Lajmet

Vushtrri, 29 qershor 2020 – Vazhdimi i trajnimit profesional \"Polic i ri\" online përmes platformës së mësimit në distance E-trajnimi, do të filloi ditën e hënë, me datën 06.07.2020,  kështu u morë vendim në mbledhjen e Bordit që u mbajt sot në Akademinë e Kosovës për Siguri Publike. 

Në këtë takim  morën pjesë anëtarët e Bordit të AKSP-së, gjegjësisht udhëheqësit e Agjencive të Sigurisë Publike;  Drejtori i Përgjithshëm i Shërbimit Korrektues të Kosovës Nehat Thaçi – Kryesues i Bordit, Drejtori i Përgjithshëm i Policisë së Kosovës Rashit Qalaj, Drejtor i Përgjithshëm  i Agjencisë për Menaxhimin Emergjent Fadil Kodra, Drejtori i Përgjithshëm i Akademisë Ismail Smakiqi, Ud/Drejtori i Përgjithshëm i Doganës se Kosovës Ibrahim Xhaka, Ud/ i Kryeshefit Ekzekutive e Inspektoratit Policor të Kosovës Exhevit Zuka, Drejtori i Drejtorisë të Administratës në Shërbimit Sprovues të Kosovës Arsim Tahiri.

Në takim morën pjesë edhe Dekani i Fakultetit të Sigurisë Bejtush Gashi, Drejtori i  Departamentit për Rend dhe Siguri Publike në OSBE Edward T. Anderson, zyrtarja e lartë nga kjo organizatë Shpresa Muharremi si dhe Drejtorët e Departamenteve të AKSP-së dhe ASP-ve.

Pas aprovimit të rendit të ditës dhe procesverbaleve të takimit të 30-të të  Bordit të AKSP-së,  Drejtori i Përgjithshme i Akademisë  Ismail Smakiqi i njoftoi anëtaret e  Bordit  për aktivitetet dhe veprimet e ndërmarra të AKSP-së gjatë periudhës së pandemisë (covid 19).

Drejtori Smakiqi tha se prezantimi i raportit përmbledhës të aktiviteteve dhe veprimeve të ndërmarra të AKSP-së gjatë periudhës së pandemisë (covid 19), Udhëheqja e Akademisë së Kosovës për Siguri Publike e ka bërë për disa arsye:

“Për raportim, njoftim dhe informim institucioneve përgjegjëse, hisedarëve dhe partnerëve të AKSP-së, Krijimin e një dosje të veçantë për rrethana të veçanta dhe të rralla, siç është pandemia (pandemia është dukuri globale e cila sipas njohurive është shfaqur një here në shekull; në vitet 1720,1820,1920 dhe tani në vitin 2020) si dhe për ofrimin si dëshmi të aktiviteteve dhe veprimeve të ndërmarra të AKSP-së gjatë periudhës së pandemisë, institucioneve vlerësuese  të cilat akreditojnë Akademinë; Agjencia e Akreditimit e Kosovës, Autoriteti Kombëtar i Kualifikimeve dhe Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës (IADLEST)”, tha Smakiqi.

Kliko këtu për të gjetur: RAPORT I AKTIVITETEVE DHE VEPRIMEVE TË NDËRMARRA TË AKSP-së GJATË PERIUDHËS SË PANDEMISë (COVID 19)

Në vazhdim Bordi aprovoi “Planin vjetor të punës së Bordit për vitin 2020”. Siç dihet, gjatë vitit 2020 Akademia dhe Agjencitë e Sigurisë Publike do të përgatiten për ri akreditimin vendor nga Agjencia e Kosovës për Akreditim dhe Autoriteti Kombëtar i Kualifikimeve dhe ri-akreditimit ndërkombëtar nga IADLEST (SHBA) i cili do të ndodhë në vitin 2021.

Për këtë qëllim në plan të punës të Bordit të AKSP-së, ndër të tjera u përfshinë edhe këto aktivitete: Mbështetja e Bordit të AKSP-së në implementimin e rekomandimeve të Autoritetit Kombëtar të Kualifikimeve dhe IADSLES-it, Rishikimi i standardeve të profesionit për Agjencitë e Sigurisë Publike me qëllim të ri-validimit (duke përfshirë themelimin e grupit punues për rishikimin e standardeve të profesionit për Agjencitë e Sigurisë Publike), Rishikimi i kurikulave të trajnimeve profesionale për Agjencitë e Sigurisë Publike me qëllim të ri-validimit dhe ri-akreditimit.

Në këtë takim u diskutua edhe orientimet strategjike të agjencive të sigurisë publike për nevojat e tyre në ngritjen profesionale të zyrtarëve të saj përmes arsimit të lartë, gjegjësisht procesi i ardhshëm i ri akreditimit të Programit Studimor Bachelor Siguria Publike.

Në vazhdim Drejtori Smakiqi njoftoi Bordin e AKSP-së, me aktivitetet të ndërmarra nga Akademia e Kosovës për Siguri Publike, lidhur me vazhdimin e realizimit të trajnimit profesional \"Polic i ri\" online përmes platformës së mësimit në distancë. E-trajnimi, do të filloi ditën e Hënë, me datën 06.07.2020.

“Vazhdimi i trajnimit është fryt i bashkëpunimit të ngushtë të përgjegjëseve të trajnimeve të Policisë së Kosovës dhe Akademisë së Kosovës për Siguri Publike si dhe Divizionit të Teknologjisë Informative e cila ka aktivizuar sistemit gjegjësisht platformën MOODLE, i cili përdoret në pjesën dërmuese të institucioneve të ngjashme ndërkombëtare për mësim online”, tha drejtori Smakiqi

Bordi në fund të takimit aprovoi kuotat për Institucionet e Sigurisë Publike në studimet themelore bachelor për vitin akademik 2020-2021 në Fakultetin e Sigurisë Publike në Akademi.

