Lajmet

Vushtrri,  17  korrik 2022 – Në Akademinë e Kosovës për Siguri Publike u mbajtën lojërat para sportive  Kosova 2022  për persona më aftësi të kufizuara, ku për dy ditë radhazi pjesëmarrësit do të garojnë në lojëra të ndryshme si ajo, hendboll, basketboll, pikado, futboll, shah, pingpong, vrapim me karrocë, shenjëtari etj. 

Mirëpo tash e tutje këta garuesit  nuk do të marrin pjesë në gara sportive vetëm brenda Kosovës, por edhe jashtë saj, pasi që tashmë Kosova  është anëtare  fuqiplotë e Komitetit Paralimpik Ndërkombëtar. 

Për herë të parë Kosova do të jetë pjesë e Lojërave Paralimpike Paris 2024  dhe  pjesë e çdo aktiviteti tjetër evropian e botëror që organizohet nën patronatin e këtij komiteti.  

Në ceremoninë e hapjes së këtyre lojërave mori pjesë Kryeministri i Republikës së Kosovës Albin Kurti.  Kryeministri Kurti në fillim të fjalimit të tij uroj të gjithëve për  pranimin e Kosovës në Komitetin Paralimpik Ndërkombëtar.   

“Nuk ka pasur vend më të mirë për këtë lajm të jashtëzakonshëm, por gjithashtu nuk ka pasur lajm më të mirë për këtë ngjarje e cila na bënë të gjithë neve krenarë. Pra aktiviteti i juaj vjetor që tregon gjallërinë dhe energjinë tuaj, talentin dhe konfirmon suksese që ua kemi lakmi të gjithë ne”, tha  kryeministri Kurti .  

Kryeministri Kurti tha se sportistët me aftësi të kufizuara të Kosovës, tash kanë mundësinë për të ëndërruar medaljen paralimpike, pasi që Kosova u bë anëtare fuqiplotë e Komitetit Paralimpik Ndërkombëtar. Ai tha se sportistët me aftësi të kufizuara janë pra konfirmim i gjallë që e pamundshmja bëhet e mundur. 

“Në vitin 2024, siç e tha edhe presidentja Njomza Emini, do ta shënojmë pjesëmarrjen e parë të Kosovës në lojërat paralimpike. E përgëzoj Komitetin Paralimpik të Kosovës për angazhimin e tyre drejt realizimit të këtij qëllimi madhor e të përbashkët”, tha  kryeministri Kurti.  

Kryeministri Kurti tha se ky sukses përveçse mundëson përfaqësimin e Kosovës në arenën ndërkombëtare, më e rëndësishmja është që ka hapur dyert e shumta për mundësi të panumërta për zhvillimin e sportit për personat me aftësi të kufizuara përbrenda vendin tonë. 

Duke i ftuar  garuesit që të festojnë të arriturat e tyre, kryeministri Kurti kujtoje se me tre dhjetor të vitit të kaluar, në ditën ndërkombëtare për të drejtat e personave me aftësi të kufizuara, viti 2022, u shpall – vit i personave me aftësi të kufizuara.  “Ndonëse puna për të siguruar garantimin dhe mbrojtjen e të drejtave të personave me aftësi të kufizuara është angazhim i yni i përhershëm, vitin 2022 e shpallëm vit të personave me aftësi të kufizuara, me qëllim që së bashku të punojmë më shumë dhe më mirë për siguruar gjithë përfshirje dhe mundësi për secilin”, u shpreh Kurti duke thënë se sporti është platforma më e mirë përmes së cilës festohet diversiteti dhe përqafohen dallimet.  

Kurse Njomza Emini, Presidente e Komitetit Paralimpik të Kosovës,  duke  bërë hapjen e ceremonisë më lajmin që Kosova tashmë është anëtare fuqiplotë në Komitetin Paralimpik Ndërkombëtarë  i përshëndeti të gjithë pjesëmarrësit duke iu uruar gara të suksesshme. Emini tha se Komiteti Paralimpik i Kosovës do të punojë  në vazhdimësi në përkrahje të personave më aftësi të kufizuar.  

Po ashtu  garuesve iu dëshiroj suksese edhe  ambasador i EULEX-it në Kosovë  Lars-Gunnar Wigemark.  

Të pranishmit i përshëndeti  edhe  Ambasador i Organizatës për  Siguri dhe Bashkëpunim në Evropë më mision në Kosovë  Michael Davenport. 

