin e mundësive për të rinjtë e shkollave të mesme të Kosovës që të zhvillojnë aftësitë e tyre argumentuese, retorike dhe mendimin kritik si parakusht për pjesëmarrjen e tyre në sociale, politike dhe vendimmarrëse”, thanë përfaqësuesit e Debate Center.
Sipas tyre debati gjithashtu do të ndihmoj të rinjtë në fuqizimin e konceptit të shoqërisë së hapur përmes lehtësimit të komunikimit ndërmjet të rinjve nga Kosova me të rinjtë nga vendet e tjera të botës siç është pjesëmarrja në debatin ndërkombëtar “Youth Forum”.
 

Vushtrri, 22 mars 2013- Akademinë e Kosovës për Siguri Publike sot e vizitoi një delegacion nga Shtetet e Bashkuara të Amerikës i udhëhequr nga Carol Perez përfaqësuese e lartë e programit ndërkombëtar të zbatueseve të ligjit dhe luftimit të narkotikëve. Drejtori Smakiqi fillimisht i falënderoi SHBA-të për kontributin e dhënë në ndërtimin dhe zhvillimin e Akademisë. Gjatë këtij takimi Smakiqi e informoi delegacionin për misionin, vizionin dhe procese të rëndësishme të cilat po kalon Akademia. Me këtë rast  foli edhe për Projektin e Binajkëzmit, projekt mjaft i rëndësishëm i cili ka të bëjë me përmirësimin e arsimimit dhe trajnimit në sektorin e sigurisë publike.
Ndërsa përfaqësuesja e lartë e programit ndërkombëtar të zbatueseve të ligjit dhe luftimit të narkotikëve, Carol Perez tha se bashkëpunimi do të vazhdoj edhe në të ardhmen.

 

Vushtrri, 22 mars 2013- Sot në Akademinë e Kosovës për Siguri Publike u mbajt takimi i katërt i Komitetit Drejtues për Projektin e Binjakëzimit. Në këtë takim u diskutua dhe u prezantua puna e deritashme e bërë nga ekspertet nderkombtarë si dhe bashkëpuntoret vendor në realizimin dhe implementimin e këtijë projekti.
Drejtori i Përgjithshëem i Akademisë, Ismail Smakiqi falenderoi të gjithë bashkëpuntorët për kontributin e dhënë në realizimin e këtijë projekti mjaft me rëndsi për të gjitha agjencionet e sigurisë publike në vend. Akademia do të jetë e përkushtuar që në partneritet të plot me të gjitha institucionet vendore me Komisionin Evropian si dhe me të gjithë akteret tjerë që ky projekt të përfundoj me sukses, tha Smakiqi.
Ndersa udhëheqësi i Projektit të Binajkëzimit, Anti Haikio tha se Akademia e Kosovës për Siguri Publike, është duke punuar në realizimin e një projekti mjaft të rëndësishëm, përmirësimin e arsimit dhe trajnimit në sektorin e sigurisë publike.
Ekspertet e këtijë projekti vlersuan se bashkëpunimi i mirë me të gjithë partnerët ka bërë që projekti deri në këtë fazë të realizohet në mënyren ma të mir të mundshme .


 

Vushtrri 18 mars 2013 – Drejtori i Përgjithshëm i Akademisë së Kosovës për Siguri Publike, Ismail Smakiqi priti sot në takim rektorin e Kolegjit Policor të Finlandës, Kimmo Himberg si dhe rektorin e Akademisë për Siguri Publike në Estoni, Lauri Tabur.
Gjatë takimit temë diskutimi ishte zhvillimi i kurrikulave si dhe krijimin i një sistemi sa më të mirë të arsimit në fushën e sigurisë.
Smakiqi gjatë këtij takimi foli për misionin, vizionin si dhe për zhvillimit e fundit te cilat po kalon Akademia.
Smakiqi po ashtu e informoi delegacionin nga Estonia dhe Finlanda për ecurinë e projektit të binjakëzimit, projekt ky që ka të bëjë me ngritjen e Akademisë në një institucion të arsimimit të lartë.
Me këtë rast drejtori Smakqi tha se Akademia do të jetë e përkushtuar që në partneritet të plotë me Qeverinë e Kosovës, Komisionin Evropian dhe me përfaqësuesit e projektit që projekti i binjakëzimit të përfundoj me sukses.
Ai vlerësoj se projekti i binjakëzimit deri me tani ka ecur në mënyrë më të mirë të mundshme.
Ndërsa të dy rektorët Himberg dhe Tabur e inkurajuan drejtorin Smakiqi për progresin e arritur në Akademi, ndërkohë që u shprehen të gatshëm që edhe në të ardhmen të  vazhdojë bashkëpunimin mes Finlandës, Estonisë dhe Kosovës. 
 