Vushtrri, 26 maj 2020 - Drejtori i Përgjithshëm i Akademisë së Kosovës për Siguri Publike Ismail Smakiqi së bashku me menaxhmentin e lartë të AKSP-së, priti për vizitë Drejtorin e  Departamentit të Rendit dhe Sigurisë Publike në OSBE Edward T. Anderson si dhe zyrtaren e lartë nga kjo organizatë Shpresa Muharremi.

Anderson dhe Muharremi u ftuan të marrin pjesë në takimin e menaxhmentit të lartë të Akademisë së Kosovës për Siguri Publike, në të cilin takim vazhduan përgatitjet e Akademisë për kthim të normalitet, gjegjësisht rikthimin në punët e përditshme të gjithë personelit të Akademisë.

Drejtori Smakiqi njoftoi mysafiret, me rrjedhat e aktiviteteve në Akademi pas datës 12.03.2020, kur është ndërpre  procesi  edukativo-arsimor i kadetëve të Policisë së Kosovës dhe studentëve të Fakultetit të Sigurisë Publike si dhe janë  pezulluar të gjitha aktivitetet nga fushë veprimtaria e Akademisë.

Në ditët në vijim, personeli esencial i Akademisë ka vazhduar të kryej punët ditore, kurse menaxhmenti i Akademisë është përqendruar në aktivitetet që lidhen me proceset e ri akreditimit nga Agjencia e Kosovës për Akreditimit dhe Autoriteti Kombëtar i Kualifikimeve dhe ri-akreditimit ndërkombëtar nga IADLEST (SHBA) për vitin 2021, gjegjësisht aktivitetet të cilat duhet ti përfundoj personeli i AKSP-së në përgatitjet gjatë vitit 2020. 

“Janë formuar të gjithat grupet punuese të planifikuara si dhe janë punuar draftet fillestare të dinamikave të punëve të cilat duhet të kryhen nga këto grupe punuese. Mësimdhënësit e Fakultetit të Sigurisë Publike kanë vazhduar të zhvillojnë mësimet me studentë nga distanca. Mësimi online për studentët e Fakultetit për Siguri Publike është zhvilluar në platformat: Google Meet dhe Google Classroom, të cilat platforma janë aplikuar edhe nga institucionet tjera të arsimit të lartë në Republikën e Kosovës”, tha Smakiqi.

Drejtori Smakiqi njoftoi mysafirët, se Akademia me qëllim të fillimit të realizimit të fushëveprimit dhe funksioneve të saj gjatë dhe pas periudhës së Pandemisë COVID 19, ka hartuar planin e vijimësisë i cili përcakton masat dhe fazat mbrojtëse për zyrtarët dhe vijuesit e saj si dhe krijimin e protokollove të ndryshme nga përgjegjësit e fushave përkatëse me qëllim të parandalimin të përhapjes së COVID 19 në ambientet e punës.

Drejtori Smakiqi ka njoftuar mysafirët po ashtu për përgatitjet e Akademisë për rifillimin e trajnimit profesional “Polic i Ri” të gjeneratës të 55-të të Policës së Kosovës në AKSP, i cili ka filluar më 11.11.2019, kurse është ndërprerë më datën 12.03.2020, në javën e 18 të trajnimit sipas vendimit të Qeverisë për pezullimin e aktiviteteve mësimore për parandalimin e pandemisë COVID-19. 

Smakiqi tha se pikthimi i kadetëve në Akademi do të bëhet në bashkëpunim me Policinë e Kosovës dhe në përputhje me udhëzimet e Institucioneve përgjegjëse të parandalimit të pandemisë COVID-19. 

Sa i përket vazhdimit të procesit arsimor në Fakultetin e Sigurisë Publike, do të jetë i njëjti me vazhdimin e procesit arsimor në institucionet e arsimit të lartë në Republikën e Kosovës. 

Tani për tani do të vazhdohet me mësim nga distanca. Vendimin për vazhdimin e procesit arsimor në AKSP për studentët e Fakultetit të Sigurisë Publike do të merret nga institucionet qendrore dhe AKSP do të veproi në përputhje me këto vendime të cilat do të vlejnë për të gjitha institucionet e arsimit të lartë.

Drejtori i  Departamentit të Rendit dhe Sigurisë Publike në OSBE Edward T. Anderson, falënderoi drejtorin Smakiqi për njoftimin e hollësishëm të aktiviteteve të AKSP-së para dhe pas kohës së pandemisë, duke vlerësuar lart përpjekjet e Akademisë për rikthim në normalitet, gjithnjë duke respektuar udhëzimet e Institucioneve Shëndetësore për mbrojtjen e personelit nga mundësia e infektimit. 

Anderson vlerësoi po ashtu punët në përgatitjen e Akademisë në procesin e ri- akreditimeve, duke shprehur gatishmërinë e OSBE-së në përkrahje të arritjes të këtyre objektivave të AKSP-së. Ri akreditimi i Akademisë, gjegjësisht interesimi i personelit menaxhues të Akademisë në ruajtjen e standardeve të larta të cilat sot i ka Akademia si dhe ngritjes të nivelit të këtyre standardeve në të njëjtën kohë është sukses edhe i OSBE-së, e cila së bashku me ICITAP-in, janë partnerë e përhershëm të Akademisë.

