Lajmet

Vushtrri, 3 maj 2018 - Gjatë kësaj javës, gjatë ditëve 30 prill; 1, 2 dhe 3 maj 2017, në Akademinë e Kosovës për Siguri Publike po qëndrojnë Ekipi i Ekspertëve Vlerësues nga Asociacionit Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, (International Association of Directors of Law Enforcement Standardsand Training - IADLEST) në vizitë fakt mbledhës, në procesin e akreditimit ndërkombëtar të Akademisë.
Ekipi i Ekspertëve udhëhiqet nga Zëvendës Drejtori i Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (IADLEST) z.David L Harvey si dhe znj. Drita Perezic  Këshilltare e Lartë në ICITAP  në Ministrinë e Punëve të Brendshme, Programi i Menaxhimit të Lartë dhe Menaxhimit Ekzekutiv  dhe znj. Remzije Ibrahimi  zyrtare e Programit të ICITAP-it në Kosovë. Këshilltarja   znj.Perezic dhe  znj.Ibrahimi janë certifikuar nga IADLEST për vlerësuese në procese të akreditimit.

Kjo është hera e parë që ky asociacion bënë një vlerësim dhe akreditim ndërkombëtar jashtë SHBA-ve. Akademia e Kosovës për Siguri Publike e ka rastin të jetë institucioni i parë në regjion dhe më gjerë me status të Institucionit me Akreditim Ndërkombëtarë.

Iniciativa për akreditim ndërkombëtar nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës, ka ardhur gjatë mbajtjes të Konferencës Vjetore të këtij asociacioni, e cila i zhvilloi punimet e saj në Nashville, Tennessee nga 21 – 24 maj 2017 dhe në të cilën morën pjesë Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi, Drejtori për Trajnime të Specializuara dhe të Avancuara të Policisë së Kosovës, Akrem Racaj, të shoqëruar nga këshilltarja e lartë e ICITAP-it në Ministrinë e Punëve të Brendshme, Programi i Menaxhimit të Lartë dhe Menaxhimit Ekzekutiv Drita Perezic.

Gjatë takimit me Zëvendës Drejtorin e Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (IADLEST) David L Harvey, është pranuar iniciativa e Akademisë për akreditim ndërkombëtar të Akademisë dhe është premtuar përkrahja e kësaj iniciative nga ana e ICITAP, gjegjësisht nga Perezic.

Në muajin korrik të vitit 2017, Akademia ka pranuar konfirmimin nga ICITAP për fillimin e procesit të akreditimit ndërkombëtar nga ana e IADLEST.

Me këtë rast, Akademia ka pranuar dokumentacionin e akreditimit, gjegjësisht listën e standardeve për akreditim nga IADLEST.

Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës është Agjenci e cila akrediton Akademi Policore dhe të zbatimit të ligjit në Shtetet e Bashkuara të Amerikës.

Bazuar në politikat e IADLEST, janë gjithsej 12 seksione apo fusha në të cilat IADLEST bën vlerësimin e Akademive me qëllim të akreditimit. Secila nga këto seksione ka në vete disa standarde, që në total janë 56 standarde.

Fushat e vlerësimit janë; Përputhshmëria ligjore dhe rregullative; Marrëveshjet dhe politikat me hisedar; Strukturë organizative e përfshirë në trajnime; Mbajtja e të dhënave; Stafi; Zhvillimi i Trajnimit; Trajnimi dhe Vlerësimi; Studentët; Teknologjia e Informacionit; Objektet; Buxheti (financat) dhe Pajisjet.

Me qëllim të përgatitjes dhe dëshmimit të përmbushjes të këtyre standardeve, Akademia e Kosovës për Siguri Publike ka formuar grupin punues për procesin e akreditim nga ana e IADLEST dhe ka bashkëpunuar ngushtë me zyrtarët e ICITAP, të cilat do të marrin pjesë në procesin e vlerësimit së bashku me ekspertin e IADLEST të akreditimit.

Gjatë ditëve të vlerësimit, i gjithë personeli i Akademisë, mësimdhënësit dhe instruktorët e Agjencive të Sigurisë Publike, studentët dhe pjesëmarrësit në trajnime, janë njoftuar me vizitën e ekspertëve fakt mbledhës nga IADLEST, në këtë proces të akreditimit ndërkombëtar të Akademisë.

Në ditën e fundit të vizitës, Ekipi i Ekspertëve Vlerësues nga Asociacionit Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, njoftoi Drejtorin e Përgjithshëm të Akademisë së Kosovës për Siguri Publike z.Ismail Smakiqi dhe personelin udhëheqës të Akademisë me të gjeturat preliminare si dhe procesin deri në marrje të vendimit për akreditim eventual nga Bordi Ekzekutiv i IADLEST.



 

Vushtrri, 27 prill 2018- Pas një procesi më shumë se dy vjeçar, Autoriteti Kombëtar i Kualifikimeve, më datën 26 prill 2018 ka akredituar Akademinë e Kosovës për Siguri Publike dhe ka validuar Programet Profesionale:
Polic i Ri, Inspektor i IPK, Zyrtar Doganor, Zyrtar Korrektues dhe Zyrtar Sporovues. Kualifikimin Zjarrfikes vendimi do të merret në muajin gusht 2018.

Procesi i krijimit të këtyre programeve profesionale është realizuar nga Akademia e Kosovës për Siguri Publike, Agjencitë e Sigurisë Publike gjatë zhvillimit të Projektit të Binjakëzimit, të përkrahur nga ekspertë nga Finlanda dhe Estonia.

Akademia e Kosovës për Siguri Publike gjatë javës së ardhshme do të vlerësohet nga ekipi i ekspertëve vlerësues nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, me qëllim të akreditimit ndërkombëtar të Akademisë.

Kjo është hera e parë që ky asociacion bënë një vlerësim dhe akreditim ndërkombëtar jashtë SHBA-ve. Akademia e Kosovës për Siguri Publike e ka rastin të jetë institucioni i parë në regjion dhe më gjerë me status të Institucionit me Akreditim Ndërkombëtarë.

Drejtori i Akademisë së Kosovës për Siguri Publike z.Ismail Smakiqi, gjatë këtyre dy ditëve, me rastin e akreditimit të Akademisë nga Autoriteti Kombëtar i Kualifikimeve dhe procesit të akreditimit nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, ka zhvilluar takime njoftuese me personelin e Akademisë, studentët, pjesëmarrësit në trajnime, profesorët e Fakultetit të Sigurisë Publike, instruktorët dhe mësimdhënësit e Agjencive të Sigurisë Publike si dhe Partner ndërkombëtar ICITAP, OSBE dhe Projekt i Binjakëzimit.
 

