Lajmet

Vushtrri, 12 mars 2018 -  Akademinë e Kosovës për Siguri Publike gjatë ditëve 08 dhe 12 mars e kanë vizituar  personeli përgjegjës për akreditim i Autoritetit Kombëtar të Kualifikimeve dhe ekipi i ekspertëve për vlerësim të jashtëm. 

Qëllimi i vizitës ishte  Akreditim Institucional i Akademisë së Kosovës për Siguri Publike dhe validimi i programeve profesionale për profilet:  Polic i Ri, Inspektor i Inspektoratit Policor, Zjarrfikës, Zyrtar Korrektues, Zyrtar Sprovues dhe Zyrtar Doganor.

Gjatë vizitës ekipi i ekspertëve për vlerësim të jashtëm është takuar me stafin  udhëheqës dhe  administrativ të Akademisë , stafin mësimdhënës - trajnues të Agjencive të Sigurisë Publike si dhe kandidatet (ish kadet të Agjencive të Sigurisë Publike)

Ekipi i ekspertëve për vlerësim të jashtëm vizituan gjithashtu edhe  hapësirat e Akademisë, klasat, laboratorët, sallat e sporteve dhe të shkathtësive operative, poligonet, konviktet, pajisjet  dhe mjetet të cilat përdoren gjatë mbajtjes së trajnimeve.

Bazuar në të gjeturat ekipi i ekspertëve për vlerësim të jashtëm, do të jep rekomandim Bordit të Autoritetit Kombëtar të Kualifikimeve, për akreditim eventual të Akademisë.

Vushtrri, 09 mars 2018 - Drejtori i Përgjithshëm i Akademisë së Kosovës për Siguri Publike Ismail Smakiqi së bashku me Dekanin e Fakultetit të Sigurisë Bejtush Gashin dhe menaxhmentin e lartë sot priti në takim ambasadoren e shtetit të Finlandës në Prishtinë Pia Stjernvall, e cila ishte e shoqëruar edhe nga zv/ambasadorja Ritva Naumanen.

Gjatë këtij takimi drejtori Smakiqi e informoi ambasadoren lidhur me historikun e Akademisë, progresin, trajnimet të cilat zhvillohen e më theks të veçantë ai foli për projektin e binjakëzimit të Komisionit Evropian të implementuar nga Finlanda dhe Estonia,  projekt i cili ndihmoi në hapjen e Fakultetit të Sigurisë.

Gjithashtu drejtori Smakiqi foli edhe për projektin  e ri të binjakëzimit i cili ka për qëllim “Përkrahjen e mëtejme të arsimit në sigurinë publike në Kosovë”.

 Drejtori Smakiqi me këtë rast foli edhe për bashkëpunimin ndërkombëtar  që ka Akademia  me institucionet e sigurisë të vendeve të ndryshme evropiane si dhe rreth anëtarësimit të Akademisë në  Asociacionin Kolegjeve Policore Evropiane (AEPC) dhe Asociacionit Ndërkombëtar të Akademive Policore (INTERPA).

 Drejtori Smakiqi në fund falënderoi ambasadoren Stjernvall për vizitën, njëherit  ai shprehu  edhe  falënderimet e përzemërta që shteti i Finlandës ka dhënë për Kosovën e në veçanti për Akademinë.

 Ndërsa në fjalën e saj ambasadorja e Finlandës në Kosovë, Pia Stjernvall përgëzoi  drejtorin Smakiqi për progresin dhe zhvillimet në Akademi. 

 “Keni bërë një punë të shkëlqyer në reformimin e institucionit tuaj, në trajnimin, edukimin dhe arsimimin e pjesëtarëve të sigurisë publike, ku Akademia është shembull  i një edukimi superior”, u shpreh Ambasadorja Stjernvall. 

Në fund Stjernvall  shprehu mbështetje e pa rezerve për Akademinë edhe në të ardhmen. 

Nërsa zv/ambasadorja Ritva Naumanen tha se duhet te ndjeheni krenar me reputacionin që ka krijuar Akademia  në misionin e saj. 

Dekani i Fakultetit të Sigurisë publike pranë Akademisë Bejtush Gashi u shpreh se Akademia është institucion shume i rëndësishëm në trajnimin dhe arsimimin e lartë për pjesëtarë të sigurisë publike. 

Ai falënderoi Bashkimit Evropian e në veçanti Finlandën që kanë dhënë kontribut të jashtëzakonshëm qe sot edhe  të zhvillohet arsimimi i lartë në AKSP.

Në fund ata vizituan  objektet përcjellëse të Akademisë, ku nga instruktorët u informuan lidhur me pjesën praktike ku zyrtarët edhe zhvillojnë trajnimet.

Vushtrri, 28 shkurt 2018 -  Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi, priti sot në takim një delegacion të ICITAP-it nga Washingtoni të përbërë nga zëvendës ndihmës Drejtoresha e ICITAP për Evropë, Andrea Simic dhe analistja e programit të ICITAP, Emily Leival. 

Gjatë takimit që ato patën me Drejtorin e Përgjithshëm të Akademisë, Ismail Smakiqi, u njoftuan lidhur me historinë e zhvillimit, gjendjen aktuale dhe planet për të ardhmen. Drejtori Smakiqi vëri theksin kryesisht në kontributin dhe bashkëpunimin që AKSP e ka pasur ndër vite dhe vazhdon ta ketë me ICITAP-in dhe organizmat e tjerë zyrtarë të Shteteve të Bashkuara të Amerikës, përfshirë këtu donacionet e ndryshme, siç janë Qyteza Simuluese, Pajisjet e Simulimit të Trajnimit me Armë Zjarri (FATS), tabelat e mençura si dhe përkrahjen e Akademisë dhe agjencive të sigurisë publike në ngritjen e kapaciteteve njerëzore përmes trajnimeve të ndryshme.  Kështu, ICITAP çdo vit realizon sidomos trajnime të specializuara dhe të avancuara për agjencitë e sigurisë publike.
 
Njëri nga trajnimet më të njohura është “Shkolla e Stafit dhe Komandës Policore” i cili në Akademi është zhvilluar pesë herë radhazi dhe në të cilin kanë marrë pjesë zyrtarë të lartë policorë nga Policia e Kosovës, zyrtarë udhëheqës nga agjencitë e sigurisë publike dhe nga policitë e vendeve të regjionit. Në Akademi është zhvilluar edhe trajnimi regjional i vijës së gjelbër kufitare si dhe shumë trajnime të fushave tjera.

ICITAP po ashtu ka përkrahur themelimin e Bordit të AKSP-së dhe vazhdon të përkrah atë edhe më tutje në objektivat e tij.
 
Një proces shumë i rëndësishëm i cili po ndodhë në Akademinë e Kosovës për Siguri Publike është akreditimi ndërkombëtar i Akademisë nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës.

Ndërsa zëvendës ndihmës Drejtoresha e ICITAP për Evropë, Andrea Simic tha se ndjehet e lumtur për zhvillimet e fundit në Akademi dhe u shpreh e gatshme për vazhdimin e përkrahjes së ICITAP-it për AKSP-në. Simic foli për përparësitë dalluese të sistemit të arsimit në fushën e sigurisë publike të Kosovës në krahasim me vendet tjera të regjionit të Evropës Jug-Lindore. Po ashtu të njëjtën përkrahje e theksoi edhe Emily Leival, duke u shprehur e kënaqur me zhvillimet e deritanishme dhe planet e AKSP-së për të ardhmen. 