“Ditë e shkëlqyer për sportin Paralimpik në Kosovë . OSBE është e kënaqur të mbështesë lojërat para sportive   dhe të festojë arritjet e mahnitshme të atletëve. Urime Komitetit Paralimpik për ngjarjet frymëzuese dhe gjithëpërfshirëse në Akademinë e Sigurisë Publike të Kosovës”, tha ambasadori Davenport.  

Gjithashtu të pranishëm në këtë hapje ishin edhe  ambasadorja e Francës në Kosovë  Marie Christine-Bute,  ambasadorja e Kroacisë në Kosovë Danijela Barishi, ministri i Kulturës, Rinisë dhe Sportit. Hajrulla Ceku, të cilët uran para sportistët për anëtarësimin e Kosovës në Komitetin Parlimpik Ndërkombëtarë  dhe në të njëjtën kohë iu dëshiruan suksese pjesëmarrësve në garat e tyre.   

Edhe  zëvendësministri i Punëve të Brendshme Bardhyl  Dobra  iu dëshiroj suksese garuesve në lojërat para sportive në Kosova 2022.  

 “Ju jeni ata që me aftësitë dhe përkushtimin tuaj keni arritur që të ngritni nivelin e përfaqësimit shtetëror në sportet paralimpike duke na mundësuar në nivel shtetëror të marrim vendin e merituar në ndërkombëtarë”, u shpreh Dobra.  

Në hapjen e lojërave paralimpike Kosova 2022 ishte edhe zëvendësuesi i Drejtorit të Përgjithshëm të Akademisë së Kosovë për Siguri Publike Kastriot Jashari dhe përfaqësues  të personave me aftësi të kufizuara si  dhe sportdashës.

Ndryshe këto lojëra para sportive Kosova 2022 që u mbajtën dy ditë radhazi  janë  organizuara nga Komiteti Paralimpik i Kosovës i mbështetur nga Qeveria e Kosovës, Organizata për Siguri dhe Bashkëpunim në Evropë, Akademia e Kosovës për Siguri Publike, EULEX, KFOR-I Ambasada e Francës në Kosovë, etj.

Vushtrri, 12 korrik 2022  - Në Akademinë e Kosovës për Siguri Publike sot fillojë trajnimin programi profesional  “Polic i Ri”,  gjenerata e 57 e kadetëve të Policisë së Kosovës. 

Kadetë  do të trajnohen sipas plan programit të dizajnuar  në bazë të standardëve ndërkombëtare  për të drejtat e njeriut dhe sundim të ligjit. 

Trajnimi i cili do të zgjatë deri më 17 shkurt 2023  do ta vijojnë  448 kadet të Policisë së Kosovës. 

Vushtrri,  05 korrik 2022 – Në Akademinë e Kosovës për Siguri Publike  u mbajt një takim informues se si të rinjtë nga komuniteti rom, ashkali dhe egjiptian të inkuadrohen në institucionet e sigurisë publike në Kosovë, konkretisht në Policinë e Kosovës. Kjo vizitë u organizuar nga Organizata për Siguri dhe Bashkëpunim në Evropë më mision në Kosovë.   

Në këtë takim informues morën pjesë afër tridhjetë nxënës nga komuniteti rom, ashkali dhe egjiptianë.  

Për procedurat e rekrutimit se si  bëhen  pjesë e Policisë së Kosovës të rinjtë nga komunitetet në fjalë i informoj majori i Policisë së Kosovës Faik Krasniqi. Gjatë këtij takimi majori Krasniqi i inkurajoi nxënësit nga komunitetet jo shumicë që të vazhdojnë shkollimin e tyre. 

Në  takim mori pjesë edhe zëvendësuesi i Drejtorit të Përgjithshëm të Akademisë së Kosovës për Siguri Publike  Kastriot Jashari. Ai më këtë rast falënderoi misionin e OSBE-së në Kosovë për mbështetjen në zhvillimin e Akademisë që nga themelimi i saj e deri më sot.  “OSBE ka qenë partner i përhershëm i Akademisë që nga themelimi i saj. Pa bashkëpunimin me institucionet ndërkombëtare dhe vendore Akademia nuk do të ishte këtu ku është sot”, tha Jashari.

Jashari  u shprehur i  gatshëm për vazhdimin e bashkëpunimit me OSBE-në në fushën e sundimit të ligjit, fuqizimin e rinisë në sektorin e sigurisë. 