Vushtrri, 19 prill 2018 - Një delegacion i përbërë nga udhëheqësit e  Departamenteve të Zbatimit të Ligjit të Organizatës për Siguri dhe Bashkëpunim në Evropë  nga Vjena dhe nga vendet e rajonit siç  janë Mali i Zi, Maqedonia, Shqipëria dhe Serbia sot vizitoi Akademinë e Kosovës për Siguri Publike (AKSP), ku u priten nga Drejtori i Përgjithshëm  Ismail Smakiqi.  Qëllimi i vizitës ishte që të njihen më për se afërmi më punën, zhvillimet në Akademi.

Drejtori i Përgjithshëm i Akademisë Ismail Smakiqi duke i dëshiruar  mirëseardhje delegacionit i informoi me zhvillimet e Akademisë dhe historikun e saj.

Drejtorit Smakiqi tha se Akademia do të jetë gjithmonë falënderues ndaj të gjithë atyre që e kanë mbështetur dhe e mbështesin Akademinë në zhvillimin e saj.

“Gjithmonë  falënderues ndaj OSBE-së dhe ICITAP-it. Organizata për Siguri dhe Bashkëpunim në Evropë  është pjesë e historisë së Akademisë që nga themelimi e deri më tani e cila ende vazhdon ta mbështes në të gjitha fushat e trajnimit, si dhe përmes donacioneve të shumta”,  u shpreh Smakiqi duke e njoftuar delegacionin për  të arriturat e Akademisë siç janë hapja e Fakultetit të Sigurisë Publike, për bashkëpunimin ndërkombëtarë si dhe pjesëmarrjen e Akademisë në asociacione të kolegjeve policore evropiane dhe ndërkombëtare.

Ndërkohë gjatë takimi drejtori Smakiqi  e njoftoi delegacionin edhe për projektin e i cili ka për qëllim përmirësimin e arsimimit në institucionet e sigurisë.
Duke folur për rendësin e arsimimit, Smakiqi i njoftoi delegacionin  rreth akreditimit të Akademisë  dhe programeve të saj si dhe rreth procesit të akreditimit nga Asociacioni Ndërkombëtar i Drejtorëve të Standardeve të Zbatimit të Ligjit dhe Trajnimit (IADLES) të SHBA-së

Ndërkaq delegacion në fjalë gjatë vizitës u interesuan për proceset nëpër të cilët ka kaluar dhe është duke kaluar Akademia, si dhe  për trajnimet që zhvillohen në Akademi.
Guy Vinet  Udhëheqës i Njësisë për Çështje Strategjike Policore në OSBE me seli qendrore në Vjenë të Austrisë u shpreh i kënaqur më vizitën në Akademi, ndërkohë që inkurajoi drejtorin Smakiqi për të arriturat.


Vinet vlerësoj se Akademia luan rolin kryesor për mes trajnimeve të mirëfillta, që një polici  të jetë e suksesshme.

“Trajnimi i policisë është shumë rëndësishëm. Policia është publiku dhe publiku është policia, pra për të pasur sukses duhet të punojmë se bashku me popullin”, u shpreh Vinet.  Vinet foli edhe rreth projektit i cili siç tha ai është shumë i rëndësishëm për zbatuesit e ligjit.

“Për të arritur qëllimin dhe punë të mirë, duhet të bashkëpunohet dhe të punohet në ekip”, tha Vinet.

Ake Roghe, Drejtor i Departamenti për Rend dhe Siguri Publike  në OSBE gjatë takimit tha se Akademia është shumë e rëndësishme për vendin.

“Falënderoi Akademinë për punën e mirë që e bëjnë, drejtorin Smakiqi dhe gjithë ekipin.  Akademia ka një rol të rëndësishëm në ndërtimin e kapaciteteve për policinë”, u shpreh Roghe.

Roghe duke vlerësuar se  Policia e Kosovës është njëra ndër policitë më të mira në regjion tha se e gjithë kjo është mëritë e Akademisë.

Roghe gjithashtu foli edhe për  inkuadrimin e femrave në radhët e Policisë së Kosovës, duke thënë se është shumë më rëndësi që në radhët e policisë  të ketë edhe më shumë femra.
 

Vushtrri, 10 prill 2018 – Akademinë e Kosovës për Siguri Publike (AKSP) sot e vizitoi nje delagacion i i KFOR-it nga Armata e Shteteve të Bashkuara në Kampin Bondsteel, i kryesuar nga major Bahadori dhe rreshter major i Komandës Andreë McKindley.

Delegacioni u pritë nga Drejtori i Përgjithshëm i Akademisë, Ismail Smakiqi dhe Dekani i Fakultetit të Sigurisë Publike në Akademi Bejtush Gashi.Gjatë kësaj vizite delegacioni u njoftuar  për historinë, kapacitetet dhe zhvillimin e mëtejmë të Akademisë.

“Bashkëpunimi me KFOR-in amerikan konsiderohet i një rëndësie të veçantë, duke marrë parasysh kontributin tejet të rëndësishëm të juajin për paqe dhe stabilitet në Kosovë”, theksoi drejtori Smakiqi, duke potencuar organizimin e trajnimeve të veçanta nga AKSP-ja për zyrtarët e sigurisë publike të Kosovës në fushën e krimeve kibernetike, korrupcionit, krimit të organizuar dhe terrorizmit.

Përderisa dekani Gashi u shpreh i hapur për bashkëpunim me KFOR-in amerikan përmes organizimit të ligjëratave të përbashkëta në fusha të interes të përbashkët, siç është bashkëpunimi civilo-ushtarak.

Nga ana e tyre, eprorët nga Kampi Bondsteel i Armatës së SHBA-ve u shprehën të kënaqur me nivelin dhe cilësinë e arsimit dhe trajnimit të ofruar në Akademi, duke shprehur përkrahje të mëtejme për Akademinë.

 

Vushtrri, 10 prill 2018 - Në Akademinë e Kosovës për Siguri Publike sot filloi, “Punëtoria për ngritjen e vetëdijes së komuniteteve rom, ashkali dhe egjiptian për tu bashkangjitur radhëve të Policisë së Kosovës”.

Të pranishëm në hapjen e kësaj punëtorie ishin Drejtori i Përgjithshëm i Akademisë Ismail Smakiqi, Kolonele Taibe Canolli, Shpresa Muharremi  dhe Shpresa Mulliqi nga OSBE-ja si dhe zyrtarë tjerë nga institucione të sigurisë.