Vizita e zëvendës ndihmës Drejtoreshës së ICITAP për Evropë Andrea Simic dhe analistes së  programit të ICITAP Emily Leival u zhvillua në kuadër të vizitave që këto zyrtare të larta nga selia qendrore e ICITAP-it në Washington DC të Shteteve të Bashkuara po i realizojnë nëpër institucione të sigurisë publike, me të cilat ICITAP ka bashkëpunim.

Vushtrri, 22 shkurt 2018 -  Profesor  John Fisher nga Universiteti Utah Valley nga Shtetet e Bashkuara të Amerikës po qëndron në Akademinë e Kosovës për Siguri Publike  për një vizitë studimore, ku u prit nga Drejtori i Përgjithshëm i  Akademisë, Ismail Smakiqi. Po ashtu John Fisher, i cili njëherësh është edhe drejtor i Institutit të Shërbimeve të Emergjencave dhe Sigurisë së Atdheut në Departamentin e Shërbimeve të Emergjencave të Universitetit Utah Valley, në kuadër të kësaj vizite studimore u takua me stafin akademik të Fakultetit të Sigurisë Publike dhe me instruktorët e Akademisë.

Drejtori i Akademisë Ismail Smakiqi, e falënderoi profesor John Fisher për  bashkëpunim dhe njëkohësisht i ofroi përkrahje për vizitën e tij studimore. Drejtori Smakiqi falënderoi profesorin Fisher për kontributin dhe mbështetjen e tij të vazhdueshme që po i bënë Akademisë.
 
Ndërsa profesor Fisher gjatë këtij takim i dhuroi Akademisë gjashtë libra, të cilat kanë të bëjnë me politikat amerikane, komunikimin dhe menaxhimin e krizave, trajnimin për përgjegjësit e parë dhe sigurinë e atdheut. Më këtë rast Fisher u shpreh i gatshëm për ta përkahur Akademinë edhe më tutje.
 
Duke folur për programin për Siguri Publike të Universitetit Utah Valley, Fisher tha se  ky program ka rreth 1,500 studentë, krahasuar me numrin e përgjithshëm të studentëve në Universitet me një total prej 35,000 studentëve. \"Ofrimi i programeve të Sigurisë Publike në një Akademi që është specifike për këtë lëmi është me të vërtetë interesante. Studentët njihen me kolegët e tyre të tjerë nga Kosova dhe janë në gjendje të ndajnë përvojat e tyre në arsim. Studentëve tanë u mungon kjo mundësi për ta njohur njëri-tjetrin sepse Universiteti është aq i madh”, tha Fisher.

Në kuadër të vizitës, profesor Fisher mori pjesë në tryezën shkencore \"Një dekadë shtet: Sfidat e sigurisë në Kosovë\", ku iu drejtua pjesëmarrësve me temën \"Studim krahasues i planifikimit të komunikimit të krizave në Evropën Juglindore dhe Shtetet e Bashkuara të Amerikës\".

Profesor Fisher gjatë takimit me  personelin mësimdhënës të Fakultetit të Sigurisë Publike në Akademi diskutoi rreth qasjeve të mësimdhënies për disa nga problemet e përbashkëta. \"Programet tona të sigurisë publike ofrohen ballë për ballë dhe janë online. Ne trajnojmë zjarrfikës dhe policë të rinj në klasat ballë për ballë, por japim edhe mësim online për udhëheqjen për personelin e sigurisë publike, duke përfshirë policinë, zjarrfikësit dhe paramedikët, pjesërisht për shkak se punojnë me orar të plotë dhe shkojnë në shkollë me orar të pjesshëm \", tha Fisher, duke treguar ngjashmëritë dhe dallimet ndërmjet sistemit arsimor të AKSP-së dhe të Departamentit të Shërbimeve Emergjente të UUV.

Duke folur për bashkëpunimin me stafin mësimdhënës të Fakultetit të Sigurisë Publike të AKSP-së, profesor Fisher përmendi përfshirjen në dy projekte  të cilat janë  \"Krahasimi i komunikimit të krizave në Kosovë dhe Shtetet e Bashkuara të Amerikës\" me dekanin e Fakultetit të Sigurisë Publike, Bejtush Gashi, dhe \"Politika e Mediave Sociale në Kosovë dhe Shtetet e Bashkuara të Amerikës\" me profesor Ferid Azemin.

Fisher takoi edhe zyrtarët e Qendrës së Ushtrimeve të Integruara (QUI) nga Agjencia e Menaxhimit të Emergjencave të Kosovës, të vendosur në Akademinë e Kosovës për Siguri Publike, përkatësisht udhëheqësin Bahri Pajaziti dhe zyrtarin e lartë Iset Lahu. Tema diskutimi ishin trajnimet në fushën e zjarrfikjes, shpëtimit dhe menaxhimin e emergjencave si dhe shqyrtimi i mundësisë së adoptimit për kushtet dhe rrethanat e Kosovës për të realizuar në Akademi trajnimin e Ekipit të Komunitetit për Përgjigje Emergjente (CERT) të Agjencisë Federale të Menaxhimit të Emergjencave (FEMA) të Shteteve të Bashkuara të Amerikës, program ky, i cili, siç tha ai, i edukon vullnetarët për gatishmërinë emergjente për rreziqet që mund të ndikojnë në hapësirat e tyre dhe i trajnon ata për shkathtësitë themelore të përgjigjes ndaj katastrofave, siç janë siguri ndaj zjarreve, kërkim shpëtimi i lehtë, organizimi i ekipit dhe operimet mjekësore në fatkeqësi.

Profesor Fisher ka vizituar edhe Qendrën Korrektuese në Lipjan, ku është takuar me drejtorin  Heset Loku, dhe qendrën e re të arsimit për të mitur. “Isha i impresionuar me programet që u ofrohen shkelësve të rinj të ligjit”, tha ai. \"Për shkak të arsimimit dhe këshillimit që ata e marrin, shumica e tyre kthehen në shoqëri dhe jetojnë jetë të mira dhe productive”, përfundoi profesori Fisher.

Vushtrri, 20 shkurt  2018 -  Në Akademinë e Kosovës për  Siguri Publike  sot u mbajt tryezë shkencore me temën  “Një dekadë shtet, sfidat e sigurisë në Kosovë”, e cila mbahet në kuadër të ngjarjeve dhe manifestimeve me rastin e dhjetëvjetorit të Pavarësisë së Kosovës.

Në këtë tryezë morën pjesë drejtori i Përgjithshëm i Akademisë së Kosovës për Siguri Publike Ismail Smakiqi, Zëvendësministri i Punëve të Brendshme Abdulselami Shkodra, Zëvendësministri në Ministrinë e Forcës së Sigurisë Burim Ramadani, Xhavit Shala dhe Besnik Shehu nga Akademia e Sigurisë së Shqipërisë, Arsim Bajrami dhe Haki Demolli profesor në Universitetin e Prishtinës, John Fisher  profesor i asociuar në Universitetin e Utah Valley, Muhaedin Bela këshilltarë nga Ministria e Mbrojtjes së Maqedonisë, Riza Shillova  drejtor i Departamentit të Hetimeve në Policinë e Kosovës, Drita Pereziç Këshilltare Ekzekutiv në MBP nga ICTAP –i, dekani i Fakultetit të Sigurisë Publike Bejtush Gashi, student, profesor, përfaqësues të agjencive të sigurisë publike si dhe stafi akademik. 