Ndërsa udhëheqësi i Organizatës për Siguri dhe Bashkëpunim në Evropë më mision në Kosovë ambasadori Michael Davenport falënderojë menaxhmentin e Akademisë së Kosovës për Siguri Publike dhe Policinë e Kosovës  për marrjen e kësaj iniciative të përbashkët  dhe të rëndësishme. Davenport, shprehi gatishmërinë e OSBE-së për të vazhduar mbështetjen e përfshirjes dhe përfaqësimit të balancuar të komuniteteve dhe gjinive në institucionet e sigurisë. 

Ambasadori Michael Davenport dhe zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari ju dhanë  mirënjohje nxënësve  dhe i inkurajuan që të marrin në konsideratë rrugët e karrierës në polici. 

Të rinjtë nga komunitetet rom, ashkali dhe egjiptian të Kosovës  të cilët ishin të shoqëruar nga  Sophie Guesne drejtoreshë e Qendrës Rajonale të OSBE-së në Mitrovicë,  Aleksandra Jovanoviq  zyrtare e lartë për komunitete dhe  Maja Lehner zyrtare për të drejtat e njeriut vizituan kampusin e Akademisë së Kosovës për Siguri Publike si dhe hapësirën e ekspozimit të uniformave dhe pajisjeve tjera të institucioneve të sigurisë publike, donacion nga misioni i OSBE-së.  

Vushtrri, 05 korrik 2022 –Akademinë e Kosovës për Siguri Publike e vizitoi sot një delegacion i Gardës Kombëtare nga IOWA  e Shteteve të Bashkuara të Amerikës ku u takuan më zëvendësuesin e Drejtorit të Përgjithshëm të Akademisë Kastriot Jasharin. 

Delegacioni ishte i kryesuar nga Kirk Westvold asistent i shefit të policisë të qytetit Norwalk  të IOWA –së. 

Qëllimi i vizitës ishte vazhdimi i bashkëpunimit mes Akademisë së Kosovës për Siguri Publike dhe shteti të IOWA.

Zëvendësuesi i Drejtorit të Përgjithshëm të Akademisë Kastriot Jashari duke iu dëshiruar mirëseardhje delegacionit i informoi për zhvillimet në Akademinë e Kosovës për Siguri Publike.

Gjatë këtij takimi  Jashari foli për trajnimet që mbahen në akademi  ku marrin pjesë të gjithë zbatuesit e ligjit, për projektet që ka realizuar Akademia  të cilat kanë të bëjë më fushën e sigurisë publike. 

Po ashtu delegacioni u informua edhe për bashkëpunimin ndërkombëtar që ka Akademia me vende të ndryshme evropiane dhe me gjerë në theks të veçantë më SHBA-në 

Ndërsa delegacioni nga IOWA-së  nga Shtetet e Bashkuara të Amerikës (SHBA),  u interesuan rreth procesit të trajnimeve qe mbahen në Akademi. 

Delegacioni në fjalë u shprehen të hapur që bashkëpunimi me Akademinë në fushën e trajnimeve për zbatuesit e ligjit të vazhdojë edhe me tutje. 

Vushtrri, 01 korrik 2022 – Në Akademinë e  Kosovës për Siguri Publike (AKSP) sot u mbajt  takimi i radhës i bordit  ku u diskutuan  rreth zhvillimeve të fundit në Akademi. 

Gjatë takimit anëtaret e bordit u  njoftuan për fillimin e trajnimeve profesional të kadetëve të rinj të Policisë dhe Kosovës dhe të Shërbimit Korrektues të Kosovës (SHKK). 

Në vazhdim  të takimit anëtarët e bordit kanë diskutuar për përcaktimin e kuotave për institucionet e sigurisë publike në studimet themelore bachelor për vitin akademik 2022/23 në Fakultetin e Sigurisë Publike në Akademi.

Zëvendësuesi i Drejtori të Përgjithshëm të Akademisë Kastriot Jashari i  njoftoi anëtaret  e bordit rreth ecurisë së punës si dhe për  trajnimet dhe aktivitetet që janë duke u mbajtur në Akademi.  

Jashari tha së Akademia e Kosovës për Siguri Publike i ka bërë të gjitha përgatitjet për fillimin e trajnimit të gjeneratës së re të Policisë së Kosovës dhe atë të Shërbimit Korrektues të Kosovës që tashmë ja ka filluar.

Pikë e rendit të ditës ishte edhe  njoftimi për dinamikën e punës dhe aktiviteteve të grupit punës për hartimin e dokumenteve përkatëse për hapjen e programit master në sigurinë publike në Fakultetin e Sigurisë Publike. 