Anderson, tha në fund, se për takimin do të njoftoi Ambasadorin Bratu  si dhe u shpreh i gatshëm që ta përkrah Akademinë edhe me tutje

Vushtrri, 7 maj 2020 – Sot me 7 maj 2020 nga ora 14:00 është realizuar mbrojtja e parë nga distanca  e punimit të temës së diplomës në Fakultetin e Sigurisë Publike, nga studenti Mentor Gajtani, me titull të temës së diplomës: “Kujdesi shëndetësor dhe sëmundjet më të shpeshta tek të burgosurit në Qendrën e Paraburgimit në Lipjan”. Studenti Mentor Gajtani është i punësuar si zyrtar korrektues në Shërbimin Korrektues të Kosovës dhe përgjatë katër viteve të studimit, ka ndjekur në Akademinë e Kosovës për Siguri Publike programin studimor bachelor “Siguria Publike”, drejtimi korrektues.

Mbrojtja e punimit të temës së diplomës u bë para komisionit në përbërje:

1. Prof.Ass.Dr. Vilard Bytyqi, kryetar

2. Mr.sc. Anita Zenuni, phd cand., anëtar;

3. Prof.Ass.Dr. Ferid Azemi, mentor.

Punimi i diplomës u realizua nëpërmjet platformës Google Meet, duke respektuar procedurën për mbrojtjen e punimit të temës së diplomës të paraparë sipas Rregullores (QRK) nr. 05/2019 së Arsimit të Lartë në Akademinë e Kosovës për Siguri Publike dhe Rregullores (AKSP) nr. 05/2014 për hartimin dhe mbrojtjen e punimit të temës së diplomës.

Në këtë mbrojtje të punimit të temës së diplomës, mori pjesë edhe Drejtori i Përgjithshëm i AKSP-së Ismail Smakiqi dhe Dekani i FSP-së Bejtush Gashi.

Drejtori i Përgjithshëm Smakiqi përgëzoi menaxhmentin e fakultetit, komisionin për vlerësim dhe mbrojtje të temës së diplomës, personelin e IT-së për krijimin e kushteve teknike, që me përkushtimin dhe angazhimin e tyre u bë e mundur që për herë të parë në Akademinë e Kosovës për Siguri Publike u realizua mbrojtja e parë e punimit të temës së diplomës nën masat e ndërmarra ndaj pandemisë Covid-19. Drejtori Smakiqi theksoi se është shumë e rëndësishme që puna akademike dhe shkencore të mos ndalet dhe e njëjta të vazhdojë duke respektuar dhe përshtatur rekomandimeve dhe masave të ndërmarra ndaj pandemisë Covid-19.

Dekani i FSP-së, Bejtush Gashi përmendi përkushtimin e menaxhmentit të fakultetit dhe stafit akademik që edhe gjatë pandemisë globale Covid-19, është bërë përpjekje dhe angazhim maksimal që puna me studentë të jetë efektive dhe profesionale, duke përmbushur të gjitha kërkesat akademike që dalin nga programi studimor “Siguria Publike” që realizohet në AKSP, duke filluar nga mbajtja e ligjeratave nga distanca, konsultimeve dhe komunikimit me studentë, monitorimi i punës praktike të studentëve në agjencitë e sigurisë publike dhe tash së fundi edhe realizimi i mbrojtjes së punimeve të temave të diplomës nga distanca.

Vushtrri, 28 prill 2020 – Sot Drejtori i Përgjithshëm i Akademisë së Kosovës për Siguri Publike  Ismail Smakiqi, mbajti takim online përmes SKYPE me mësimdhënësit e Fakultetit të Sigurisë Publike, lidhur me vazhdimin e studimeve, gjegjësisht mbajtjen e ligjëratave online në këtë Fakultet.

Dekani i Fakultetit të Sigurisë Publike Bejtush Gashi, njoftoi drejtorin Smakiqi për rrjedhën e procesit mësimor në kushtet e krijuara, pas unifikimit të platformës Google Meet dhe Google Classroom për ndjekjen e mësimit online.

Është e rëndësishme që në proces mësimor janë kyç edhe mësimdhënësit e angazhuar  nga Agjencitë e Sigurisë Publike të cilët i mbajnë lëndët profesionale si dhe profesor të angazhuar nga Universiteti i Prishtinës, të cilët mbajnë leksione për studentët e FSP.

Po ashtu janë duke u zhvilluar edhe modulet e punës praktike (internshipit) të studentëve të bashkërenditura nga Dekani i Fakultetit të Sigurisë Publike Bejtush Gashi si dhe Koordinatorit për mësim praktik të AKSP-së dhe koordinatoreve të mentorëve të Agjencive të Sigurisë Publike.

Studentët e Fakultetit janë duke marr pjesë në numër të konsiderueshëm aktivisht në ligjërata online. Duke mare parasysh që studentë e Fakultetit të Sigurisë Publike, në të njëjtën kohë jeni punëtor të punësuar në Institucionet e Sigurisë Publike dhe jeni mjaftë të angazhuar në luftë të cilën po e bëjnë Institucionet e vendit tonë kundër “Covid 19”, studentët kanë mundësi përveç online të përcjellin ligjëratat edhe në kohë më të përshtatshme për ta, meqenëse ligjëratat e mësimdhënëseve incizohen dhe mund të ndjekin në çfarëdo kohe.

Dekan Gashi së bashku me kolegët mësidhënës të fakultetit diskutuan edhe për procesin e provimeve të cilit duhet të iu nënshtrohen studentët, gjegjësisht ndërtimit të notës për studentët. Po ashtu në ditët në vijim Fakulteti i Sigurisë Publike do të organizoi edhe mbrojtjen e temave të diplomimit të studentëve, në formën online.