Drejtori i Akademisë së Kosovës Ismail Smakiqi tha se Kosova me dhjetë vite të pavarësisë ndodhet para sfidave të mëdha të rrugëtimit drejt një republike me stabilitet politik dhe ekonomik.

“Kosova gjatë këtyre gati nëntëmbëdhjetë viteve liri dhe dhjetë viteve pavarësi po kalon një rrugë jo të lehtë të shtet ndërtimit. Është një numër shumë i madh të arriturave të cilat kanë ndodhur gjatë këtyre viteve dhe po ashtu kanë mbetur një numër shumë i madh i obligimeve dhe objektivave, të cilat duhet të i përmbush Kosova që të konsiderohet shtet me stabilitet politik dhe ekonomik”, u shpreh Smakiqi duke thënë së njëra ndër sfidat e cila duhet të kalohet në të ardhmen është sfida e sigurisë

“Siguria publike në Kosovë është zhvilluar në hap me Akademinë e Kosovës për Siguri Publike. Kjo për faktin se Akademia e Kosovës për Siguri Publike (në faza të ndryshme me emër të ndryshëm por gjithmonë me mision të njëjtë), që nga themelimi i saj në shtator të vitit 1999 e deri më sot, ka pjesëmarrje të drejtpërdrejtë në sigurinë publike të vendit tonë, natyrisht përmes misionit të saj; trajnimi dhe arsimimi i të punësuarave në agjencitë e sigurisë publike”, u shpreh Smakiqi.

Zëvendësministri i Punëve të Brendshme Abdulselami Shkodra   gjatë tryezës vlerësoj se  Kosova edhe përkundër sfidave ka shënuar suksese në konsolidimin e institucioneve, forcimin e demokracisë dhe sundimin e ligjit.

Duke folur rreth njohjeve të shtetit të Kosovës dhe qëllimit të saj  rreth integrimit në Unionin Evropian zëvendësministri Shkodra tha se politikat e sigurisë në Kosovë janë në harmonizim  më politikat evropiane.   “Në këtë aspekt jemi të vendosur në anëtarësimin në INTERPOL  dhe mekanizmi tjera ndërkombëtarë të sigurisë”, u shpreh Shkodra

Shkodra vlerësoj se siguria publike matet  me aftësinë e agjencive dhe siç tha ai misionet e tyre janë shumë të rëndësishme.

Duke u shprehur i kënaqur me punën e agjenci neve  Shkodra vlerësoj se sfida e sigurisë nuk  mund të jetë sfidë lokale, apo  sfidë vetën e një shteti. 

“Zhvillimet strategjike në përballje me sfidat e sigurisë konsideroi se janë mjaft të komplikuara dhe vendimet politike për përballje me sfidën e sigurisë duhet të bazohen në analizat e departamenteve të cilat kanë fushëveprim përpunimin e të dhënave nga fusha e sigurisë si dhe mbi studimet dhe hulumtimet e mirëfillta shkencore të Instituteve të Studimeve të Sigurisë”, tha Shkodra duke thënë se misioni i Akademisë në trajnimin dhe arsimimin e zyrtarëve të zbatimit të ligjit, zhvillohet me programe bashkëkohorë të akredituara nga agjencitë profesionale dhe të pavarura të akreditimit.  “Krimet me të cilat përballen institucionet e rendit, pothuajse janë të vazhdueshme; krimi i organizuar, korrupsioni, trafikimet e ndryshme, pastaj ekstremizmi i dhunshëm, kërcënimi nga terrorizmi, krimet kibernetike dhe krime tjera të njohura për opinionin”, u shpreh ai duke thënë se sfidat e sigurisë kanë të bëjnë me luftimin  e këtyre dukurive.

Kurse, Burim Ramadani Zëvendësministër në Ministrinë e Forcës së Sigurisë tha se pjesë më e rëndësishme për Kosovën në këtë dhjet vjetor mbetet fokusimi në konsolidimin, avancimi dhe profesionalizmin  e institucioneve të sigurisë dhe zbatimit të ligjit.

“Nuk ka dilema që pjesa më e rëndësishme e krejt tregimit për Kosovën në këtë dhjet vjetor të shpalljes  së pavarësisë mbetet fokusimi ynë konsolidimin dhe përmbylljen e arkitekturës  sigurisë nacionale, rrumbullakim të kornizës strategjike të sigurisë, vazhdimin ose avancimin e profesionalizmit të institucioneve të sigurisë dhe zbatimit të ligjit”, u shpreh Ramdani.

Ramadani duke folur për rëndësinë  e sigurisë brenda dhe jashtë vendi tha se nuk mund të ketë siguri pa bashkëpunim.

“Bashkëpunim  ndërshtetëror  në fushën e sigurisë, mbrojtjes  dhe të politikes së jashtme është  shumë i rëndësishëm dhe besoj që Kosova ka treguar gatishmërinë e saj për të arritur bashkëpunim  ndërshtetëror” , u shpreh Ramadani

Ai vlerësoj se është më rëndësi që Kosova të përfshihet në programin e partneritetit për paqe në bazë të fushave të specializuara ushtarake që ka Kosova dhe ndërkohë po ashtu të ftohemi për të iu bashkuar misioneve paqeruajtëse nëpër kriza të ndryshme në botë.

Kurse, Arsim Bajrami profesor  në Universitetin e Prishtinës  i cili përgëzoj Akademinë për të arriturat e saj, gjatë tryezës ka folur për rrugëtimin dhe sfidat që ka pas Kosova deri në shpalljen e pavarësisë si dhe për sfidat që e presin në ndërtimin e shtetit.

Profesor Bajrami tha se edhe përkundër sfida pavarësia e Kosovë është punë e kryer, ndërsa sipas tij punë e pa kryer është shtet ndërtimi.
Ai tha se shtet ndërtimi i ka tri sfida kryesor, sfida e parë siç tha ai është shtrirja e juridiksionit të Kosovës, kushtetutës dhe legjislacionit në veri të Kosovës. 
“Për mua sfida e parë e shtet ndërtimit të Republikës së Kosovës është shtrirja e plotë e juridiksionit në gjithë territorin e Kosovës”, u shpreh Bajrami. Problemi i dytë Bajrami e ka cilësuar edhe formimin e ushtrisë duke thënë se ky proces është duke u vonuar padrejtësisht, ndërsa problemi i tretë më të cilën është ballafaquar shteti sipas tij është kriza politike.
Po ashtu profesor Bajrami ka përmendur tri sfidat që e presin Kosovën në të ardhmen siç janë; luftimi i dukurive negative, krimi, korrupsioni,  krimi i organizuar etj.   “Sundimi i ligjit mbetet sfidë kryesor e Republikës së Kosovës”, u shpreh ai duke  thënë se sfidat tjera janë qeverisja e mirë  dhe integrimet në BE dhe NATO.