Drejtori i Përgjithshëm i Akademisë së Kosovës për Siguri Publike Ismail Smakiqi në fjalën e tij tha se OSBE-ja  është partner i përhershëm i  Akademisë, e në këtë rast partner edhe për komunitete duke dhënë  kontributin në informimin, vetëdijesimin si dhe mundësin për të qenë pjesë e Policisë së Kosovës.

Duke folur për diversitetin dhe respektimin e të drejtave dhe lirive të njeriut në komunitetet Drejtori Smakiqi tha se Akademia është shembull në këtë aspekt.

Drejtori Smakiqi gjithashtu motivoi të rinjtë e komuniteteve që të jenë të përgatitur për të qenë pjesë e Policisë së Kosovës sepse është nderë dhe krenari puna në këtë institucion kaq të rëndësishëm në ruajtjen e sigurisë së përgjithshme, për gjithë qytetarët e Republikës së Kosovës pa dallim moshe, gjinie race apo feje.

Duke përshëndetur të pranishmit Shpresa Muharremi tha se sot jemi këtu për të parë mundësin dhe motivimin për të qenë pjesë e Policisë së Kosovës. Ajo me tej vazhdoi duke thënë se puna në Policinë e Kosovës nuk është vetëm një mundësi për punësim por është edhe punë humane në ruajtjen e sigurisë së përgjithshme. “Kjo është një mundësi e mirë që ju të kontribuoni për sigurinë jo vetëm në komunitetin e juaj, por edhe për të gjithë qytetarët e Republikës së Kosovës”, tha Muharremi.

Ndërsa kolonelja Taibe Canolli tha se ndihet e privilegjuar që është pjesë e këtij aktiviteti i cili organizohet në Akademi me ndihmën dhe përkrahjen e OSBE-së. Më tej Canolli i informoi të pranishmit me përgatitjet e bëra nga Policia e Kosovës për gjeneratën e ardhshme.

Punëtoria  do të zgjas tri ditë nga dt. 10-12 prill 2018, ku do të zhvillohen tema të ndryshme lidhur me mundësin dhe vetëdijesimin e komuniteteve për te qenë pjesë e Policisë së Kosovës.

Katar,  06 prill  2018 -  Një delegacion nga Akademia e Kosovës për Siguri Publike (AKSP), i udhëhequr Drejtori i Përgjithshëm Ismail Smakiqi, dhe i përbërë nga Shpend Shabani, Drejtor i Departamentit për Planifikim Strategjik dhe Çështje Ligjore, si dhe Avni Istrefi, Udhëheqës i Divizionit për Marrëdhënie me Jashtë, mori pjesë në konferencën vjetore të shtatën (7) me radhë të INTERPA-së “Trendët e reja në luftimin e terrorizmit dhe Ekstremizmit”, dhe në takimin e Këshillit të Përgjithshëm të INTERPA-së që u mbajt gjatë 02-04.04.2018 në Doha, në Katar. 

Kjo ngjarje tre ditore, Konferenca dhe takimi i Këshillit të Përgjithshëm të INTERPA-së u organizua nga Kolegji Policor i Katarit (KPK). Të pranishëm në këtë ngjarje ishin edhe përfaqësues nga asociacione dhe organizata të tjera ndërkombëtare e që nuk janë anëtar të INTERPA si: Asociacioni i Kolegjeve Policore Evropiane (AEPC), Agjencia Turke për Bashkëpunim dhe Koordinim (TIKA).

Qëllimi i konferencës dhe e tërë ngjarja u zhvillua në kuptimin e asaj që të gjitha institucionet e INTERPA ti bëjë bashkë për të ofruar mundësinë për të diskutuar, ndarë përvojat, ekspertizat dhe opinionet, si dhe të krijoj mundësit e bashkëpunimit ndër institucional në aspektin qasjes dhe luftimit të fenomenit të terrorizmit dhe ekstremizmit si një e keqe globale, duke u bazuar në zbatimin e ligjit dhe me fokus të zhvillimit dhe ngritjes së arsimit në përgjithësi, kurrikulave moderne të trajnimeve në veçanti, për luftimin e kësaj dukurie. 

Ceremonia e hapjes së konferencës u zhvillua me fjalimet hyrëse të nën drejtimin e Drejtorit të Përgjithshëm të Kolegjit Policor të Katarit,  Dr. Muhamed Abdulla Al-Mehana Al-Merri, dhe Presidentit të INTERPA Prof. Dr. Yilmaz Çolak. Në ceremoninë e hapjes dhe duke i dhënë rëndësi të madhe konferencës, i pranishëm ishte edhe Kryeministri dhe Ministër i Punëve të Brendshme të Katarit si dhe gjithashtu Kryesues i Këshillit Suprem të Kolegjit Policor të Katarit, Sheik Abdullah bin Nasser bin Khalifa al Thani.

Në kuadër të konferencës u zhvilluan prezantime të shumta në kuadër të luftës kundër terrorizmit dhe ekstremizmit të dhunshëm, krimit të organizuar,. U theksua nevoja e modernizimit të mjeteve, zhvillimit të kurrikulave në harmoni me nevojat dhe trendët e reja të qasjes së duhur dhe me sukses ndaj këtyre dukurive si një e keqe globale, duke u pajtuar të gjithë mbi nevojën e ngritjes së bashkëpunimit ndërinstitucional, shtetëror dhe global, me theks në modernizimin e trajnimeve (kurrikulave) apo të arsimit në përgjithësi në fushën e zbatimit të ligjit, me qëllim që zbatuesit e ligjit të jenë më koherent dhe vigjilent në luftimin e këtyre dukurive të lartpërmendura.  

Në kuadër të zhvillimit të vizitave, Drejtori i Përgjithshëm i Akademisë Ismail Smakiqi, së bashku me udhëheqësit e delegacioneve të pranishme në konferencë pati rastin që në një takim të organizuar të vizitojë dhe të pritet nga Kryeministri dhe Ministër i Punëve të Brendshme të Katarit si dhe gjithashtu Kryesues i Këshillit Suprem të Kolegjit Policor të Katarit, Sheik Abdullah bin Nasser bin Khalifa al Thani.