Drejtori Smakiqi falënderoi mësimdhënësit dhe studentët të cilët po bëjnë të pamundurën që mos të ngecin studimet në këtë Fakultet.

Vushtrri, 24 prill 2020 

E nderuara Familja e Kujtim Qafleshit

I nderuar  z.Ibrahim Xhaka, U.d Drejtor i Përgjithshëm i Doganës së Kosovës

Me pikëllim të thellë pranuam lajmin për ndarjen nga jeta e familjarit tuaj, zyrtarit të Doganës, njëherit mësimdhënësit tonë të çmuar, Kujtim Qafleshi. Kujtimi ishte mësimdhënës i angazhuar në Fakultetin e Sigurisë Publike, dhe kontributi i tij pa dyshim është mjaft i çmueshëm në arsimimin e zbatuesve të ligjit, sidomos atyre nga fusha doganore. 

Ishte koleg i dashur, profesionist dhe i palodhshëm në punën e tij pedagogjike.  

Me vdekjen e Kujtimit, Ju familje e nderuar humbet bashkëshortin dhe prindin tuaj, ndërsa ne humbëm, kolegun, mikun dhe mësimdhënësin e shquar, i cili do të mbetet në kujtesën e zbatuesve të ligjit për cilësitë e tij të larta njerëzore dhe profesionale. 

Ngushëllime familjes, të afërmeve, kolegëve dhe studentëve për vdekjen e mësimdhënësit Kujtim Qafleshi. 

Akademia e Kosovës për Siguri Publike,

Vushtrri,

24.04.2020 

Vushtrri, 23 prill 2020 – Në  Akademinë e Kosovës për Siguri Publike (AKSP), sot Bordi i AKSP-së mbajti takimin e 31 të radhës, të parin në vitin 2020.

Në këtë takim morën pjesë të gjithë anëtarët e bordit,  Drejtori i Përgjithshëm i  Shërbimit Korrektues të Kosovës  Nehat Thaqi njëherit kryesues i bordit, Drejtori i Përgjithshëm i Akademisë së Kosovës për Siguri Publike Ismail Smakiqi, Drejtori i Përgjithshëm i Policisë së Kosovës Rashit Qalaj, Kryeprokurori i Shtetit Aleksander Lumezi, Kryeshefja Ekzekutive e Inspektoratit Policor të Kosovës Miradije Kelmendi, Drejtori i Përgjithshëm i Shërbimit Sprovues të Kosovës Bajram Bujupi, U.D i Drejtorit të Përgjithshëm të Doganave të Kosovës  Ibrahim Xhaka, Drejtor i Përgjithshëm  i Agjencisë për Menaxhimin Emergjent Fadil Kodra.

Pas aprovimit të procesverbalit dhe transkriptit të takimit të fundit të bordit, Drejtori i Përgjithshëm i Akademisë së Kosovës për Siguri Publike Ismail Smakiqi shpalosi raportin e punës së AKSP-së për vitin 2019 duke pasqyruar të gjitha aktivitetet dhe të arriturat e Akademisë gjatë vitit 2019 si vijon:

Si të arritura kryesore për periudhë janar - dhjetor 2019 drejtori Smakiqi veçoj; realizimi i 51 trajnimeve me gjithsej 1,369 zyrtar të Agjencive të Sigurisë Publike; përfundimi me sukses i trajnimeve  profesional për Agjencitë e Sigurisë publike si vijon; “Trajnimi Profesional për Polic të Ri” – gjenerata 54 me gjithsejtë  421 kadetë, “Trajnimi Profesional Inspektor i Inspektoratit Policor 17 kadet dhe   “Trajnimi Profesional për Zyrtar Korrektues” – 119 kadetë. 

Drejtori Smakiqi po ashtu foli edhe për përfundimin me sukses të projektit të binjakëzimit i financuar nga BE-ja, i cili ka rezultuar me akreditimin kombëtar nga Autoriteti Kombëtar i Kualifikimeve dhe akreditim ndërkombëtar nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës.

 Në vitin shkollor  2019/2020 në Fakultetin e Sigurisë Publike janë regjistruar gjithsejtë 39 studentë, kurse në  këtë fakultet gjatë vitit të fundit kanë diplomuar 48 studentë. 

Në fushën e këmbimeve dhe trajnimeve përmes mobili tetit në kuadër të CEPOL dhe ERASMUS + gjatë kësaj periudhe kohore është arritur që përmes ERASMUS+ të realizohen 10 programe të ndryshme të shkëmbimit me gjithsej 28 pjesëtar ( staf akademik 10, staf profesional 10 dhe zyrtar të PK-së 8), kurse përmes CEPOL-it është arritur që gjithsej 64 zyrtarë të zbatimit të ligjit të gjejnë partnerët e tyre për shkëmbim njëjavor në Shqipëri, Bullgari, Kroaci, Estoni, Letoni, Lituani, Maqedoni Veriore, Poloni, Portugali, Sllovaki dhe Suedi.

Po ashtu gjatë vitit 2019 Akademia ka hartuar Plani Vjetor i Punës së AKSP-së për vitin 2020, është finalizuar dhe miratuar planit vjetor  i trajnimeve për vitin 2020 si dhe është miratuar Strategjia  Zhvillimore dhe Plani i Veprimit AKSP 2019-2022.