John Fisher  profesor i asociuar në Universitetin e Utah Valley gjatë prezantimit të tij rreth çështjes së sigurisë përgëzoj Akademinë që përmes shkollimit të zbatuesve të  ligjit po ofron një siguri të mirë për vendin. Fisher foli për llojet e kërcënimeve që shkaktojnë mos siguri.

Fisher foli edhe për cilësitë që rimëkëmbin shoqërinë siç janë; shoqëria reflektove, shkathtësi për të njohur,  fuqi e cila duhet të menaxhohet siguria në situata të ndryshme  si janë zjarret, tërmetet etj.

Para të pranishmëve foli  edhe Prof. dr. Xhavit Shala nga Akademia e Sigurisë të Tiranës, në temën “Shtet ndërtimi i suksesshëm dhe qeverisja e mire përballë kërcënimeve serbo-ruse për dështimin e shtetit të Kosovës”.  Profesor Shala tha për pretendimet e rrezikshme serbo-ruse për ta shpallë Pavarësinë e Kosovës si një shtete të dështuar.
“Kosova në procesin e shtet formimit dhe të shtete ndërtimit mundë ta konsiderojmë si pjesë e misionit dhe përpjekjeve shekullore të shqiptarëve për të realizuar vizionin e tyre për të pasur shtetin përkrah botës së qytetëruar” tha Profesor Shala.

Ai me tej shtoi se Kosova ka krijuar institucionet themelore të një shteti të pavarur dhe sovran, institucione të legjitimuara politikisht nëpërmjet një procesi zgjedhjesh të ndershme të qeta e të lira.
Duke folur për sigurinë ai shtoi se  siguria e Kosovës është një proces i përbashkët i KFOR-it dhe institucioneve kosovare të sigurisë. “KFOR-i ka përgjegjësinë e drejtpërdrejt ta mbrojë Kosovën nga kërcënimet e jashtme, ndërsa garantimin e sigurisë së brendshme tashmë pothuajse i ka kaluar institucioneve të Republikës së Kosovës”, tha Shala.

Në funde Shala tha se në këtë dhjetëvjetor të pavarësisë procesi i shtet ndërtimit në Kosovë ka arritur ti përmbushë funksionet thelbësore të mbijetesës në fushën e sigurisë, sundimit të ligjit, sigurimit të ardhurave, legjitimitetit politik, dhe ka bërë përparime të dukshme në përmbushjen e nivelit të pritur të funksionalitetit të shtetit .

Profesori Haki Demoli foli për temën “Dukuria e terrorizmit si sfidë për sigurinë dhe shtet ndërtimin e Kosovës”, për rreziqet e kësaj dukuri jo vetëm në Kosovë, por në mbarë globin.

Po ashtu Demolli përshkruajti edhe gjendjen në të cilën gjendet Kosova sa i përket situatës së sigurisë në vend.

“Terrorizmi konsiderohet njëri ndër problemet më serioze jo vetëm për shtet, jo vetëm për sigurinë ndërkombëtare, por edhe për jetën e njerëzve në tërë botë”, u shpreh Demolli duke përmendur që viteve të fundit sulmet terroriste nëpër botë janë rritur krahasime me vitet paraprake.  Demolli vlerësoj se masat të cilat i ka marr qeveria e Kosovës në luftimin kundër terrorizmit janë  legjislacioni, ndërtimi i mekanizmave për parandalimin dhe luftimin e terrorizmit, planifikimi për parandalimin e terrorizmit dhe aktivitet konkrete për parandalimin e terrorizmit.

Gjatë kësaj tryeze foli edhe drejtori i Departamentit të Hetimeve i Policisë së Kosovës Riza Shillova i cili tha se përvjetori i dhjetë i Republikës së Kosovës është i lidhur edhe me progresin e përgjithshëm të Policisë së Kosovës, si dhe sfidat e ndryshme të cilat janë përballur gjatë periudhave të ndryshme kohore.
Duke folur për sfidat e Policisë së Kosovës ai shtoi se pas shpalljes së Pavarësisë së Kosovës rezultati i angazhimit të policisë gjatë kësaj periudhe ka qen i vlerësuar mjaftë lartë, ku është  arritur të  mbahet situatë e sigurisë e qetë duke eliminuar provokimet e ndryshme veçanërisht në veri të Kosovës dhe zonën kufitare.
Gjithashtu Shillova foli për sfidat dhe angazhimet të cilat i kanë përcjellë Policinë e Kosovës si në aspektin ligjor, organizativ, aspektin e politikave publike , nacionale, teknik, aspektin e bashkëpunimit ndërkombëtarë etj.
“Policia e Kosovës krahas sfidave apo bashkë me sfidat është rrit e është zhvilluar dhe është ngritur profesionalisht për të marrë mbi vete përgjegjësitë që i takojnë  duke ofruar siguri për të gjithë qytetarët e Republikës së Kosovës”, tha Shillova.

Ndërkaq, Dekani i Fakultetit të Sigurisë Bejtush Gashi tha se bota në asnjë rast nuk ka qenë e sigurt për shtete të vogla, sepse historia ka dëshmuar se fuqitë e mëdha e kanë shumë të lehtë të manipulojnë me këto shtete si nga ana ekonomike ashtu dhe nga ana ushtarake. “Përderisa një shtet i vogël nuk është në gjendje të përballojë një konflikt me forcat e veta, rruga e vetme mbetet lufta diplomatike për të shmangur ose ulur rrezikun e konfliktit”, tha Gashi. Një nder mënyrat për ta evituar pasigurinë për shtetet e vogla siç tha Gashi është asocimi i tyre në institucionet ndërkombëtare dhe partneriteti diplomatik me shtetet me te fuqishme. “Për shtetet e vogla të Ballkanit Perëndimor ku bën pjesë edhe Republika e Kosovës, ekziston vetëm një zgjedhje strategjike, e ajo është “integrimi euro-atlantik”, u shpreh Gashi.

Gjithashtu dekani Gashi shtoi se politika e bashkëpunimit dhe integrimi në institucionet ndërkombëtare të sigurisë, me theks të veçantë integrimi në NATO, si mjet për arritjen e stabilitetit në vend dhe rajon,  përbën objektivin dhe zgjidhjen strategjike themelore për sigurinë e Kosovës dhe mbrojtjen e interesave kombëtare.
Duke folur për sfidat e sigurisë dekani Gashi tha se janë të shumta, ku disa prej tyre kanë ndikim të drejtpërdrejt ndaj sigurisë, kurse të tjerat kanë ndikim të tërthortë. 
Në fund dekani i Fakultetit të Sigurisë Bejtush Gashi dha disa kolaudime rreth çështjes së sigurisë se; Mjedisi i sigurisë është vazhdimisht i ndryshueshëm si pasoj e ndryshimeve politike; shtetet e vogla siç është Republika e Kosovës për të siguruar paqen dhe stabilitetin, duhet të përdorin strategjinë e ndarjes dhe balancimit të pushteteve shtetëror, shteti duhet të investojë më shumë në luftën kundër korrupsionit, trafikimit ilegal, krimit të organizuar dhe terrorizmit, infrastruktura ligjore në fushën e sigurisë duhet të plotësohet dhe të jetë kompatibile më infrastrukturën ligjorë të vendeve anëtare të BE-së, sidomos nën aktet ligjore.