Gjatë periudhës së përgjithshme kohore të zhvillimit të kësaj ngjarje, delegacioni i Akademisë pati rastin të zhvilloj një mori takimesh dhe diskutimesh në kuadër të bashkëpunimeve ndërkombëtare ku përveç takimeve të zhvilluara me delegacionet e institucioneve që tashmë ka kohë që Akademia zhvillon bashkëpunime në nivele të ndryshme, këtu vemi theksin mbi takimet me Gujarat Forensic Sciences University nga India e cila do të jetë mikpritëse e konferencës së ardhshme të INTERPA-së në vitin 2019, dhe me delegacionin e Universitetit Popullor të Sigurisë Publike të Republikës Popullore të Kinës (PPSUC) me ç ‘rast u diskutuan mbi mundësit e reja të bashkëpunimit të institucioneve tona. 

Po ashtu gjatë qëndrimit në Doha, delegacioni i Akademisë pati rastin të jetë pjesëmarrës i disa aktiviteteve kulturore dhe shoqërore të organizuara nga mikpritësit për pjesëmarrësit e konferencës.

Vushtrri  16 mars 2018  –   Në  Akademinë e Kosovës për Siguri Publike (AKSP), sot u mbajt takimi i Komitetit  Drejtues për Projektin e Binjakëzimit, që ka për qëllim përkrahjen e  mëtejme të  arsimit  në fushën e sigurisë publike. Gjatë takimit ekspertët ndërkombëtarë prezantuan punën që është bërë gjatë tre mujorit të fundit të projektit.


Në këtë takim  përveç  Drejtorit të Përgjithshëm të Akademisë,  Ismail Smakiqi, të pranishëm ishin  Rafael Nievergelt përfaqësues i Zyrës së Bashkimit Evropian në Kosovë,  drejtori i Departamentit për Rend dhe Siguri Publike në OSBE  Ake Roghe, Nderim Gërguri shef i Divizionit për Integrime Evropiane  në Ministrinë e Punëve të Brendshme,  Udhëheqësja e Projektit të Binjakëzimit  Krista Haak, Ritva Vahakoski eksperte , Shpresa Muharremi nga  OSBE-ja, drejtoresha e Departamentit të Burimeve Njerëzore në Policinë e Kosovës Taibe Canolli, Adem Shala  nga Shërbimi Sprovues i Kosovës, Bujar Mustafa nga Inspektorati Policor i Kosovës, Nebih Halili nga Shërbimi Korrektues i Kosovës si dhe Bekim Sadiku nga Agjencioni i Menagjimit të Emergjencav.

Drejtori i Përgjithshëm i Akademisë, Ismail Smakiqi falënderoi të gjithë bashkëpunëtorët për kontributin e dhënë në realizimin e projektit të binjakëzimit. Duke përshëndetur të pranishmit Drejtori i Përgjithshëm i Akademisë së Kosovës për Siguri Publike Ismail Smakqi  i informoi ata lidhur me dy procese të rëndësishme të cilat po kalon AKSP-ja si Akreditimin e Akademisë nga ana e autoritetit Kombëtarë të Kualifikimeve për akreditim institucional dhe validim të programeve profesionale si dhe akreditimin nga ana e Asociacionit Ndërkombëtarë të Drejtorëve të Standardeve dhe Trajnimeve të Zbatimit të Ligjit (IADLEST), të Shteteve të Bashkuara të Amerikës dhe të fitoj akreditim ndërkombëtarë.

Drejtori Smakiqi foli edhe për punën e palodhshme së bashku me agjencionet dhe ekspertet e Projektit të Binjakëzimit  në përgatitjen e programeve profesionale të cilat njëherit janë miratuar edhe  në takimin e fundit të Bordit të Akademisë.

Duke fol për procesin e akreditimin Smakiqi theksoi se duke marrë parasysh nevojën dhe obligimet ligjore të akreditimit institucional të Akademisë dhe validimit të programeve profesionale dhe duke marrë parasysh përfitimet të cilat do ti sjellë AKSP-së dhe agjencive, akreditimi ndërkombëtarë, nga (IADLEST), do të shtonte reputacionin e Akademisë si institucion trajnues dhe arsimor për zbatuesit e ligjit.

Në fund Drejtori Smakiqi kërkoi nga të pranishmit përkrahje dhe pjesëmarrje nga të gjithë anëtarët e grupeve punuese  në krijimin e programeve profesionale dhe aktiviteteve tjera gjatë Projektit të Binjakëzimit në procesin e validimit të këtyre programeve me rastin e vizitës të ekipit të eksperteve fakt-mbledhës të AKK dhe IADLEST.

Ndërsa, Krista Haak, udhëheqëse e projektit nga shtetet anëtare, tha se gjatë kësaj faze deri tani janë realizuar të gjitha pikat që kanë qenë të parapara në planë.

Haak vlerësoj se falë bashkëpunimit të mire më zyrtarët e Akademisë dhe ekspertët tjerë edhe në këtë fazë  janë shënuar rezultate të mira në realizimin e projektit.
Krista tha se në komponentin e dytë të projektit fokusi kryesor ka qenë në zhvillimin e strukturës dhe manualin e Internshipit, proces ky i cili ka filluar vitin e kaluar në seminar e filluar nga AKSP-ja dhe e financuar nga OSBE-ja. Haak tha se gjatë këtij viti do të realizohen trajnime për Internship-in e koordinatorëve si dhe vizita studimore në Finlande dhe Estoni për koordinatoret e Internship-it të agjencive dhe Akademisë si dhe zhvillimet e metejme në fushën e-learning përfshirë trajnimet për ti mbështetur procesin mësimore. 
“Çfarë më bën të lumtur është vazhdimësia e aktivitetit lidhur me akreditimin dhe implementimi i kurrikulës së trajnimit profesional. Siç e kam lexuar nga raporti i Drejtorit të Përgjithshëm se proceset e akreditimit janë në fazën përfundimtare dhe shpresojmë ta kem vendimin përfundimtar gjate muajit prill”, tha Haak.

Kurse, drejtori i Departamentit të Rendit dhe Sigurisë Publike në Misionin e OSBE-së në Kosovë Karl Ake Roghe  tha se Akademia është një shembull i mirë për punën e bërë.  Roghe gjatë takimit potencoi rëndësinë e themelimit të nivelit studimor Master në kuadër të Akademisë së Kosovës për Siguri Publike.

“Gjithashtu po shikojmë për projektin Zyrës së BE-së në Kosovë për reformën në polici, ku AKSP do të jetë e ndërlidhur në këtë projekt në fushën e trajnimeve, përkatësisht në ndërtimin e kapaciteteve në të ardhmen në Kosovë”, tha Roghe. Po ashtu Roghe ceku rëndësinë e bashkëpunimit ndërkombëtar për AKSP-në, e sidomos në kuadër të regjionit të Evropës Jug-Lindore, të cilin e konsideroi  të rëndësishëm.