Në fushën e bashkëpunimit ndërkombëtar Akademia ka arritur: nënshkrimin e marrëveshjes së bashkëpunimit në mes Akademisë së Kosovës për Siguri Publike (AKSP) dhe Akademisë për Siguri Publike të Shqipërisë; nënshkrimi i marrëveshjes së bashkëpunimit në mes Akademisë së Kosovës për Siguri Publike dhe Universitetit Laureat të Shkencave të Aplikuara të Finlandës; nënshkrimin e marrëveshjes së bashkëpunimit në mes Akademisë së Kosovës për Siguri Publike (AKSP) dhe Institutit të Trajnimit të Shërbimeve të Burgut dhe Sprovues (RSKK) Finlandë;  anëtarësimi i Akademisë së Kosovës për Siguri Publike (AKSP) në Rrjetin Ndërkombëtar Frankofon të Trajnimit Policor (FRANCOPOL) si anëtare me të drejtë vote, pjesëmarrja në konferencën vjetore të IADLES – SHBA si dhe një mori aktivitete të rëndësishme për Akademinë dhe Agjencitë e Sigurisë Publike.

Këtë vit në muajin qershor është mbajtur “Miniolimpiada 2019” për persona me nevoja të veçanta si dhe janë organizuar një mori aktivitete tjera me komunitete të ndryshme.

Në muajin shtator 2019 u shënua 20 vjetori i  themelimit të Akademisë së Kosovës për Siguri Publike, me ç’ rast iu shpërndan mirënjohje të veçanta partnerëve të përhershëm të Akademisë OSBE, ICITAP-it si dhe individëve të cilët dhanë kontribut të çmueshëm për zhvillimin e Akademisë.

Pas prezantimit dhe vlerësimit , Bordi i Akademisë një zëri aprovoi Raportin e Punës të Akademisë për vitin 2019.

Në vazhdim kryesuesi i Bordit të AKSP-së njëherit Drejtori i Përgjithshëm i  Shërbimit Korrektues të Kosovës  Nehat Thaqi, e vlerësoi lartë punën që ka bërë Akademia gjatë vitit 2019 si dhe shfaqi shpresën që së shpejti, pas kalimit të pandemisë të vazhdoi puna e Akademisë nga fusha e veprimit të sajë e cila është esenciale për ngritjen e kapaciteteve të Agjencive gjegjësisht ofrimin sa më të mirë të shërbimeve për agjencitë.

Po ashtu udhëheqësit e agjencive lavdëruan punën e Akademisë dhe shprehën nevojën e fillimit sa më parë të punës së Akademisë me qëllim të ngritjes së kapaciteteve të agjencive të tyre. Të gjithë drejtuesit shprehën gatishmëri për rishikimin e planeve të trajnimeve, programeve studimorë dhe profesionale, me qëllim të përshtatjes të këtyre planeve sipas nevojave pas kalimit të krizës globale shëndetësore të pandemisë.

Në fund drejtori Smakiqi falënderoi të gjithë anëtarët e Bordit, agjencionet e sigurisë publike si dhe partnerët ndërkombëtar për bashkëpunimin dhe përkrahjen e treguar ndaj Akademisë duke theksuar se viti 2020 është viti i përgatitjes të Akademisë për ri akreditim të programeve profesionale dhe studimore dhe ri akreditim institucional vendor nga AAK dhe AKK, si dhe ri akreditim ndërkombëtar të AKSP nga IADLEST. E gjithë kjo punë e përbashkët kërkon mobilizim në momentin e parë të kthimit në institucione. 

Në vazhdim Bordi i Akademisë së Kosovës për Siguri Publike, njëzëri  ri-zgjodhi Nehat Thaqi kryesues të Bordit edhe për një mandat një vjeçar.

Si rezultat i marrjes së masave parandaluese për tu mbrojtur nga Koronavirusi Covid 19, në përputhje me vendimin e Qeverisë të Republikës së Kosovës nr.01/07 të datës 11.03.2020, më datën 12.03.2020, në Akademinë e Kosovës për Siguri Publike, sikurse edhe  në të gjitha Institucionet arsimore të Kosovës u ndërpritet  procesi  edukativo-arsimor i kadetëve të Policisë së Kosovës dhe studentëve të Fakultetit të Sigurisë Publike.
Pas ndërprerjes të mësimit në Akademi, mësimdhënësit e Fakultetit të Sigurisë Publike, kanë vazhduar në platforme të ndryshme zhvillimin e mësimit nga distanca. Po ashtu edhe modulet e punës praktike (internshipit) të studentëve kanë vazhduar të mbahen të bashkërenditura nga Dekani i Fakultetit të Sigurisë Publike Zotit Bejtush Gashi, Koordinatorit për Mësim Praktik- INTERNSHIP Zotit Valon Zeqirit dhe Koordinatoreve të Mentorëve të Agjencive të Sigurisë Publike.
Nga sot, pas një angazhimi të personelit të Divizionit të Teknologjisë Informative, ky Divizion ka arritur që të bëj unifikimin e platformës për ndjekjen e mësimit online, me shumicën e Institucioneve të Arsimit të Lartë në Republikën e Kosovës.
Mësimi online për studentët e Fakultetit për Siguri Publike nga sot zhvillohet në platformat:
Google Meet https://meet.google.com
Google Classroom https://classroom.google.com
Drejtori i Akademisë së Kosovës për Siguri Publike z. Ismail Smakiqi dhe Dekani i Fakultetit të Sigurisë Publike z.Bejtush Gashi, i është drejtuar me shkresë studentëve dhe personelit mësimdhënës për vazhdimin e mësimit online në platformat e cekura më lartë.
Në këtë shkresë ndër të tjera thuhet:
Të dashur studentë të Fakultetit të Sigurisë Publike,
Duke mare parasysh që ju, përveç studentë të Fakultetit të Sigurisë Publike, në të njëjtën kohë jeni punëtor të punësuar në Institucionet e Sigurisë Publike dhe jeni në ballë të luftës të cilën po e bëjnë Institucionet e vendit tonë kundër “Covid 19”, më lejoni të iu përgëzoi për angazhimin tuaj dhe përkushtimin për sigurinë e qytetarëve të Republikës së Kosovës.
Të nderuar mësimdhënës,
Së bashku me Dekanin e Fakultetit të Sigurisë Publike, më lejoni të iu falënderoi për punën që po bëni dhe përkushtimin tuaj në rrethanat e krijuara dhe të iu dëshiroi shëndet Juve dhe familjeve tuaja.
Me shpresa që sa më par të kthehemi në institucionet tona në rrethana normale të vazhdimit të mësimit, ju dëshiroi suksese në angazhimin tuaj.