“Sa i përket sigurisë në nivel shtetëror, konsideroj që diplomacia është mjeti më i sigurt për ti përballuar kërcënimet e jashtme. Për derisa një shtet nuk është në gjendje të përballojë një konflikt me forcat e veta, rruga e vetme mbetet lufta diplomatike për të shmangur ose ulur rrezikun e konfliktit”, përfundoi Gashi.

Takimin e përshëndeti kolonel Muhaedin Bela, Këshilltar në Ministrinë e Mbrojtjes të Maqedonisë, i cili theksoi rëndësinë e integrimit të Maqedonisë dhe Kosovës në NATO si dhe ofroi mundësinë për realizimin e trajnimeve të programit të Ekipit të Komunitetit të Përgjigjes Emergjente (CERT) nga Universiteti Utah Valley, sponsorizuar nga Agjencia Federale e Menaxhimit Emergjent (FEMA) e Shteteve të Bashkuara.
 

Vushtrri, 16 shkurt  2018 - Në Akademinë e Kosovës për Siguri Publike sot  përfundoi  trajnimi “Reagimi i përbashkët 2018”, i organizuar nga Agjencia për Menaxhim Emergjent në bashkëpunim me Ambasadën e Shteteve të Bashkuara të Amerikës në Kosovë , Gardën e Ajoves si dhe Agjencia Federale e  Menagjimit Emergjent nga Amerika.

Në këtë ushtrim përmbyllës të pranishmit i përshëndeten edhe komandanti i Gardës Kombëtare e Ajovës Timothy Orr si dhe Drejtori i Agjencisë së Menaxhimit të Emergjencave Fadil Kodra.

Gjithashtu pjesëmarrësit  në këtë  trajnim përmbyllës,  “ Reagimi i përbashkët 2018”,  vlerësuan lartë organizimin e këtij ushtrimi  i cili kishte për qëllim testimin e planit të reagimit kombëtarë.

Objektivat e këtij trajnim kanë qenë testimi i komunikimit, koordinimi ndërinstitucional , testimi i kapaciteteve reaguese, shërbimi mjekësor emergjent, evakuimi dhe strehimi , informimi i publikut në situatat emergjente etj.

Në fund të gjithë zyrtarët nga institucionet pjesëmarrëse të mbështetura edhe nga partneret ndërkombëtarë shprehen gatishmërinë e bashkëpunimit edhe në të ardhmen.

Në këtë trajnim   katër ditor pjesëmarrës ishin zyrtarë nga të gjitha  institucionet e Republikës së Kosovës. 

Vushtrri, 13 shkurt 2018 –  Në Akademinë e Kosovës për Siguri Publike (AKSP) filloi ushtrimi  “Reagimi i përbashkët 2018”,  i organizuar  nga  Agjencia për Menaxhimin Emergjent  (AME) në bashkëpunim me Ambasadën e Shteteve të Bashkuara të Amerikës  në Kosovë, Gardën e Ajoves si dhe Agjencinë Federal të Menaxhimit Emergjent nga Amerika.  Të pranishmit vlerësuan se mbajtja e ketij ushtrimi i cili ka për qëllim se si të reagohet në situata krizash është shumë i rëndësishëm për vendin tonë.

Zëvendësministri i Punëve të Brendshme Isa Xhemajlaj  duke përshëndetur të pranishmit, falënderoj të gjitha agjensionet e posaçërisht Ambasadën Amerikane që në vazhdimësi po e përkrah Kosovën në të gjitha fushat, konkretisht në fushën e sigurisë.

Zëvendësministri Xhemajlaj vlerësoi se ushtrimi ku do të promovohen format e reagimit në raste fatkeqësie është i domosdoshëm.  “Pa dyshim  që sfidat janë në gjithë botën dhe nuk bëjmë përjashtim as Kosovën dhe ky ushtrim do t’ju mundësojë formën e cila duhet të përdoret në rastet e fatkeqësive”, u shpreh Xhemajlaj.

Drejtori i Përgjithshëm i  Agjencisë së Menaxhimit Emergjent Fadil Kodra, foli për rëndësinë e këtij trajnimi që ka për qëllimi gjetjen e formës së reagimit në raste emergjente. Kodra vlerësoi se ky ushtrim është shumë i rëndësishme për gjitha institucionet e vendit e po ashtu edhe për Agjencinë e Menaxhimit Emergjent.

Ndërsa, Ismail Smakiqi Drejtor i Përgjithshëm në Akademinë e Kosovës për Siguri Publike (AKSP), duke e vlerësuar ushtrimin si të rëndësishëm për vendin, tha se Akademia si gjithherë ka qenë dhe është e gatshme të  ofrojë kushtet për trajnimin e gjithë zbatuesve të ligjit.

“Çfarë do lloj trajnimi që është në të mirën e vendit, Akademia është e gatshme që ta përkrah”, u shpreh Smakiqi.

Michael J Ganley shef i operacionit dhe gatishmërisë mbështetëse nga Shtetet e Bashkuara të Amerikës  tha se  qëllimi i tyre është që përmes këtij ushtrimi ta ndihmojnë Kosovën në përgatitjen  se si të gjindet në situata krizash.  

“Ne kemi menduar që të përqendrohemi më shumë në ndihmën  e shtetit të Kosovës  në ato fusha ku ka mangësi  dhe përmes këtij ushtrimeve t’i përmiresojmë. Ne jemi këtu në rolin e lehtësuesve. Arsyeja e këtij ushtrimi,  të këtij niveli kaq të mëdha, është që të përpilohet një planë i cili do të zhvillohet dhe me pas të ekzekutohet ku përmes tij të shihen ato mangësi që duhet të përmirësohen”, u shpreh Ganley.


Drejtori i Departamentit për Gatishmëri në Agjencinë  e Menaxhimit Emergjent Hajriz Sejdiu tha se qëllimi i këtij ushtrimi në tavolinë është që të testohen  planet, politikat dhe procedurat se si qeveria,  Republika e Kosovës të menaxhojë  fatkeqësitë dhe të mbrohet nga to.

“Gjatë këtij ushtrimi ne do t’i testojmë mundësitë, planifikimin, kapacitetet tona dhe mënyrën se si Republika e Kosovës do të menaxhojë çdo lloj fatkeqësie që mund ta godas vendin tonë. Ne do të bëjmë analizë ku do të nxirren mangësitë, dobësitë ku i kemi dhe këto do t’i shndërrojmë në rekomandime në mënyrë që aty ku kemi mangësi t’i përmirësojmë që në të ardhmen të jemi më të fuqishëm për të menaxhuar situata të tilla”, tha Hajrizi.

Ndryshe  ushtrimi “Reagimi i përbashkët 2018”,  ku janë duke marrë pjesë të gjitha institucionet e Kosovës  do të zgjatë katër ditë.


 

Vushtrri, 24 janar 2018 -  Në Akademinë e Kosovës për Siguri Publike sot u mbajt seminari  ku u shqyrtuan  konkluzionet dhe u dhanë rekomandime rreth studimit të fizibilitetit për nivelin mastër. Gjatë këtij seminari ku u diskutua rreth studimit të fizibilitetit   u vlerësua se hapja e një programi master në fushën e sigurisë është shumë i nevojshëm për vendin.