 Edhe Rafael Nievergelt, menaxher nga Zyra e Bashkimit Evropian në Kosovë ,  duke ofruar përkrahje tha se Akademia është shembull i mirë për të gjitha institucionet tjera.  “Ka qenë lehtë për Zyrën e  BE-së në Kosovë për të bashkëpunuar me këtë Projekt të Binjakëzimit”, tha  Nievergelt

Nievergelt i njoftoi të pranishmit për projektin për Policinë e Kosovës  i cili do të fillojë në fund të tetorit, ku siç tha ai edhe Akademia do të përfshihet në atë projekt, në mënyrë që të ketë reformë të qëndrueshme të fortë të policisë, ku të gjitha institucionet e përfshira do të bashkëpunojnë. 

Kurse Nderim Gërguri shef i Divizionit për Integrime Evropiane  në Ministrinë e Punëve të Brendshme,  u shpreh i kënaqur më punën në Akademi si  dhe realizimin e Projektit të Binjakëzimit.

Drejtoresha e Departamentit të Burimeve Njerëzore në Policinë e Kosovës Taibe Canolli përgëzoj Akademinë për progresin e arritur deri me tani. “Më gëzon fakti që Akademia është afër akreditimi ndërkombëtarë  nga IADLES që është shumë e rëndësishme për Akademinë”, u shpreh Canolli duke thënë se  Polica e Kosovës ka qenë pjesë e procesi të projektit të binjakëzimit dhe është e gatshëm të vazhdojë bashkëpunimin.

Prezantimin e raportit tre mujori të projektit të binjakëzimit e bëri, Ritva Vahakoski, këshilltare rezidente e binjakëzimit.

Vahakoski foli për së cilin komponent veç e veç, për komponentin dy i cili ka të bëjë më ngritjen dhe avancimin e mëtutjeshëm të programit bachellor në AKSP dhe komponentin tre i cili ka të bëjë më funksionalizimin e plotë të institutit për Hulumtim dhe Zhvillim në Akademi.

Vushtrri, 15 mars 2018  – Bordi i Akademisë së Kosovës për Siguri Publike, sot mbajti takimin e parë për vitin 2018, të njëzet e dytin me radhë, ku  u diskutuan çështjet të cilat kanë të bëjnë më procesin nëpër të cilën po kalon Akademia; siç janë akreditimi i trajnimeve profesionale  nga Autoriteti Kombëtar i Kualifikimeve, akreditimin ndërkombëtar nga Asociacioni Ndërkombëtar i Drejtorëve të Standardeve të Zbatimit të Ligjit dhe Trajnimit (IADLES) të Shteteve të Bashkuara të Amerikës, si dhe zhvillimet dhe sfidat që e presin AKSP-në gjatë këtë vit.

Në takim morën pjesë Drejtori i Përgjithshëm i Akademisë Ismail Smakiqi, Drejtori i Përgjithshëm i Shërbimit Sprovues të Kosovës Bajram Bujupi, Drejtori i Përgjithshëm i Policisë së Kosovës  Shpend Maxhumi, Kryeprokurori i Shtetit Aleksandër Lumezi, UD/Kryeshefe Ekzekutiv e Inspektoratit Policor të Kosovës Miradije Kelmendi, Drejtori i Përgjithshëm i Doganave të Kosovës Bahri Berisha,  UD/Drejtor i Përgjithshëm i  Shërbimit Korrektues të Kosovës Rasim Selmanaj, Zëvendësdrejtor i Përgjithshëm  i Agjencisë për Menaxhimin Emergjent Shefki Avdullahu, Këshilltarja e Lartë e ICITAP-it në Ministrinë e Punëve të Brendshme Drita Pereziç, Këshilltarja e Lartë e OSBE-së Shpresa  Muharremi , Udhëheqësja e Projektit të Binjakëzimit Krista Haak si dhe Këshilltarja  Rezidente e Projektit të Binjakëzimit Ritva Vähäkoski .

Pas hapjes së takimit nga ana e kryesuesit të Bordit Bajram Bujupi dhe aprovimit të rendit të ditës, fjalën e mori Drejtori i Përgjithshëm i Akademisë së Kosovës për Siguri Publike  Ismail Smakiqi, i cili njoftoi Bordin rreth procesit të akreditimit të trajnimeve profesionale dhe shqyrtimi i propozim politikave të përbashkëta për realizimin e fushëveprimit të ligjit të AKSP-së për përmbushjen e standardeve të akreditimit të Autoritetit Kombëtar të Kualifikimeve dhe Asociacioni Ndërkombëtar i Drejtorëve të Standardeve të Zbatimit të Ligjit dhe Trajnimit (IADLES) të Shteteve të Bashkuara të Amerikës.

Lidhur me akreditim Smakiqi tha se “Akademinë e Kosovës për Siguri Publike gjatë ditëve 08 dhe 12 mars e kanë vizituar  personeli përgjegjës për akreditim i Autoritetit Kombëtar të Kualifikimeve dhe ekipi i ekspertëve për vlerësim të jashtëm. Qëllimi i vizitës ishte  Akreditim Institucional i Akademisë së Kosovës për Siguri Publike dhe validimi i programeve profesionale për profilet:  Polic i Ri, Inspektor i Inspektoratit Policor, Zjarrfikës, Zyrtar Korrektues, Zyrtar Sprovues dhe Zyrtar Doganor”.

Drejtori i Akademisë Smakiqi, njoftoi Bordin e AKSP-së edhe me procesin e Akreditimit ndërkombëtar nga ana e Asociacionit Ndërkombëtar të Drejtorëve të Standardeve të Zbatimit të Ligjit dhe Trajnimit (IADLES) të Shteteve të Bashkuara të Amerikës, me ç’ rast Akademia do të fitoi Akreditim Ndërkombëtarë.