Për të lehtësuar punën e tuaj në aplikimin e mësimit online, është bashkëngjitur një shkresë dhe dy manuale të përdorimit për mësimin virtual që mund ti gjeni këtu brenda lajmit të publikuar në web faqen e AKSP-së.
Për mbarëvajtjen e mësimit online do të përkujdeset Personeli i Divizionit të Teknologjisë Informative, në krye me Udhëheqësin e divizionit z.Sami Zeka. Me këtë rast dëshiroi të falënderoi Divizionin e IT, sidomos udhëheqësin e këtij divizionin z.Zeka, për përkushtimin dhe punën e madhe për vazhdimin e mësimit online në platformat e cekura më lart.


Te bashkangjitur gjeni dokumentet!

1)    Kliko këtu: Shkresa e vazhdimit të mësimit online në platformat Google Meet dhe Google Classroom
2)    Kliko këtu: Klasat Virtuale (Profesori)
3)    Kliko këtu: Klasat Virtuale (Studenti)


 

Si rezultat i marrjes së masave parandaluese për tu mbrojtur nga Koronavirusi Covid 19, në përputhje me vendimin e Qeverisë të Republikës së Kosovës nr.01/07 të datës 11.03.2020, më datën 12.03.2020, në Akademinë e Kosovës për Siguri Publike, sikurse edhe  në të gjitha Institucionet arsimore të Kosovës u ndërpritet  procesi  edukativo-arsimor i kadetëve të Policisë së Kosovës dhe studentëve të Fakultetit të Sigurisë Publike.
Pas ndërprerjes të mësimit në Akademi, mësimdhënësit e Fakultetit të Sigurisë Publike, kanë vazhduar në platforme të ndryshme zhvillimin e mësimit nga distanca. Po ashtu edhe modulet e punës praktike (internshipit) të studentëve kanë vazhduar të mbahen të bashkërenditura nga Dekani i Fakultetit të Sigurisë Publike Zotit Bejtush Gashi, Koordinatorit për Mësim Praktik- INTERNSHIP Zotit Valon Zeqirit dhe Koordinatoreve të Mentorëve të Agjencive të Sigurisë Publike.
Nga sot, pas një angazhimi të personelit të Divizionit të Teknologjisë Informative, ky Divizion ka arritur që të bëj unifikimin e platformës për ndjekjen e mësimit online, me shumicën e Institucioneve të Arsimit të Lartë në Republikën e Kosovës.
Mësimi online për studentët e Fakultetit për Siguri Publike nga sot zhvillohet në platformat:
Google Meet https://meet.google.com
Google Classroom https://classroom.google.com
Drejtori i Akademisë së Kosovës për Siguri Publike z. Ismail Smakiqi dhe Dekani i Fakultetit të Sigurisë Publike z.Bejtush Gashi, i është drejtuar me shkresë studentëve dhe personelit mësimdhënës për vazhdimin e mësimit online në platformat e cekura më lartë.
Në këtë shkresë ndër të tjera thuhet:
Të dashur studentë të Fakultetit të Sigurisë Publike,
Duke mare parasysh që ju, përveç studentë të Fakultetit të Sigurisë Publike, në të njëjtën kohë jeni punëtor të punësuar në Institucionet e Sigurisë Publike dhe jeni në ballë të luftës të cilën po e bëjnë Institucionet e vendit tonë kundër “Covid 19”, më lejoni të iu përgëzoi për angazhimin tuaj dhe përkushtimin për sigurinë e qytetarëve të Republikës së Kosovës.
Të nderuar mësimdhënës,
Së bashku me Dekanin e Fakultetit të Sigurisë Publike, më lejoni të iu falënderoi për punën që po bëni dhe përkushtimin tuaj në rrethanat e krijuara dhe të iu dëshiroi shëndet Juve dhe familjeve tuaja.
Me shpresa që sa më par të kthehemi në institucionet tona në rrethana normale të vazhdimit të mësimit, ju dëshiroi suksese në angazhimin tuaj.

Për të lehtësuar punën e tuaj në aplikimin e mësimit online, është bashkëngjitur një shkresë dhe dy manuale të përdorimit për mësimin virtual që mund ti gjeni këtu brenda lajmit të publikuar në web faqen e AKSP-së.
Për mbarëvajtjen e mësimit online do të përkujdeset Personeli i Divizionit të Teknologjisë Informative, në krye me Udhëheqësin e divizionit z.Sami Zeka. Me këtë rast dëshiroi të falënderoi Divizionin e IT, sidomos udhëheqësin e këtij divizionin z.Zeka, për përkushtimin dhe punën e madhe për vazhdimin e mësimit online në platformat e cekura më lart.


Te bashkangjitur gjeni dokumentet!