Në takim morën pjesë Drejtori i Përgjithshëm i Akademisë së Kosovës për Siguri Publike Ismail Smakiqi, Dekani i Fakultetit të Sigurisë Publike Bejtush Gashi,  Këshilltarja Rezidente e Projektit të Binjakëzimit Ritva Vahakoski, Akrem Racaj nga Policia e Kosovës, Bujar Mustafa nga Inspektorati Policor i Kosovës, Hajriz Sejdiu nga Agjencioni i Menaxhimit Emergjent, Shpresa Muharremi nga OSBE-ja si dhe stafi akademik i Fakultetit të Sigurisë në Akademi. 

Drejtori i Përgjithshëm i Akademisë Ismail Smakiqi gjatë takimit  përshëndeti të pranishmit dhe falënderoi të gjithë ata të cilët kanë punuar dhe janë duke punuar në studimin e fizibilitetit.

Smakiqi tha se studimi i fizibilitetit i cili jep mundësinë  e studimeve pasuniversitare në sektorin e sigurisë në Akademinë e Kosovës për Siguri Publike,  është i nevojshëm dhe i mirëseardhur.

“Ne të gjithë së bashku jemi duke punuar më përkushtim të madh në zhvillimin dhe ngritjen e kapaciteteve  të gjithë zbatuesve të ligjit dhe hapja e një programi mastër në fushën e sigurisë hap rrugën e zhvillimit edhe më të madh të sektorit të sigurisë në gjithë Kosovën”, u shpreh Smakiqi duke thënë se Akademia është e gatshme të ofroj dhe mundësoj kushte për secilin zbatues të ligjit i cili është i interesuar që të zhvilloj profesionin e vet.

Edhe  dekani i Fakultetit të Sigurisë Publike Bejtush  falënderoi të gjithë ata që kanë punuar në projektin e fizibilitetit të cilët përmes anketave dhe bisedave kanë nxjerrë rekomandimet dhe konkluzionet rreth mundësisë së hapjes se programit të studimeve master.

“Mbështetur në analizën e nevojave si dhe kapaciteteve që mund   të ofrojmë, kemi diskutuar   dhe mendojmë  që Fakulteti i Sigurisë Publike mund të ofroj studime master dhe  programi studimor do të ishte i mundshëm në dy fusha të studimit në lidership të avancuar dhe menaxhim strategjik si dhe punë policor bazuar në hulumtimin që në fakt edhe projektit i fizibiliteti ka dal më këto konstatime” , tha Gashi duke u shprehur se në studime të specializuara të tipit të mbyllur  nevojiten investime shumë të mëdha “e kam fjalë për shërbimet e inteligjencës e disa studime tepërte të specializuara. Për këtë kemi edhe përkrahjen nga instucionet tjera të Kosovës”.  
Gashi po ashtu vlerësoj se sa i përket studimeve master Akademia i plotëson kushtet edhe në aspektin infrastrukturorë, ndërsa siç tha ai është e nevojshme përkrahja financiare. 

Kurse Akrem Racaj Drejtor i Trajnimeve të Specializuar dhe të Avancuara në Policinë e Kosovës e vlerësoj lartë angazhimin dhe vizionin që Akademia e Kosovës për Siguri Publike  në vazhdimësi përmes dokumenteve strategjike ka siç tha ai ka shprehur qëllim  e saj për edukimin dhe trajnimin në përgjithësi të agjencioneve të sigurisë publike. 
“Hapja e një programi master në fushën e sigurisë është e rëndësishme edhe për Policinë e Kosovës”, u shpreh Racaj duke falënderuar OSBE-në, ekspertët e projektit të binjakëzimit dhe gjithë ata të cilët përmes dokumenteve të ndryshme kanë bërë një studim të fizibilitetit. 

Ndërsa Marek Link  ekspertë i Projektit të Binjakëzimit ka bërë prezantimin e raportit të rishikimit të studimit të fizibilitetit  duke thënë se është e nevojshme një program i studimit master në fushën e sigurisë.
“Qëllimi i studimit të fizibiliteti aktualisht është  që të përcaktohet nëse ka interes, përkrahje, aftësi dhe qasje për të siguruar një program pasuniversitar të masterit në fushën e  sigurisë publike dhe sektorit të sigurisë. Qëllimi i studimit të fizbilitetit aktualisht është;  parimisht duhet të merret një ide apo një interes i madh që e dimë se bota në mjedisin e tyre ka nevojë në tregun e tyre për nivelin master  dhe nëse ky element tregon një trente pozitivë  dhe aktualisht ky është një konkluzion  kryesor nga studimi i vitit të kaluar i cili e jep një masë matjes i cili nuk është shumë në detale por është i bazuar në analiza dhe intervistat e të gjithë juve”,  u shpreh Link.

Gjatë këtij takim u vlerësua se programi master përveç se do të ketë rëndësi për Agjencitë edhe për kapacitetet e ardhshme të Fakultetit të Sigurisë Publike.
 

Vushtrri, 17 janar 2018 –  Një delegacion i Akademisë së Sigurisë në Shqipëri i kryesuar nga Artan Shkëmbi drejtor i Departamentit të Planizimit, Kontrollit  në këtë Akademi  po  qëndron për një vizitë zyrtare dy ditore në Akademinë e Kosovës për Siguri Publike (AKSP). Delegacioni u prit në takim nga Drejtori i Përgjithshëm i Akademisë Ismail Smakiqi, Dekani i Fakultetit të Sigurisë Bejtush Gashi dhe menaxhmenti i  lartë.

Qëllim i kësaj vizite nga delegacioni në fjalë është njohja me modelin e arsimit në fushën e Sigurisë në Fakultetin e Sigurisë në Akademi si dhe bisedimet rreth reformave dhe synimeve për të ardhmen.
 
Drejtori i Akademisë së Kosovës për Siguri Publike Ismail Smakiqi, e njoftoi delegacionin për zhvillimet dhe për proceset të rëndësishme të Akademisë, për funksionimin e Fakultetit të Sigurisë, projektin e binjakëzimit  IPA II-  të financuar nga Bashkimi Evropian.

Gjithashtu drejtori Smakiqi foli edhe për bashkëpunimin e vazhdueshëm në mes dy Akademive  të sigurisë, asaj të Kosovës dhe Shqipërisë në fushën e trajnimeve për pjesëtarët e  sigurisë publike.

 Smakiqi duke  e njoftuar delegacionin për bashkëpunimin ndërkombëtarë që ka Akademia, u shpreh se shkëmbimi i përvojave mes dy akademive është i domosdoshëm dhe i mirëseardhur.
“Bashkëpunimi jonë me Akademinë e Sigurisë së Shqipërisë është dhe do të vazhdojë edhe tutje”, u shpreh Smakiqi.

Ndërsa delegacioni nga Akademia e Sigurisë së Shqipërisë gjatë vizitës u interesuan kryesisht rreth metodave që ka Akademia për trajnimin dhe arsimimin e pjesëtarëve të sigurisë publike. Artan Shkëmbi drejtor i Departamentit të Planizimit, Kontrollit  në këtë Akademi  duke shprehur kënaqësinë e tij për vizitën, vlerësoi se Akademia e Kosovës është një shembull i mirë për arsimimin dhe trajnimin e pjesëtarëve të sigurisë.
“Jemi në një fazë të reformimit dhe për këtë kemi zgjedhur Akademinë tuaj të marrim eksperiencë. Ju keni një akademi të formuar me standarde evropiane dhe shkëmbimi i përvojave është shumë i rëndësishëm”, ka thënë Shkëmbi.