Bazuar në të gjeturat të ekipi i ekspertëve për vlerësim të jashtëm të Autoritetit Kombëtar të Kualifikimeve si dhe kërkesave për plotësimin standardeve të Asociacionit Ndërkombëtar të Drejtorëve të Standardeve të Zbatimit të Ligjit dhe Trajnimit (IADLES) të Shteteve të Bashkuara të Amerikës, Drejtori Smakiqi propozoi aprovimin e Dokumentit “Politikat e Përbashkëta për Realizimin e Fushëveprimit të Ligjit të AKSP-së për Përmbushjen e Standardeve të Akreditimit”

Dokumenti i “Politikave të përbashkëta” përmban katër Masa të veprimit: Angazhimi i stafit trajnues nga institucionet e sigurisë publike në Akademi; Ngritja e strukturës së përshtatshme të trajnimeve; Zhvillimi i kurrikulave dhe ofrimi i trajnimeve dhe Detyrat dhe obligimet e vijuesve. Çdo masë e veprimit ngërthen në vete masa konkrete që duhet të ndermirën, në funksion të “Politikës së Përbashkët”.

Dokumenti i “Politikave të përbashkëta” u aprovua një zëri nga Bordi i AKSP-së dhe po ashtu Bordi mori vendim për themelimin e Grupit Punues nga AKSP, ASP, ICITAP dhe OSBE me qëllim të krijimit të dokumentit të rekomandimeve për Bordin e ardhshëm të Akademisë, për jetësimin e Dokumentit të “Politikave të përbashkëta”.

Po ashtu gjatë takimit Bordi shqyrtoi dhe miratoi planin vjetor të Bordit  për vitin 2018.

Po ashtu gjatë takimit u shqyrtua dhe u raportua për punën e Akademisë gjatë vitit  2017. Drejtori Smakiqi raportoi për të arritura kryesore për këtë periudhë; Nënshkrimi i marrëveshjes së punës mes AKSP - MPB – CEPOL, Hartimi i Kurrikulave për trajnimet profesionale për të gjitha Agjencitë e Sigurisë Publike dhe miratimi i tyre nga ana e Bordit të AKSP-së, Ri-shikimi i programit studimor dhe Ri-akreditimin e programi studimor në Akademinë e Kosovës për Siguri Publike nga Agjencia e Kosovës e Akreditimit për periudhën tre (3) vjeçare 01/10/2017- 30/09/2020, Akreditimi Institucional i AKSP-së për periudhën 5 vjeçare nga ana e Këshillit Shtetëror të Cilësisë (KSHC), Realizimi i 171 trajnimeve me gjithsej 2571 zyrtar të ISP-ve, Pranimi i AKSP-së si anëtare në Asociacionin e Kolegjeve Evropiane të Shërbimit të Zjarr fikjes EFSCA, Pranimi i donacionit nga ICITAP-i ,, Pajisja e trajnimit te simulimit të Armëve të Zjarrit (FATS), Përfundimi i studimit të fizibilitetit për themelimin e studimeve Master të studimeve pasdiplomike në Fakultetin e Sigurisë Publike në AKSP, Nënshkrimi i Marrëveshjes së Bashkëpunimit mes AKSP-së dhe Fakultetit të Sigurisë në Shkup të Universitetit “St. Kliment Ohridski” të Manastirit të Maqedonisë.

Në Takimin e Bordit u bë zgjedhja e kryesuesit të ri të Bordit, ku kryesues i Bordit të Akademisë së Kovës për Siguri Publike u rizgjodh  Drejtori i Përgjithshëm i Shërbimit Sprovues të Kosovës Bajram Bujupi.

Ndërsa këshilltarja nga ICITAP Znj. Drita Periziç  gjatë këtij takim foli lidhur me vizitën e ekspertëve nga IDEALIST e që do të bëhet në muajin prill, që ka të bëjë me akreditimin institucional të Akademisë si dhe propozoi periudhën e përshtatshme të mbajtjes të trajnimit dhjet javor “Shkolla e Stafit dhe Komandës Policore\\\", e cila edhe këtë vite (për herë të gjashtë) do të organizohet nga ICITAP-i.


 

Vushtrri, 15 mars 2018  – Bordi i Akademisë së Kosovës për Siguri Publike, sot mbajti takimin e parë për vitin 2018, të njëzet e dytin me radhë, ku  u diskutuan çështjet të cilat kanë të bëjnë më procesin nëpër të cilën po kalon Akademia; siç janë akreditimi i trajnimeve profesionale  nga Autoriteti Kombëtar i Kualifikimeve, akreditimin ndërkombëtar nga Asociacioni Ndërkombëtar i Drejtorëve të Standardeve të Zbatimit të Ligjit dhe Trajnimit (IADLES) të Shteteve të Bashkuara të Amerikës, si dhe zhvillimet dhe sfidat që e presin AKSP-në gjatë këtë vit.

Në takim morën pjesë Drejtori i Përgjithshëm i Akademisë Ismail Smakiqi, Drejtori i Përgjithshëm i Shërbimit Sprovues të Kosovës Bajram Bujupi, Drejtori i Përgjithshëm i Policisë së Kosovës  Shpend Maxhumi, Kryeprokurori i Shtetit Aleksandër Lumezi, UD/Kryeshefe Ekzekutiv e Inspektoratit Policor të Kosovës Miradije Kelmendi, Drejtori i Përgjithshëm i Doganave të Kosovës Bahri Berisha,  UD/Drejtor i Përgjithshëm i  Shërbimit Korrektues të Kosovës Rasim Selmanaj, Zëvendësdrejtor i Përgjithshëm  i Agjencisë për Menaxhimin Emergjent Shefki Avdullahu, Këshilltarja e Lartë e ICITAP-it në Ministrinë e Punëve të Brendshme Drita Pereziç, Këshilltarja e Lartë e OSBE-së Shpresa  Muharremi , Udhëheqësja e Projektit të Binjakëzimit Krista Haak si dhe Këshilltarja  Rezidente e Projektit të Binjakëzimit Ritva Vähäkoski .

Pas hapjes së takimit nga ana e kryesuesit të Bordit Bajram Bujupi dhe aprovimit të rendit të ditës, fjalën e mori Drejtori i Përgjithshëm i Akademisë së Kosovës për Siguri Publike Ismail Smakiqi, i cili njoftoi Bordin rreth procesit të akreditimit të trajnimeve profesionale dhe shqyrtimi i propozim politikave të përbashkëta për realizimin e fushëveprimit të ligjit të AKSP-së për përmbushjen e standardeve të akreditimit të Autoritetit Kombëtar të Kualifikimeve dhe Asociacioni Ndërkombëtar i Drejtorëve të Standardeve të Zbatimit të Ligjit dhe Trajnimit (IADLES) të Shteteve të Bashkuara të Amerikës.