1)    Kliko këtu: Shkresa e vazhdimit të mësimit online në platformat Google Meet dhe Google Classroom
2)    Kliko këtu: Klasat Virtuale (Profesori)
3)    Kliko këtu: Klasat Virtuale (Studenti)


 

Vushtrri, 14 prill - Si rezultat i marrjes së masave parandaluese për tu mbrojtur nga koronavirusi  Covid 19, në përputhje me vendimin e Qeverisë së Republikës së Kosovës nr.01/07 të datës 11.03.2020,  më datën 12.03.2020,  në Akademinë e Kosovës për Siguri Publike, sikurse në të gjitha institucionet arsimore të Kosovës u ndërpre  procesi  edukativo-arsimor i kadetëve të Policisë së Kosovës dhe studentëve të Fakultetit të Sigurisë Publike.

Pas ndërprerjes së mësimit në Akademi, mësimdhënësit e Fakultetit të Sigurisë Publike, kanë vazhduar në platformë të ndryshme zhvillimin e mësimit nga distanca. Po ashtu edhe modulet e punës praktike (internshipit) të studentëve kanë vazhduar të mbahen të bashkërenditura nga dekani i fakultetit  Bejtush Gashi, koordinatorit për mësim praktikë - INTERNSHIP Valon Zeqirit dhe koordinatoreve të mentorëve nga agjencitë e sigurisë publike.

Nga sot, pas një angazhimi të personelit të Divizionit të Teknologjisë Informative, i cili e ka bërë unifikimin e platformës për ndjekjen e mësimit online, me shumicën e institucioneve të arsimit të lartë në Republikën e Kosovës.

Mësimi online për studentët e Fakultetit për Siguri Publike nga sot zhvillohet në platformat:
Google Meet https://meet.google.com
Google Classroom https://classroom.google.com
Drejtori i Akademisë së Kosovës për Siguri Publike  Ismail Smakiqi dhe Dekani i Fakultetit të Sigurisë Publike Bejtush Gashi, i është drejtuar me shkresë studentëve dhe personelit mësimdhënës për vazhdimin e mësimit online në platformat e cekura më lartë.

Në këtë shkresë ndër të tjera thuhet:
Të dashur studentë të Fakultetit të Sigurisë Publike,
Duke mare parasysh që ju, përveç studentë të Fakultetit të Sigurisë Publike, në të njëjtën kohë jeni punëtor të punësuar në Institucionet e Sigurisë Publike dhe jeni në ballë të luftës të cilën po e bëjnë Institucionet e vendit tonë kundër “Covid 19”, më lejoni të iu përgëzoi për angazhimin tuaj dhe përkushtimin për sigurinë e qytetarëve të Republikës së Kosovës.
Të nderuar mësimdhënës,
Së bashku me dekanin e Fakultetit të Sigurisë Publike, më lejoni të iu falënderoi për punën që po bëni dhe përkushtimin tuaj në rrethanat e krijuara dhe të iu dëshiroi shëndet juve dhe familjeve tuaja.
Me shpresa që sa më par të kthehemi në institucionet tona në rrethana normale të vazhdimit të mësimit, ju dëshiroi suksese në angazhimin tuaj.

Për të lehtësuar punën e tuaj në aplikimin e mësimit online, është bashkëngjitur një shkresë dhe dy manuale të përdorimit për mësimin virtual që mund ti gjeni këtu brenda lajmit të publikuar në web faqen e AKSP-së.
Për mbarëvajtjen e mësimit online do të përkujdeset Personeli i Divizionit të Teknologjisë Informative, në krye me Udhëheqësin e divizionit Sami Zeka. Me këtë rast dëshiroi të falënderoi Divizionin e IT, sidomos udhëheqësin e këtij divizionin Zeka, për përkushtimin dhe punën e madhe për vazhdimin e mësimit online në platformat e cekura më lart.


Të bashkangjitur gjeni manualet e përdorimit të mësimit në distancë:

1)    Kliko këtu: Shkresa e vazhdimit të mësimit online në platformat Google Meet dhe Google Classroom
2)    Kliko këtu: Klasat Virtuale (Profesori)
3)    Kliko këtu: Klasat Virtuale (Studenti)

Vushtrri, 12 mars 2020 – Për shkak të marrjes së masave parandaluese për tu mbrojtur nga Koronavirusi sot në Akademinë e Kosovës për Siguri Publike ndërpritet  procesi  edukativo-arsimor i kadetëve të Policisë së Kosovës dhe studentëve të Fakultetit të Sigurisë Publike. 

Kjo masë u morë në përputhje me vendimin e Qeverisë së Kosovës nr.01/07 të datës 11.03.2020, pikës 1.1 të këtij vendimi ku nder të tjera thuhet “Ndërprerja e procesit edukativo-arsimor të institucioneve arsimore publike dhe private në të gjitha nivelet deri 27 mars 2020”.  

Bazuar në këtë vendim nga sot  u ndërpre procesi mësimor i kadetëve,  studentëve, po ashtu pezullohen të gjitha aktivitetet të cilat janë në fushë veprimtarinë e Akademisë. 

Kadetët e Policisë së Kosovës, sot në paradën e mëngjesit u njoftuan nga Drejtori i Përgjithshëm i  Akademisë së Kosovës për Siguri Publike Ismail Smakiqi për ndërprerjen e trajnimit të Programit Profesional si dhe u kërkua nga ta që të respektojnë udhëzimet e Ministrisë së Shëndetësisë lidhur me preventiven kundër Koronavirusit  COVID-19. 

Prishtinë, 26 shkurt 2020 – Drejtori i Përgjithshëm i Akademisë së Kosovës për Siguri Publike Ismail Smakiqi së bashku me Drejtorin e Akademisë së Drejtësisë Enver Fejzullahu sot nënshkruan marrëveshjen e bashkëpunimit mes këtyre dy institucioneve. 