Tutje anëtaret e bordit përveç tjerash u njoftuan edhe për ecurinë e ri akreditimit të Akademisë nga institucionet vendore dhe ndërkombëtare. 

Në këtë takim morën pjesë zëvendësuesi i  Drejtorit të Përgjithshëm të Akademisë së Kosovës për Siguri Publike Kastriot Jashari, Dekani i Fakultetit të Sigurisë Bejtush Gashi, Drejtori i Përgjithshëm i Policisë së Kosovës Samedin Mehmeti njëherit edhe kryesues i bordit, ushtruesi i Detyrës së Kryeprokurorit të Shtetit Besim Kelmendi, Drejtori i Përgjithshëm  i Agjencisë për Menaxhimin Emergjent Fadil Kodra, zëvendësuesi i Drejtorit të Përgjithshëm të Shërbimit Korrektues të Kosovës Sami Gashi, zëvendësuesi i Drejtorit të Përgjithshëm të Shërbimit Sporvues të Kosovës Arsim Tahiri, udhëheqësi i Departamentit për Menaxhimin e Ankesave në Inspektoratin Policor të Kosovës Bajram Fetahu, udhëheqës i Departamentit në Drejtorinë e Zbatimit të Ligjit në Doganën e Kosovës Driton Azemi, drejtori i Departamentit për Rend dhe Siguri Publike në misionin e OSBE-së në Kosovë Edward Anderson si dhe zyrtarë të lartë të Akademisë. 

Vushtrri, 24 qershor 2022 – Në Akademinë e Kosovës për Siguri Publike sot diplomuan pesëdhjetë e një studentë të gjeneratës së pestë të Fakultetit të Sigurisë Publike. Gjatë ceremonisë së diplomimit u vlerësua se edukimi dhe trajnimi i pjesëtarëve të sigurisë publike luan një rol të rëndësishëm në sigurinë e qytetarëve dhe të vendit.  

Të diplomuarit janë zyrtarë nga të gjitha agjencionet e sigurisë publike, nga Policia e Kosovës, Shërbimi Korrektues i Kosovës, Shërbimi Sprovues i Kosovës, Dogana e Kosovës, Agjencioni i Menaxhimit Emergjent dhe Inspektorati Policor i Kosovës. 

Ministri i Punëve  të Brendshme Xhelal Sveçla i uroj të diplomuarit për suksesin e arritur.  “Jam i nderuar që jam para jush në një rast ku ju po hapni një kapitull të ri për ju,  por edhe për shtetin tonë. Ceremonia e përfundimit  të angazhimit tuaj për  ngritjen tuaj  akademike në fakt është vetëm fillimi i ngritjes suaj, tashmë në një nivel shumë më të lartë”, u shpreh Sveçla duke thënë se siguri e vendit tonë shpesh është cenuar nga faktorët e ndryshëm duke vlerësuar kështu si shumë të domosdoshme ngritjen e kapaciteteve në menaxhimin e çfarë do lloj situate. 

Ministri Sveçla tha se gjenerata e sapo diplomuar diturinë e fituar gjatë studimeve në Fakultetin e Sigurisë Publike do ta përdorin për të rritur vigjilencën në sigurinë e vendit.  \"Tash e katër muaj është duke ndodhur një luftë jo vetëm e padrejtë, por edhe e pabarabartë një agresion edhe  i pajustifikuar i Rusisë ndaj Ukrainës. Ky është rast ku ne si akterë të sigurisë ballafaqohemi me situata të reja, për ne edhe jo të panjohura, është edhe një dëshmi që ne duhet të jemi vigjilente dhe të përgatitur për çdo situatë të mundshme. Lufta e Rusisë ndaj Ukrainës patjetër që ka ndikuar në sigurinë tonë duke marrë parasysh që Serbia është pozicionuar përkrah agresorit  dhe në vazhdimësi ka bërë përpjekje për destabilizimin e vendit tonë”,  u shpreh ministri Sveçla duke thënë se ofrimi i sigurisë për të gjithë qytetarët  pa dallime është mision i përbashkët i të gjitha agjencioneve të sigurisë publike. 

Zëvendësuesi i Drejtori të Përgjithshëm i Akademisë së Kosovës për Siguri Publike Kastriot Jashari tha se synimi i vetëm i Akademisë është që tu ofroj trajnime dhe arsimim në nivelin më të lartë për të gjithë zyrtarët e sigurisë publike. 