Lidhur me akreditim Smakiqi tha se “Akademinë e Kosovës për Siguri Publike gjatë ditëve 08 dhe 12 mars e kanë vizituar  personeli përgjegjës për akreditim i Autoritetit Kombëtar të Kualifikimeve dhe ekipi i ekspertëve për vlerësim të jashtëm. Qëllimi i vizitës ishte  Akreditim Institucional i Akademisë së Kosovës për Siguri Publike dhe validimi i programeve profesionale për profilet:  Polic i Ri, Inspektor i Inspektoratit Policor, Zjarrfikës, Zyrtar Korrektues, Zyrtar Sprovues dhe Zyrtar Doganor”.

Drejtori i Akademisë Smakiqi, njoftoi Bordin e AKSP-së edhe me procesin e Akreditimit ndërkombëtar nga ana e Asociacionit Ndërkombëtar të Drejtorëve të Standardeve të Zbatimit të Ligjit dhe Trajnimit (IADLES) të Shteteve të Bashkuara të Amerikës, me ç’ rast Akademia do të fitoi Akreditim Ndërkombëtarë.

Bazuar në të gjeturat të ekipi i ekspertëve për vlerësim të jashtëm të Autoritetit Kombëtar të Kualifikimeve si dhe kërkesave për plotësimin standardeve të Asociacionit Ndërkombëtar të Drejtorëve të Standardeve të Zbatimit të Ligjit dhe Trajnimit (IADLES) të Shteteve të Bashkuara të Amerikës, Drejtori Smakiqi propozoi aprovimin e Dokumentit “Politikat e Përbashkëta për Realizimin e Fushëveprimit të Ligjit të AKSP-së për Përmbushjen e Standardeve të Akreditimit”

Dokumenti i “Politikave të përbashkëta” përmban katër Masa të veprimit: Angazhimi i stafit trajnues nga institucionet e sigurisë publike në Akademi; Ngritja e strukturës së përshtatshme të trajnimeve; Zhvillimi i kurrikulave dhe ofrimi i trajnimeve dhe Detyrat dhe obligimet e vijuesve. Çdo masë e veprimit ngërthen në vete masa konkrete që duhet të ndermirën, në funksion të “Politikës së Përbashkët”.

Dokumenti i “Politikave të përbashkëta” u aprovua një zëri nga Bordi i AKSP-së dhe po ashtu Bordi mori vendim për themelimin e Grupit Punues nga AKSP, ASP, ICITAP dhe OSBE me qëllim të krijimit të dokumentit të rekomandimeve për Bordin e ardhshëm të Akademisë, për jetësimin e Dokumentit të “Politikave të përbashkëta”.

Po ashtu gjatë takimit Bordi shqyrtoi dhe miratoi planin vjetor të Bordit  për vitin 2018.

Po ashtu gjatë takimit u shqyrtua dhe u raportua për punën e Akademisë gjatë vitit  2017. Drejtori Smakiqi raportoi për të arritura kryesore për këtë periudhë; Nënshkrimi i marrëveshjes së punës mes AKSP - MPB – CEPOL, Hartimi i Kurrikulave për trajnimet profesionale për të gjitha Agjencitë e Sigurisë Publike dhe miratimi i tyre nga ana e Bordit të AKSP-së, Ri-shikimi i programit studimor dhe Ri-akreditimin e programi studimor në Akademinë e Kosovës për Siguri Publike nga Agjencia e Kosovës e Akreditimit për periudhën tre (3) vjeçare 01/10/2017- 30/09/2020, Akreditimi Institucional i AKSP-së për periudhën 5 vjeçare nga ana e Këshillit Shtetëror të Cilësisë (KSHC), Realizimi i 171 trajnimeve me gjithsej 2571 zyrtar të ISP-ve, Pranimi i AKSP-së si anëtare në Asociacionin e Kolegjeve Evropiane të Shërbimit të Zjarr fikjes EFSCA, Pranimi i donacionit nga ICITAP-i ,, Pajisja e trajnimit te simulimit të Armëve të Zjarrit (FATS), Përfundimi i studimit të fizibilitetit për themelimin e studimeve Master të studimeve pasdiplomike në Fakultetin e Sigurisë Publike në AKSP, Nënshkrimi i Marrëveshjes së Bashkëpunimit mes AKSP-së dhe Fakultetit të Sigurisë në Shkup të Universitetit “St. Kliment Ohridski” të Manastirit të Maqedonisë.

Në Takimin e Bordit u bë zgjedhja e kryesuesit të ri të Bordit, ku kryesues i Bordit të Akademisë së Kovës për Siguri Publike u rizgjodh  Drejtori i Përgjithshëm i Shërbimit Sprovues të Kosovës Bajram Bujupi.

Ndërsa këshilltarja nga ICITAP Znj. Drita Periziç  gjatë këtij takim foli lidhur me vizitën e ekspertëve nga IDEALIST e që do të bëhet në muajin prill, që ka të bëjë me akreditimin institucional të Akademisë si dhe propozoi periudhën e përshtatshme të mbajtjes të trajnimit dhjet javor “Shkolla e Stafit dhe Komandës Policore\\\", e cila edhe këtë vite (për herë të gjashtë) do të organizohet nga ICITAP-i.


 

Vushtrri, 12 mars 2018 -  Akademinë e Kosovës për Siguri Publike gjatë ditëve 08 dhe 12 mars e kanë vizituar  personeli përgjegjës për akreditim i Autoritetit Kombëtar të Kualifikimeve dhe ekipi i ekspertëve për vlerësim të jashtëm. 

Qëllimi i vizitës ishte  Akreditim Institucional i Akademisë së Kosovës për Siguri Publike dhe validimi i programeve profesionale për profilet:  Polic i Ri, Inspektor i Inspektoratit Policor, Zjarrfikës, Zyrtar Korrektues, Zyrtar Sprovues dhe Zyrtar Doganor.

Gjatë vizitës ekipi i ekspertëve për vlerësim të jashtëm është takuar me stafin  udhëheqës dhe  administrativ të Akademisë , stafin mësimdhënës - trajnues të Agjencive të Sigurisë Publike si dhe kandidatet (ish kadet të Agjencive të Sigurisë Publike)

Ekipi i ekspertëve për vlerësim të jashtëm vizituan gjithashtu edhe  hapësirat e Akademisë, klasat, laboratorët, sallat e sporteve dhe të shkathtësive operative, poligonet, konviktet, pajisjet  dhe mjetet të cilat përdoren gjatë mbajtjes së trajnimeve.