Qëllimi i marrëveshjes është bashkëpunimin në realizmin e  trajnimeve në fushën e drejtësisë dhe sigurisë. 

Drejtori i Akademisë së Kosovës për Siguri Publike, Ismail Smakiqi tha se nënshkrimi i marrëveshjes më Akademinë e Drejtësisë  është shumë i rëndësishëm për Akademinë dhe zbatuesit e ligjit.

Më këtë rast drejtori Smakiqi e njoftoi drejtorin e Akademisë së Drejtësisë Enver Fejzullahun për marrëveshjet e bashkëpunimit që ka AKSP-ja edhe më institucionet vendore dhe ndërkombëtare, që kanë të bëjnë më fushën e  sigurisë. 

Smakiqi tha se Akademia është e gatshme të lidh bashkëpunim më çdo institucion që merret më siguri më qëllim të avancimit të zbatuesve të ligjit. Duke vlerësuar lartë nënshkrimin e marrëveshjes në fjalë, drejtori Smakiqi tha se dobitë e saj janë; trajnimet, kurset, seminaret, programet e këmbimeve, korrikulat e përbashkëta, hulumtimet shkencore si dhe përvoja tjera që janë të domosdoshme  për Akademinë.

“Akademia  deri më sot ka nënshkruar shumë marrëveshje bashkëpunimi, megjithatë nënshkrimi i kësaj marrëveshje është e një rëndësi të veçantë. Më nënshkrimin e kësaj marrëveshje ne ofrohemi edhe më shumë në shkëmbimin e përvojave mes dy institucioneve në fjalë. Për AKSP-në ky bashkëpunim është një nder  i madh”, u shpreh drejtori Smakiqi.

Edhe drejtori i Akademisë së Drejtësisë Enver Fejzullahu vlerësoj lartë nënshkrimin e marrëveshjes së bashkëpunimit më Akademinë e Kosovës për Siguri Publike. Gjatë këtij takimi u tha së nënshkrimi i marrëveshjes hap shtigjet për bashkëpunim në fushën e trajnimeve që ka për qëllim avancimin e gjithë atyre që merren më fushën e drejtësisë dhe sigurisë. 

Fejzullahu tha se një marrëveshje e tillë është dashur të ndodh edhe më herët, ndërkohë që vlerësoj se ky bashkëpunim është i domosdoshëm. 

Ndryshe, me nënshkrimin e marrëveshjes së bashkëpunimit, Institucionet deklaruan përkrahjen e tyre për përfitime të përbashkëta, dhe gatishmërinë e tyre për të kontribuar në rritjen e lidhjeve arsimore, hulumtuese dhe zhvillimore ndërmjet të dyja institucioneve.

Pikat e bashkëpunim ndërmjet dy Institucioneve përfshinë; Zhvillimin dhe bashkërendimin e arsimit në fushën e zbatimit të ligjit në nivel të arsimit profesional dhe arsimit të vazhdueshëm profesional; Lidhjet e hulumtimit, shkëmbimin e informatave dhe rezultateve, vizitat e personelit hulumtues dhe ofertat për financim të hulumtimit nga Bashkimi Evropian dhe agjencitë tjera ndërkombëtare në fushat e sigurisë së brendshme dhe zbatimit të ligjit; Shkëmbimin dhe vizitat e personelit për këshilla dhe bashkërendim të standardeve në  çështje arsimore, pedagogjike dhe administrative; Këmbimin e përvojave, ideve rreth programeve të trajnimeve si dhe programeve studimore në fushën e sigurisë publike dhe të zbatimit të ligjit etj. 

Vushtrri, 18 shkurt 2020 -  Në vazhden e bashkëpunimeve  me institucionet arsimore, Akademia e Kosovës per Siguri Publike (AKSP) sot nënshkruajti marrëveshjen e bashkëpunimit me Universitetin “Kadri Zeka” në Gjilan. Marrëveshja  e bashkëpunimit u nënshkrua nga Drejtori i Përgjithshëm i Akademisë Ismail Smakiqi dhe nga Rektori i këtij universitetit Bajram Kosumi.  

Marrëveshja ka për qellim  bashkëpunimin reciprok në mes Akademisë dhe të Universitetit “Kadri Zeka”,  në fushën e arsimit të lartë, hulumtimit dhe zhvillimit etj. 

Fushat e bashkëpunimit ndërmjet Akademisë dhe Universitetit janë; zhvillimi dhe bashkëpunimi i ndërsjellët në ngritjen e cilësisë dhe kapaciteteve akademike, profesionale;  Shkëmbimi i përvojave dhe njohurive në fushën e arsimit të lartë; Bashkëpunimi në zhvillimin e projekteve të përbashkëta të hulumtimeve dhe kërkimeve shkencore; Organizimin e aktiviteteve të përbashkëta akademike dhe shkencore siç janë: seminaret, simpoziumet, konferencat, shkëmbimi i botimeve dhe materialeve të tjera të interesave të përbashkëta; Angazhimin e personelit në ligjërimin e lëndëve shkencore dhe në komisionet vlerësuese gjatë përzgjedhjes së personelit akademik; Kryerjen e punës praktike dhe vizitave studimore të studentëve të të dyja palëve.

Gjatë nënshkrimit të kësaj marrëveshje bashkëpunimi  udhëheqësit e Akademisë së Kosovës për Siguri Publike dhe udhëheqësit e Universitetit \"Kadri Zeka\"  u zotuan se do të marrin veprime konkrete për realizimin e marrëveshjes në fjalë.