“Ju uroj mirëseardhje në këtë tempull të dijes, në Akademinë e Kosovës për Siguri Publike. Institucioni në të cilin gjendeni ju sot, është udhëhequr gjithmonë nga një vizion i qartë për avancimin e vazhdueshëm të nivelit të arsimit në fushën e sigurisë publike, përkatësisht të zbatimit të ligjit”, u shpreh  Jashari duke thënë se zyrtaret e sigurisë  publike që kanë dalë nga Akademia kanë qenë të gatshëm për t’u ballafaquar me sfida dhe dinamika të paparashikueshme gjithnjë në funksion të një ambient të qetë dhe të sigurt për të gjithë qytetarët e Republikës së Kosovës, pa dallim etnie, religjioni, regjioni, moshe apo gjinie.  “Akademia është institucion me kredibilitet dhe identitet të qartë i krahasueshëm ndërkombëtarisht në cilësinë e dijes akademike dhe i konfirmuar me Çmimin e Ekselencës nga Shtetet e Bashkuara të Amerikës”, tha Jashari.

Edhe, ministrja e Drejtësisë Albulena Haxhiu gjatë fjalimit të saj u shpreh e lumtur që të sapo diplomuarit pavarësisht sfidave kanë arritur sukses. Më këtë rast Haxhiu tha se do të krijojnë kushte edhe më të mira  për çdo zyrtarë  në institucionet e sigurisë. 

\"Jam e lumtur që shtetit tonë po i shtohen gjenerata të reja, me qëllim të kontributit dhe angazhimit në ruajtjen e rendit dhe sigurisë, por edhe sundimit të ligjit, sidomos në një situatë tejet të vështire për të cilën foli edhe ministri Xhelal Sveçla. Të gjithë bashkë jemi zotuar se do të rrisim kapacitetet tona në siguri, por edhe në drejtësi, dhe duhet të angazhohemi për kushte më të mira të punës brenda institucioneve tona duke qenë të bindur që vetëm në këtë mënyrë do të arrimë të krijojmë ambient dhe kushte të punës që i motivojnë zyrtarët tanë”, u shpreh Haxhiu duke thënë se Shërbimi Korrektues i Kosovës ka një partneritet dhe bashkëpunim të shkëlqyeshëm me Akademinë e Kosovës për Siguri Publike. 

Kurse Drejtori i Përgjithshëm i Policisë së Kosovës Samedin Mehmeti  tha se çdo zyrtarë i sigurisë publike kanë rol kyç në avancimin e institucioneve të sigurisë. Drejtori Mehmeti tha se zhvillimi dhe avancimi i kuadrove të sigurisë në Institucionet e zbatimit të ligjit ndikon në ndërtimin e Institucioneve kredibile.

“Edukimi dhe trajnimi kanë rol të rëndësishëm, sidomos me formësimin në kuadër profesional në mënyrë që të kemi zhvillim institucional, ashtu siç e përmendi edhe ministri Sveçla jemi para sfidave të mëdha të sigurisë globale, sigurisë rajonale që natyrisht kanë influencë në vendin tonë”,  tha Mehmeti.

Dekani i Fakultetit  për Siguri Publike Bejtush Gashi tha se studentët e sapo diplomuar janë promotor i avancimit  dhe zhvillimit të sigurisë publike në Republikën e Kosovës. Dekani Gashi foli edhe për proceset që ka kaluar dhe është duke kaluar Fakulteti i Sigurisë Publike. Gashi  tha se FSP është edhe në proces të hapjes së programit master në fushën e sigurisë publike. 

“Synimet tona shkojnë më teje, duke dëshiruar inkuadrimin e të gjithë institucioneve tjera të sigurisë, ne kemi arritur dhe të shquhemi për sukseset prandaj do të vazhdojmë të punojmë për një ambient edhe më mirë si për profesorët ashtu edhe për studentët”, tha Gashi.  Në fund dekani i uroj studentët për diplomimin e tyre dhe sukses në punën.

Ndryshe gjatë ceremonisë u ndanë certifikatë për dy studentë të dalluar. Në emër të studentëve foli Qëndresë Ramadani e cila u shpallë edhe studentë e dalluar, tha gjatë periudhës katër vjeçare kanë përfituar dhe janë ngritë profesionalisht. “Kemi punuar shumë që të japim më të mirë nga vetja për t’i shërbyer të gjithë qytetarëve të vendit”, tha Ramadani. 

Në fund të ceremonisë janë ndarë çertifikatat për të gjithë të diplomuarit e nivelit bachelor.  