Bazuar në të gjeturat ekipi i ekspertëve për vlerësim të jashtëm, do të jep rekomandim Bordit të Autoritetit Kombëtar të Kualifikimeve, për akreditim eventual të Akademisë.

Vushtrri, 09 mars 2018 - Drejtori i Përgjithshëm i Akademisë së Kosovës për Siguri Publike Ismail Smakiqi së bashku me Dekanin e Fakultetit të Sigurisë Bejtush Gashin dhe menaxhmentin e lartë sot priti në takim ambasadoren e shtetit të Finlandës në Prishtinë Pia Stjernvall, e cila ishte e shoqëruar edhe nga zv/ambasadorja Ritva Naumanen.

Gjatë këtij takimi drejtori Smakiqi e informoi ambasadoren lidhur me historikun e Akademisë, progresin, trajnimet të cilat zhvillohen e më theks të veçantë ai foli për projektin e binjakëzimit të Komisionit Evropian të implementuar nga Finlanda dhe Estonia,  projekt i cili ndihmoi në hapjen e Fakultetit të Sigurisë.

Gjithashtu drejtori Smakiqi foli edhe për projektin  e ri të binjakëzimit i cili ka për qëllim “Përkrahjen e mëtejme të arsimit në sigurinë publike në Kosovë”.

 Drejtori Smakiqi me këtë rast foli edhe për bashkëpunimin ndërkombëtar  që ka Akademia  me institucionet e sigurisë të vendeve të ndryshme evropiane si dhe rreth anëtarësimit të Akademisë në  Asociacionin Kolegjeve Policore Evropiane (AEPC) dhe Asociacionit Ndërkombëtar të Akademive Policore (INTERPA).

 Drejtori Smakiqi në fund falënderoi ambasadoren Stjernvall për vizitën, njëherit  ai shprehu  edhe  falënderimet e përzemërta që shteti i Finlandës ka dhënë për Kosovën e në veçanti për Akademinë.

 Ndërsa në fjalën e saj ambasadorja e Finlandës në Kosovë, Pia Stjernvall përgëzoi  drejtorin Smakiqi për progresin dhe zhvillimet në Akademi. 

 “Keni bërë një punë të shkëlqyer në reformimin e institucionit tuaj, në trajnimin, edukimin dhe arsimimin e pjesëtarëve të sigurisë publike, ku Akademia është shembull  i një edukimi superior”, u shpreh Ambasadorja Stjernvall. 

Në fund Stjernvall  shprehu mbështetje e pa rezerve për Akademinë edhe në të ardhmen. 

Nërsa zv/ambasadorja Ritva Naumanen tha se duhet te ndjeheni krenar me reputacionin që ka krijuar Akademia  në misionin e saj. 

Dekani i Fakultetit të Sigurisë publike pranë Akademisë Bejtush Gashi u shpreh se Akademia është institucion shume i rëndësishëm në trajnimin dhe arsimimin e lartë për pjesëtarë të sigurisë publike. 

Ai falënderoi Bashkimit Evropian e në veçanti Finlandën që kanë dhënë kontribut të jashtëzakonshëm qe sot edhe  të zhvillohet arsimimi i lartë në AKSP.

Në fund ata vizituan  objektet përcjellëse të Akademisë, ku nga instruktorët u informuan lidhur me pjesën praktike ku zyrtarët edhe zhvillojnë trajnimet.

Vushtrri, 28 shkurt 2018 -  Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi, priti sot në takim një delegacion të ICITAP-it nga Washingtoni të përbërë nga zëvendës ndihmës Drejtoresha e ICITAP për Evropë, Andrea Simic dhe analistja e programit të ICITAP, Emily Leival. 

Gjatë takimit që ato patën me Drejtorin e Përgjithshëm të Akademisë, Ismail Smakiqi, u njoftuan lidhur me historinë e zhvillimit, gjendjen aktuale dhe planet për të ardhmen. Drejtori Smakiqi vëri theksin kryesisht në kontributin dhe bashkëpunimin që AKSP e ka pasur ndër vite dhe vazhdon ta ketë me ICITAP-in dhe organizmat e tjerë zyrtarë të Shteteve të Bashkuara të Amerikës, përfshirë këtu donacionet e ndryshme, siç janë Qyteza Simuluese, Pajisjet e Simulimit të Trajnimit me Armë Zjarri (FATS), tabelat e mençura si dhe përkrahjen e Akademisë dhe agjencive të sigurisë publike në ngritjen e kapaciteteve njerëzore përmes trajnimeve të ndryshme.  Kështu, ICITAP çdo vit realizon sidomos trajnime të specializuara dhe të avancuara për agjencitë e sigurisë publike.
 
Njëri nga trajnimet më të njohura është “Shkolla e Stafit dhe Komandës Policore” i cili në Akademi është zhvilluar pesë herë radhazi dhe në të cilin kanë marrë pjesë zyrtarë të lartë policorë nga Policia e Kosovës, zyrtarë udhëheqës nga agjencitë e sigurisë publike dhe nga policitë e vendeve të regjionit. Në Akademi është zhvilluar edhe trajnimi regjional i vijës së gjelbër kufitare si dhe shumë trajnime të fushave tjera.

ICITAP po ashtu ka përkrahur themelimin e Bordit të AKSP-së dhe vazhdon të përkrah atë edhe më tutje në objektivat e tij.
 
Një proces shumë i rëndësishëm i cili po ndodhë në Akademinë e Kosovës për Siguri Publike është akreditimi ndërkombëtar i Akademisë nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës.

Ndërsa zëvendës ndihmës Drejtoresha e ICITAP për Evropë, Andrea Simic tha se ndjehet e lumtur për zhvillimet e fundit në Akademi dhe u shpreh e gatshme për vazhdimin e përkrahjes së ICITAP-it për AKSP-në. Simic foli për përparësitë dalluese të sistemit të arsimit në fushën e sigurisë publike të Kosovës në krahasim me vendet tjera të regjionit të Evropës Jug-Lindore. Po ashtu të njëjtën përkrahje e theksoi edhe Emily Leival, duke u shprehur e kënaqur me zhvillimet e deritanishme dhe planet e AKSP-së për të ardhmen. 

Vizita e zëvendës ndihmës Drejtoreshës së ICITAP për Evropë Andrea Simic dhe analistes së  programit të ICITAP Emily Leival u zhvillua në kuadër të vizitave që këto zyrtare të larta nga selia qendrore e ICITAP-it në Washington DC të Shteteve të Bashkuara po i realizojnë nëpër institucione të sigurisë publike, me të cilat ICITAP ka bashkëpunim.