Vushtrri 18 mars 2013 – Rektori i Kolegjit Policor të Finladës, Kimmo Himberg si dhe ai i Akademisë Policore të Estonisë, Lauri Tabur sot në Akademinë e Kosovës për Siguri Publike (AKSP), mbajtën  një ligjëratë  me temën “Nevoja për arsim të lartë në institucionet e sigurisë publike dhe ndikimi i tij në sigurinë publike”. Të pranishëm në këtë ligjëratë përveç pjesëtarëve të sigurisë publike ishin edhe menaxhmenti i lartë i AKSP-së si dhe përfaqësuesit e Agjensioneve të Sigurisë Publike.
Duke falënderuar drejtuesit e AKSP-së dhe pjesëtarët e sigurisë për pritjen e bërë, të dy rektorët thanë se AKSP ka arritur një kualitet të lartë dhe një pozicion kredibil të respektueshëm që në një të ardhme të afërt të bëhet me arsimim të lartë sa i përket fushës së sigurisë.
Gjatë ligjëratës rektorët Himberg dhe Tabur vlerësuan lartë marrëdhëniet e shkëlqyera mes Finlandës, Estonisë më Kosovën konkretisht marrëdhëniet mes akademive të këtyre tri shteteve
Duke bërë prezantimin se si funksionojnë kolegjet policore në Finlandë dhe Estonisë të dy rektorët vlerësuan se edhe Akademia e Kosovës për Siguri Publike është duke krijuar kushte që çdo pjesëtarë i sigurisë publike që trajnohet  të jetë i përgatitur në mënyrë profesionale.
Himberg tha se falë arsimimit të lartë Finlanda renditët ndër të parat për nga besueshmëria në fushën e sigurisë. Ai tha se arsim i lartë në institucionet e sigurisë publike është shumë i nevojshëm pasi që kjo ndikon pozitivisht në përgatitjen e pjesëtarëve të sigurisë publike.
Ndryshe në Akademinë e Kosovës për Siguri Publike është duke vazhduar Projekti i Binjakëzimit i cili ka të bëjë me përmirësimin e arsimit të lartë në sektorin e sigurisë dhe rendit publik.
Projektit i binjakëzimit është i financuar nga Komisioni Evropian, i cili është fituar nga Finlanda dhe Estonia dhe ka të bëjë me përmirësimin e arsimit në sektorin e sigurisë publike në Republikën e Kosovës
 

Vushtrri, 08 mars 2013- Në Akademinë e Kosovës për Siguri Publike, përfundoi trajnimi, Menaxhimi për Kapiten. Të pranishëm në ceremoninë  e diplomimit ishin Drejtori i Përgjithshëm i Akademisë, Ismail Smakiqi, përfaqësuesi i Policisë së Kosovës në Akademi, Nënkolonel Driton Zabërgja, zyrtarë të lartë të Akademisë si dhe zyrtar nga Policia e Kosovës.
Smakiqi theksoi se trajnimet e tilla i kontribuojnë zhvillimit dhe ndërtimit të kapaciteteve profesionale për Policinë e Kosovës që përmes profesionalizmit të tyre ti ofrojnë siguri qytetarëve të Republikës së Kosovës. “Ngritja e cilësisë së trajnimeve dhe arsimimi i lartë është prioritet absolut i Akademisë” tha Smakiqi.
Ndërsa Nënkolonel Driton Zabërgja tha se trajnimet e tilla  kanë rëndësi të madhe në aftësimin e pjesëtarëve të policisë, në ruajtjen e sigurisë së përgjithshme për të gjithë qytetarët e Republikës së Kosovës.
Pjesëmarrës në këtë trajnim gjithsej kanë qenë, gjashtëdhjetë e nëntë zyrtarë policor të cilët me sukses kanë përfunduar trajnimin.