Në ceremoninë e diplomimit morën pjese edhe zëvendësuesi i Drejtorit të Përgjithshëm të Shërbimit  Korrektues të Kosovës Sami Gashi, zëvendësuesi i Drejtorit të Përgjithshëm të Shërbimit Sprovues të Kosovës Arsim Tahiri, zëvendësdrejtori i Përgjithshëm i Agjencisë së Menaxhimit Emergjent Shefki Abdullahu, drejtori i Departamentit në Doganat e Kosovës Bashkim Arifi, udhëheqësi i Departamentit në Inspektorati Policor të Kosovës Bajram Fetahu, drejtori i Drejtorisë për Mbrojtje dhe Shpëtim në Komunën e Vushtrrisë Maliq Ferizi, drejtori i Departamentit për Rend dhe Siguri Publike në misionin e OSBE-së në Kosovë Edward Anderson, këshilltari i lartë për Policinë e Kosovës në ICITAP Timot përfaqësues nga zyra e Bashkimit Evropian në Kosovë si dhe zyrtarë të lartë të Akademisë.

Vushtrri, 08 qershor 2022 – Zëvendësuesi i Drejtorit të Përgjithshëm në Akademinë e Kosovës për Siguri Publike Kastriot Jashari, priti sot në takim një delegacion të trajnerëve të rijnë nga Organizata për Siguri dhe Bashkëpunim në Evropë (OSBE) më mision në Kosovë. Qëllimi i vizitës  ishte që të njoftohen për së afërmi rreth  zhvillimeve  në Akademi dhe shkëmbimin e  përvojave mes tyre dhe instruktorëve të Policisë së Kosovës. 

Delegacioni ishte i kryesuar nga Sabrina Salis ushtruese e Detyrës së Shefit në Seksionin e Pronës, Trashëgimisë Kulturore dhe Dialogut Ndërfetar. 

Zëvendësuesi i Drejtorit të Përgjithshëm në Akademi Kastriot Jashari,  duke e vlerësuar lart ketë vizitë e  informoi delegacionin për  proceset e rëndësishme të cilat ka kaluar Akademia që nga themelimi e deri me tani. 

Duke folur për historikun e Akademisë drejtori Jashari e falënderoj Organizaten për Siguri dhe Bashkëpunim në Evropë (OSBE) që ka  përkrahur Akademinë në zhvillimin e saj që nga themelimi e deri më sot. Ai tha se OSBE ka ndihmuar dhe po vazhdon ta ndihmojë Akademinë duke ofruar trajnime e po ashtu duke dhuruar edhe donacione të shumta.  

“OSBE është partnere e Akademisë që nga themelimi. Pa bashkëpunimin me institucionet ndërkombëtare dhe vendore Akademia nuk do të ishte këtu ku është sot”, tha Jashari duke shprehur i gatshem për vazhdimin dhe zgjerimim e bashkëpunimit me qëllim të bartjes së përvojave dhe eksperiencave në fushën e rendit dhe sigurisë.

Ndërsa, Sabrina Salis, ushtruese e Detyrës së Shefit në Seksioni e  Pronës, Trashëgimisë Kulturore dhe Dialogut Ndërfetar  në misionin e  OSBE-së në Kosovë  shprehi falënderimin e saj për pritje. Gjatë takimit Salis vlerësoj lartë punën në Akademi. Duke bërë një prezantim rreth trajnerëve të rinj të cilët i shoqëronte, Salis tha se disa prej tyre kanë përvojë në barazi gjinore, disa kanë themeluar OJQ-të e tyre dhe janë aktivë në shoqërinë civile etj. Salis tha se në vitin  2022 kanë vendosur që të bëjë një grup të rinjsh që të implementojnë projekte për të drejtat e njeriut. “ Besojmë fuqimisht që të rinjtë e Kosovës janë forca e të drejtave të njeriut”, tha Salis.

Shef i seksionit të trajnimeve të specializuara të Policidë së Kosovës në Akademinë e Kosovës për Siguri Publike, major Rrahim Fazliu gjatë takimit foli për trajnimet e përgjithshme të Policisë së Kosovës, për trajnimet bazike, të avancuara dhe të specializuara.  Po ashtu Fazliu gjatë takimit i njoftoi delegacionin rreth  procedurave  të rekrutimit për kadetë të rinj të Policisë së Kosovës. 

Kurse, instruktori i Policisë së Kosovës në Akademi rreshter Rushdi Hoxha e njoftoj delegacionin e OSBE-së  për trajnimet që  mbahen për punën policore në komunitet.