Ndërkaq, Dekani i Fakultetit të Sigurisë Publike, Bejtush Gashi  gjatë takimit i njoftoi përfaqësuesit e institucioneve të sigurisë nga Shqipëria për programin e  studimeve në Fakultet. 
Po ashtu Gashi foli edhe për gatishmërinë e  bashkëpunimit mes mësimdhënësve dhe studentëve .  Ai tha se bashkëpunimi i ndërsjellë është më se i domosdoshëm për promovimin e vlerave akademike dhe profesionale.
 



 

Vushtrri, 15 janar 2018 –  Drejtori i Përgjithshëm i Akademisë së Kosovës për Siguri Publike (AKSP) Ismail Smakiqi, priti sot në takim Kryetarin e Komunës së Vushtrrisë Xhafer Tahiri  i cili ishte i shoqëruar edhe nga nënkryetari Besim Muzaqi.  Qëllimi i vizitës së kryetarit Tahiri ishte që të njihet me për se afërmi me punën dhe aktivitetet që zhvillohen në Akademi.

Drejtori i Përgjithshëm i Akademisë së Kosovës për Siguri Publike, Ismail Smakiqi e falënderoi kryetarin Tahiri  për vizitën dhe njëherësh e vlerësoi këtë vizitë si shumë të rëndësishme.

Më këtë rast drejtori Smakiqi  njoftoi Kryetarin Tahiri për veprimtarinë e Akademisë  që nga themelimi e deri më sot.

Delegacioni i komunës së Vushtrrisë u njoftua edhe për zhvillimet e fundit në Akademi, siç janë trajnimet dhe aktivitetet tjera që kanë të bëjnë me fushën e sigurisë.

Drejtori Smakiqi foli edhe për bashkëpunimin ndërkombëtar që ka Akademia e Kosovës për Siguri Publike me shumë vende të Evropës.

“Akademia ka  bashkëpunim me institucione arsimore dhe të trajnimeve nga fushat e sigurisë publike, qofshin ato vendore apo ndërkombëtare, duke qenë anëtare në asociacione dhe organizata ndërkombëtare në fushën e arsimit në siguri publike”, u shpreh  Smakiqi.  Akademia pritet që brenda këtij viti të fitoi akreditim ndërkombëtarë,  konkretisht nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) nga Shtetet e Bashkuara të Amerikës.

Kurse kryetari i Komunës së Vushtrrisë  Xhafer Tahiri  duke u shprehur i kënaqur më vizitën e tij në Akademi, duke vlerësuar se Akademia është  një institucione mjaftë i rëndësishëm për vendin. 

“Qëllimi i vizitës është që të njihemi më për se afërmi dhe të diskutojmë për  mundësinë e bashkëpunimit mes Akademisë për Siguri Publike dhe  Komunës së Vushtrrisë”, tha Tahiri duke u shprehur i gatshëm që të ketë bashkëpunim të vazhdueshëm më Akademinë.

“Ju falënderojë për pritjen, jam me fat që udhëhoqi një komunë e cila ka një institucion kaq të rëndësishëm për vendin, siç është  Akademia e Kosovës për Siguri Publike”, u shpreh Tahiri.

Kryetari Tahiri vizitoi kampusin e Akademisë, kurse instruktorët e Akademisë i prezantuan delegacionit nga Komuna e Vushtrrisë Pajisjen e Simulimit me Armë të Zjarrit, donacion i ICITAP-it nga Shtetet e Bashkuara të Amerikës.
 

Vushtrri  10 janar 2018  – Studentët e Fakultetit të Sigurisë Publike  në bashkëpunim me zyrtarët e Akademisë së Kosovës për Siguri Publike sot në mënyrë vullnetare dhuruan gjak, aksion ky i organizuar nga Këshilli i Studentëve të këtij fakulteti  në bashkëpunim me Dekanin,  menaxhmentin dhe stafin shëndetësor të Akademisë .

Gjatë këtij aksioni një ditor të mbajtur në Akademinë janë dhuruar mbi 50  doza gjak, për nevojat  e qytetarëve që paraqiten në Qendrën Klinike Universitare të Kosovës (QKUK)

Ekipi mjekësor i Transfuzionit të Gjakut vizituan Akademinë për t’ju  mundësuar studentëve dhe zyrtarëve  që të dhurojnë gjak pa shkëputje nga detyrat dhe aktivitetet e punës.

 Personeli mjekësor thanë se thirrjes për dhënien e gjakut në mënyrë vullnetarë i janë përgjigjur një numër i madh i studentëve të Fakultetit të Sigurisë Publike, pjesëtarëve të agjencioneve të Sigurisë Publike si instruktorët  policor dhe zyrtarë tjerë të agjencioneve.

Drejtori i Përgjithshëm i Akademisë së Kosovës për Siguri Publike, Ismail Smakiqi gjatë vizitës së tij tek personeli mjekësor ku grumbullonin gjak u shpreh i kënaqur që Akademia është bërë një shembull i mirë për dhurimin e gjakut.

“Në Akademi dhurimi i gjakut në mënyrë vullnetare organizohet  po thuajse dy herë në vit. Dhurimi i gjakut është një sakrificë  dhe ndihmë e madhe për të gjithë ata qytetarë që kanë nevojë për gjak”, tha Smakiqi.

Të kënaqur me dhurimin e gjakun në Akademinë e Kosovë për Siguri Publike u shpreh edhe personeli mjekësor i Transfuzionit të Gjakut,

Ata thane se Akademia është model për institucionet tjera për dhurimin e gjakut në mënyrë vullnetare.

Thirrjes për dhurimin e gjakut iu ka përgjigjur edhe Dekani I Fakultetit të Sigurisë Publike Bejtush Gashi. Dekani Gashi u shpreh i kënaqur me gatishmërinë e studentëve për të dhuruar gjak në mënyrë vullnetare.

Vushtrri, 20 dhjetor 2017 – Në Akademinë e Kosovës për Siguri Publike  (AKSP)  sot u publiku raporti  hulumtues me temën  “Të kuptuarit e ndikimit të ambientit të burgut për të burgosurit meshkuj që punojnë në burgun e Dubravës dhe të burgosurat femra në burgun e Lipjanit” , i cili është bërë nga  Ferid Azemi  profesor  në Fakultetin e Sigurisë Publike  dhe Nebih Halili nga Shërbimi Korrektues i Kosovës. Qëllimi i hulumtimit ishte që të kuptohet jeta e të burgosurve në burgun e Dubravës dhe në burgun e Lipjanit.  

Në këtë prezantim morën pjesë Drejtori i Përgjithshëm i Akademisë së Kosovës për Siguri Publike Ismail Smakiqi, u.d. i Drejtorit të Përgjithshëm të Shërbimit Korrektues Sokol Zogaj, Drejtori i Përgjithshëm i  Policisë së Burgjeve të Shqipërisë  Nazmi Demirxhi, Dekani i Fakultetit të Sigurisë Publike Bejtush Gashi, përfaqësues nga Avokati i Popullit, Policia e  Kosovës, Inspektorati Policor i Kosovës, OSBE-së,  EULEX,  UNICEF, Këshilli për Mbrojtjen e të Drejtave dhe Lirive të Njeriut (KMDLNJ),  Qendra Kosovare për Studime të Sigurisë (QKSS) Qendra Kosovare për Rehabilitimin e të Mbijetuarve të Torturës (QKRMT) etj. 