Vushtrri, 14 shkurt 2013- Drejtori i Përgjithshëm i Akademisë së Kosovës për Siguri Publike, Ismail Smakiqi priti në takim shefen e sektorit për identitet të inteligjencës nga Komanda Evropiane e Shteteve të Bashkuara të Amerikës, Antoinete Gosinski.
Smakiqi gjatë këtij takimi  foli për bashkëpunimin e vazhdueshëm mes Akademisë dhe partnerëve të saj evropian dhe nga SHBA-të që kanë dhënë në ngritjen dhe ndërtimin e kapaciteteve trajnuese për pjesëtarët e sigurisë publike.
Smakiqi delegacionin e informoi për proceset reformuese të cilat tani po kalon Akademia si dhe për projekte të rëndësishme e në veçanti për Projektin e Binjakëzimit, të financuar nga Bashkimi Evropian e që ka të bëjë me ngritjen dhe përmirësimin e arsimit në sektorin e rendit dhe sigurisë publike.
“Trajnimi i pjesëtarëve të sigurisë publike, konform ligjeve edhe standardeve ndërkombëtare i kontribuon jo vetëm sigurisë për qytetarët e Republikës së Kosovës por edhe më gjerë”, tha Smakiqi.
Ndërsa shefja e sektorit për identitet të inteligjencës nga Komanda Evropiane e Shteteve të Bashkuara të Amerikës, Antoinete Gosinski, shprehu gatishmërinë e bashkëpunimit edhe në të ardhmen.
 

Vushtrri, 01 shkurt  2013 – Në Akademinë e Kosovës për Siguri Publike (AKSP), të premten u certifikuan  njëzet pjesëtarë të Agjensionit Pyjor i Kosovës të cilët përfunduan më sukses trajnimin themelor “Për pushkë të paviaskuar gjysëmautomatike ”. Trajnim është organizuar dhe mbajtur nga Akademia.
Drejtori i Përgjithshëm i AKPS, Ismail Smakiqi, gjatë ceremonisë së certifikimit tha vlerësoj se trajnimet e tilla ndikojnë pozitivisht në ngritjen e kapaciteteve të pjesëtarëve të institucioneve të sigurisë publike. Ai tha se nga trajnimet e tilla pjesëtarët përfitojnë njohuri të reja ku do të sjellin vlera të reja për organizatën e tyre ku punojnë.

Qëllimi i  trajnimit ishte përforcimi i aftësive të akterëve relevantë që në mënyrë efikase ta kryejnë punën e tyre. Trajnimi ka zgjatur pesë ditë.

Vushtrri, 24 janar 2013- Në Akademinë e Kosovës për Siguri Publike (AKSP), u mbajt takimi i radhës i Komitetit Drejtues i Projektit të Binjakëzimit.  Në këtë takim morën pjesë drejtori i Përgjithshëm i Akademisë Ismail Smakiqi,  udhëheqësi i Projektit të Binjakëzimit Anti Haikio, përfaqësuesit e institucioneve të sigurisë si dhe përfaqësues vendor e ndërkombëtarë. Partnerët vendor dhe ndërkombëtar, të përfshirë në këtë projekt u ndan të kënaqur me implementimin e projektit deri në këtë fazë, si dhe shprehën gatishmërinë e tyre që të përkrahin Projektin e Binjakëzimit edhe me tutje.
Drejtori i Përgjithshëm i AKSP-së, Ismail Smakiqi, tha se Akademia do të jetë e përkushtuar që në partneritet të plotë me Qeverinë e Kosovës, Komisionin Evropian dhe me përfaqësuesit e projektit, që ky proces të përfundoj me sukses. Ai vlerësoi se deri në këtë fazë implementimi i projektit është realizuar në mënyrën më të mirë të mundshme.  
Ndërsa udhëheqësi i Projektit të Binjakëzimit, Anti Haikio, tha se Akademia e Kosovës për Siguri Publike në një të ardhme të afërt do të shërbej si një model jo vetëm në Ballkan, por edhe më gjerë. Ai vlerësoi se bashkëpunimi i mirë me të gjithë partnerët ka bërë që projekti deri në këtë fazë të realizohet ashtu edhe siç është paraparë.
Projektit i binjakëzimit është i financuar nga Komisioni Evropian, i cili është fituar nga Finlanda dhe Estonia dhe ka të bëjë me përmirësimin e arsimit në sektorin e sigurisë publike në Republikën e Kosovës.

Vushtrri, 24 janar 2013 – Drejtori i Përgjithshëm i Akademisë së Kosovës për Siguri Publike (AKSP) priti sot në takim zëvendës ambasadoren e Organizatës për Siguri dhe Bashkëpunim Evropian (OSBE) në Kosovë, Paivi Nikander.  Qëllimi i vizitës ishte njohja më për se afërmi e konceptit dhe trajnimeve që zhvillohen në AKSP. Duke cilësuar këtë vizitë si mjaft të rëndësishme, drejtori Smakiqi  e ka njoftuar zv/ambasadoren për të gjitha aktivitet që zhvillohen, për të gjitha të arriturat, konceptin, vizionin dhe trajnimet të cilat mbahen në Akademi.Smakiqi e falënderoi OSBE-në për përkrahjen dhe ndihmën e vazhdueshme që po i bën AKSP-së.
Gjatë takimit të dyja palët kanë diskutuar për planet afatgjate të programeve të edukimit dhe zhvillimit të zyrtarëve të sigurisë publike.
Duke folur për objektivat Smakiqi tha se Akademia ka bashkëpunim të shkëlqyeshëm me OSBE-në.
Ndërsa zv/ambasadorja e OSBE-së në Kosovë, Paivi Nikander u shpreh e kënaqur me vizitën e saj në AKSP, ndërkohë u interesua për gjitha aktivitet që zhvillohen në Akademi. Zëvendës ambasadorja ka premtuar që OSBE -ja do ta përkrah Akademinë edhe në të ardhmen.
 