Ndërkaq, drejtori i Departamentit për Siguri dhe Rend Publik në misionin e OSBE-së në Kosovë Edward Anderson, fillimisht e uroj Akademinë e Kosovës për Siguri Publike për marrjen e “Çmimit të Ekselencës” nga   International Association of Directors of Law Enforcement Standardsand Training (IADLEST) në Shtetet e Bashkuara të Amerikës. Anderson gjatë takimit ka folur për rolin e Departamentit për Siguri dhe Rend Publik në OSBE dhe kontributin për paqe dhe sigurinë publike. 

Gjithashtu në takimi  u diskutua për rëndësinë dhe kontributin e të rinjve për paqen dhe sigurinë në vend. Në fund delegacioni bëri një vizitë kampusit të Akademisë së Kosovës për Siguri Publike 

Vushtrri, 01 qershor 2022 –  Më rastin e Ditës Ndërkombëtare të Fëmijëve, Akademia e Kosovës për Siguri Publike (AKSP) sot ka hapur  dyert në pritje të fëmijëve për vizitë.

Për nder të kësaj feste, nxënësit e  Shkollës Fillore “Xhemajl Mustafa” në Prishtinë, vizituan Akademinë e Kosovës për Siguri Publike ku u prit nga stafi i Akademisë, nga instruktorët e Policisë së Kosovës si dhe nga këshilltarja  e Organizatës për Siguri dhe Bashkëpunim në Evropë (OSBE),  në Akademi Shpresa Muharremi.

Duke iu dëshiruar mirëseardhje nxënësve dhe duke i uruar Ditën Ndërkombëtare të Fëmijëve, instruktorët para nxënësve demonstruar disa taktika se si të mbrohen fëmijët nga rreziqet siç janë ato natyrore, teknologjike dhe ato nga faktori njeri.

Fëmijët vizituan hapësirat e Akademisë së Kosovës për Siguri Publike, vizituan klasat ku zhvillohen trajnimet për pjesëtarët e sigurisë publike, sallat e sportit, poligonet, ambientet e logjistikes, dhomën e webinarëve dhe sallën e ekspozitës së uniformave të institucioneve të sigurisë publike në Kosovë etj.

Nxënësit shprehën emocionet e tyre përmes pyetjeve të ndryshme,  shprehën interesimin e tyre rreth aktiviteteve dhe trajnimeve që mbahen në Akademi, njëkohësisht shfaqen dëshirën e tyre që kur të rriten  të bëhen pjesë e institucioneve të sigurisë publike.

Qëllimi i këtij aktiviteti ishte që fëmijët të mësojnë për se afërmi se ku trajnohen pjesëtarët e sigurisë publike, siç janë Policia e Kosovës, Dogana e Kosovës, Shërbimi Korrektues i Kosovës, Agjencia e Menaxhimit Emergjentë (zjarrfikësit) Shërbimi Sprovues i Kosovës etj.  

Vushtrri, 26 maj 2022 –  Zëvendësuesi i Drejtorit të Përgjithshëm të Akademisë së Kosovës për Siguri Publike (AKS) Kastriot Jashari  priti sot në takim Richard J Cherwinski  këshilltarë i lartë  nga  Byroja Ndërkombëtare e Narkotikëve dhe Çështjeve të Zbatimit të Ligjit (INL) dhe këshilltaren e programit për Shërbimin Korrektues Pamela Wallace ku u diskutua lidhur me vazhdimin e bashkëpunimit mes Akademisë, ICITAP-it dhe INL-it. 

Zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari, e njoftoi delegacion për punën, sfidat dhe të arriturat e  Akademisë, 

Jashari e falënderoi delegacionin për mbështetjen e vazhdueshme që ambasada  e SHBA-së në Kosovë po jap Akademisë  në ngritjen profesionale të pjesëtarëve të sigurisë, për bashkëpunimin e shkëlqyeshëm, si dhe për gatishmërinë e tyre për t'i ofruar ndihmë Akademisë edhe në të ardhmen.

Delegacioni nga Byro për Çështje Ndërkombëtare të Narkotikëve dhe Zbatim të Ligjit dhe e inkurajuan  zv/drejtorin Jashari për të arriturat. Edhe delegacioni shprehi gatishmërinë e tyre për bashkëpunim dhe përkrahje edhe në të ardhmen.