Drejtori i Përgjithshëm i Akademisë së Kosovës për Siguri Publike Ismail Smakiqi duke i përshëndetur pjesëmarrësit vlerësoi se falë angazhimit dhe bashkëpunimit të ngushtë Akademia dhe Fakulteti i Sigurisë Publike është duke funksionuar në mënyrë më të mirë të mundshme. 

“Sot është një ditë e veçantë pasi që ka filluar përmbushja e fushës së hulumtimit, njëra nga përgjegjësitë e përcaktuara në ligjin e  Akademisë e cila përkufizohet në nenin 13, pika 1.3. ku thuhet se ‘Akademia funksionon si institucion kërkimor në sferën e sigurisë publike, por pa u kufizuar në hulumtime në fushën e zhvillimit të trajnimeve dhe arsimit të lartë për siguri publike’”, tha Smakiqi. 

Drejtori Smakiqi tha se Akademia  në bashkëpunim me agjencionet e sigurisë publike po përmbush përgjegjësitë në shkëmbimin e rregullave të informacioneve të tyre shkencore në fushën e  sigurisë duke mos u kufizuar vetëm në hulumtime, botime, revista periodike, kongrese, seminare dhe konferenca.

Duke përgëzuar profesorët e Fakultetit të Sigurisë Publike për këtë hulumtim drejtori Smakiqi tha se hulumtimet shkencore në fushën e sigurisë janë kusht i domosdoshëm për zhvillimin e qëndrueshëm të programeve studimore në Akademi duke filluar nga ato bazike profesionale  deri tek programet e  masterit dhe të doktorates që pritet të hapet se shpejti. 

“Hulumtimet do të na shërbejnë për përmirësimin e vazhdueshëm të shërbimeve të cilat i ofrojnë të punësuarit në institucionet e zbatimit të ligjit”, tha Smakiqi.

Po ashtu drejtori Smakiqi vlerësoi se me publikimin e këtij hulumtimi Akademia po ashtu po i afrohet momentit të funksionalizimit të “Institutit të Hulumtimit dhe Zhvillimit”, i cili është i paraparë me rregulloren për organizimin e brendshëm dhe sistematizimin e vendeve të punës të Akademisë së Kosovës për Siguri Publike. 

Ndërsa, Dekani i Fakultetit të Sigurisë Publike Bejtush Gashi para të pranishmëve  ka folur rreth funksionimit të Fakulteti e më pastaj edhe për rolin e Institutit për Hulumtim dhe Zhvillim. 

“Detyra dhe përgjegjësitë e Institutit për Hulumtim dhe Zhvillim janë; kryerja dhe menaxhimi i hulumtimit shkencor dhe mbështetja e personelit akademik në aktivitetet e tyre kërkimore, mbështetja e personelit akademik dhe studentëve lidhur me hulumtimet e metodologjinë e hulumtimit shkencor, udhëheqja e procesit të hartimit të planit zhvillimor të Akademisë dhe të mbështetur në njësitë e tjera në këtë proces, hartimi i projekt propozimeve dhe aplikimi për financim nga jashtë për projektet e hulumtimit dhe zhvillimit në fushën e sigurisë, bashkëpunimi me institucionet e tjera  të hulumtimit dhe zhvillimit të arsimit të lartë dhe agjencioneve të sigurisë publike”, tha Gashi duke shtuar se instituti ka për mision të nxjerrë rezultate shkencore të cilat krijojnë mundësinë e kuptimit më të mirë të çështjeve të sigurisë publike si dhe avancimin e debatit për siguri publike, shkencave shoqërore dhe humane. 

Dekani Gashi duke folur rreth punës dhe angazhimit të mësimdhënësve të Fakultetit të Sigurisë Publike vlerësoi se viti 2017 po përmbyllet me sukses.

“Në esencë veprimtaria kërkimore shkencore është aktivitet për zgjidhjen e problemeve teorike dhe praktike si dhe arritjen  deri të njohuritë e reja në lëminë  përkatëse. Pra hulumtimin mund ta përkufizojmë si proces për zgjidhjen e problemeve njohëse dhe praktike i cili ka faza të caktuara si faza përgatitore, dizajnimi, zhvillimi i instrumenteve realizimi i hulumtimit përpunimi dhe analiza e të dhënave etj”, tha Gashi  

Kurse u.d. i Drejtorit të Përgjithshëm të Shërbimit Korrektues Sokol Zogaj duke e vlerësuar pozitivisht këtë hulumtim tha se me hulumtime të  tilla duhet të vazhdohet tutje.  

“Ky është një kontribut edhe një nismë drejtë hulumtimit ku është mirë që edhe të tjerët të vazhdojnë. Unë  konsideroj që është një punim i mirë edhe pse mendoj që në të ardhmen  do të ketë punime edhe mëe të mira edhe  me përmbajtësore”, tha Zogaj 

Ndërkaq, Kryetari i Këshillit për Mbrojtjen e të Drejtave dhe Lirive të Njeriut,  Behxhet Shala i përgëzojë mësimdhënësit për përpjekjet  tyre për ta bërë një hulumtim të tillë ndërkohë që dha vërejtje që sipas tij hulumtimi nuk është i kompletuar.  “Unë iu uroj për përpjekjet e juaja për ta bërë një hulumtim, ky hulumtim ka nevojë ende të punohet dhe  të kompletohet”, u shpreh Shala.  

Hulumtimin e vlerësoi edhe Drejtori i Përgjithshëm i  Policisë së Burgjeve të Shqipërisë  Nazmi Demirxhi. Demirxhi duke dhënë komente rreth përmbajtjes së hulumtimit  përgëzoi  Fakultetin e Sigurisë Publike dhe profesorët  për këtë hulumtim. 

Rreth raportit hulumtues për jetën e të burgosurve në burgjet e Kosovës  komente dhanë edhe përfaqësuesit e organizatave joqeveritare Vesë Kelmendi nga Qendra Kosovare për Studime të Sigurisë dhe Alban Muriqi nga Qendra Kosovare për Rehabilitimin e të Mbijetuarve të Torturës (QKRMT). 

Vlerësime dhe kontribut në prezantimin e këtij hulumtimi dhanë edhe studentet e Fakultetit të Sigurisë Publike.

Sipas rekomandimeve të dhëna në hulumtim  thuhet se  implementimi dhe investimi i programeve rehabilituese(psikoterapi, terapi  grupore etj), funksionimi i një grupi të trajnuar për klasifikimin e duhur për personat e pranuar në burgun e Dubrovës, ofrimi adekuat apo i veçantë shëndetësor për kategoritë e veçanta  te të burgosurve, adresimi i çështjes se ekzistimit të subkulturve në Qendrën Korrektuese të Lipjanit, trajnimi i vazhdueshëm në ngritjen profesionale dhe etikës profesionale të stafit korrektues, angazhimi shtesë i zyrtarëve të duhur socialë të cilët punojnë seriozisht me të burgosur dhe investim në vetëdijësimin e të burgosurve dhe ofrimi i mundësive për të burgosurit në jetën post penale.