Vushtrri, 18 janar 2013  - Në Akademinë e Kosovës për Siguri Publike, pas një trajnimi 20 javor diplomuan shtatëdhjetë kadet të rinj të Policisë së Kosovës.
Në ceremoninë e diplomimit morën pjesë, zëvendësministri i Punëve të Brendshme, Izmi Zeka, drejtori i Përgjithshëm i Policisë së Kosovës Shpend Maxhuni, drejtori i Përgjithshëm i Akademisë, Ismail Smakiqi, kryetari i Komunës së Vushtrrisë, Bajram Mulaku, Kryeshefi i Inspektoratit të Policisë së Kosovës, Fitim Shishani, përfaqësues të zyrave diplomatike në Kosovë, përfaqësues nga ICITAP, OSBE të KFOR-it si dhe përfaqësues nga institucionet vendore e ndërkombëtare. Zëvendësministri i  Punëve të Brendshme, Izmi Zeka, duke iu uruar të sapo diplomuarve suksese në punë, tha se Policia e Kosovës është e obliguar të garantoj rend dhe siguri për të gjithë qytetarët e Kosovës në gjithë territorin e saj.
“Ministria e Punëve të Brendshme do të vazhdojë me zhvillimin e politikave strategjike në përkrahje të Policisë së Kosovës, duke rekrutuar pjesëtarë të rijnë, në mënyrë që policia jonë të jetë më e re në moshë”, tha Zeka. Ai duke vlerësuar se puna e policisë është një ndër punët më sfiduese dhe të rrezikshme tha se Policia e Kosovës është argumenti më i mirë se këto sakrifica dhe mundime po shpaguhen me të arritura të mëdha dhe përkrahje nga qytetarët e Kosovës. “Me rezultatet e arritura, ne po avancojmë në procesin e integrimeve evropiane dhe jam më se i sigurt që edhe  ju do të kontribuoni edhe ne sigurinë rajonale dhe atë ndërkombëtare si pjesë e misioneve jashtë shtetit”, tha Zeka. Ndërkaq Drejtori i Përgjithshëm i Policisë së Kosovës, Shpend Maxhuni tha polica është mbrojtëse e të drejtave individuale dhe publike, respektues të rëndit dhe ligjit në gjithë Republikën e Kosovës. “Sundimi i rendit dhe ligjit sot është një parakusht esencial në të gjitha aspektet e shoqërisë garantues të së cilës nga sot do të jeni edhe ju të nderuar polic të rinj.
Edukimi dhe aftësimi juaj me standardet më të larta profesionale në fushën e zbatimit të ligjit do të jetë një ndihmesë e madhe jo vetëm për Policinë e Kosovës, por edhe perspektiven e vendit”, tha Maxhuni.

Maxhuni tha se Policia e Kosovës duhet të jetë çdo herë shembull i realizimit të objektivave, misionit dhe vizionit të saj
 Drejtori i Përgjithshëm i Akademisë Ismail Smakiqi fillimisht ka uruar kadetët për diplomimin e tyre. Smakiqi tha se Akademia e Kosovës për Siguri Publike tani më është qendër më e fortë e të gjitha llojeve të trajnimit më bashkëkohorë për të gjitha agjencionet e Sigurisë Publike- zbatuesit e ligjit. Akademia është e gatshme të merr përgjegjësi në arsimimin superior dhe të trajnimeve për të gjitha agjencionet e sigurisë publike. “Ngritja e cilësisë së trajnimeve dhe arsimimi i lartë është prioritet absolut i Akademisë dhe partnerëve të sajë ICITAP-it dhe OSBE-së dhe së fundmi i Komisionit Evropian përmes Projektit të Binjakëzimit- Përmirësimi i Arsimit në Sektorët e Sigurisë dhe Rendit Publikë”, u shpreh Smakiqi.
“Qytetarët me padurim presin inkuadrimin e juaj në Policinë e Kosovës . Meritoni pritjet e qytetarëve dhe ruajeni përjetësisht të drejtën që qytetarin ta shikoni në sy“ tha Smakiqi.