Ndryshe programi ICITAP dhe INL përmes donacioneve dhe trajnimeve të ndryshme ka mbështetur dhe po vazhdojnë ta mbështes zhvillimin e Akademisë së Kosovës  për Siguri Publike. 

Vushtrri, 25 maj 2022 – Fakulteti i Sigurisë Publike në Akademinë e Kosovës për Siguri Publike,  misionï i të cilit  është “Përmirësimi i arsimit në sektorët e sigurisë dhe rendit publik”, ka për qëllim edhe përfshirjen e studentëve në proceset e sigurimit të cilësisë. 

Prandaj bazuar në manualin “Rritja e pjesëmarrjes së studentëve në proceset e brendshme dhe të jashtme të sigurimit të cilësisë në Kosovë”, të financuar nga ambasada e Shteteve të Bashkuara të Amerikës  në Kosovë, Agjencia e Kosovës për Akreditim ka adresuar materiale promovuese të cilat kanë për qëllim rritjen e vetëdijesimit të studentëve për rolin e rëndësishëm që ata kanë në sistemin e arsimit të lartë në Kosovë. 

Materialin mund ta gjeni këtu: Materiali Promovues

Vushtrri, 24 maj 2022 – Akademinë e Kosovës për Siguri Publike (AKSP), sot e vizitoi një delegacion nga Akademi e Shkencave të Sigurisë në Estoni i kryesuar nga Kadri Ann Salla zëvendësdrejtoreshë në Kolegjin e Policisë dhe Policisë Kufitare ku u takuan më zëvendësuesin e Drejtorit të Përgjithshëm të Akademisë Kastriot Jashari dhe menaxhmetin e lartë. 

Qëllimi i vizitës ishte që të njihen më për së afërmi më  misionin, vizionin dhe zhvillimet në Akademi. 

Zëvendësuesi i Drejtorit të Përgjithshëm të Akademisë Kastriot Jashari, duke iu dëshiruar mirëseardhje  delegacionit, i falënderoi për vizitën e bërë në Akademi. 

Jashari e njoftoi delegacionin për zhvillimet në Akademi, për funksionimin e Fakultetit të Sigurisë Publike, për projektet e  realizuar si dhe për sfida në për të cilat ka kaluar AKSP. 

Po ashtu gjatë takimi zv/Drejtori i Përgjithshëm Kastriot Jashari e njoftoi delegacionin edhe rreth bashkëpunimit që ka Akademia më Akademinë e Sigurisë në Estonin në fushën e trajnimeve për pjesëtarët e  sigurisë publike.

Duke folur rreth bashkëpunimit ndërkombëtarë Jashari tha se shkëmbimi i përvojave mes akademive në fushën e sigurisë publike  është i mirëseardhur.

Jashari u shpreh i gatshëm që bashkëpunimi mes Akademisë së Kosovës për Siguri Publike dhe Akademisë e Shkencave të Sigurisë në Estoni të vazhdojë edhe me tutje. 

Delegacioni u njoftua edhe për metodat e arsimit dhe kurrikulave në fushën e policisë, zhvillimin e kurrikulave, mundësitë e shfrytëzimit të platformës e-learning (mësimit në distancë), organizimin e pjesës praktike rreth sistemit të vlerësimit/informatave kthyese dhe sigurimin e cilësisë etj. 

Ndërsa delegacionin nga   Akademia e Shkencave të Sigurisë në Estoni  u interesuan rreth metodave që ka Akademia për trajnimin dhe arsimimin e pjesëtarëve të sigurisë, sfidave në për të cilat ka kaluar AKSP. 

Fort Worth , Texas  18 maj 2022 – Zëvendësuesi i Drejtorit të Përgjithshëm i Akademisë së Kosovës për Siguri Publike Kastriot Jashari dhe Drejtori i Departamentit për Planifikim Strategjik dhe Çështje Ligjore Shpend Shabani kanë marrë pjesë në konferencën  vjetore të organizuar nga  International Association of Directors of Law Enforcement Standardsand Training (IADLEST) në Shtetet e Bashkuara të Amerikës. Gjatë kësaj konferencë Akademia pranoi certifikatën e ri akreditimit me çmimin e ekselencës, ky çmim u dha nga  Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (IADLEST). 

Në konferencën po marrin pjesë Drejtoresha e Departamentit të Burimeve Njerëzore  në Policinë e Kosovës Taibe Canolli - Brajshori si dhe zyrtarja e programit ICITAP në  Kosovë Remzije Ibrahimi, ndërsa nga institucionet e sigurisë publike në SHBA janë duke marrë pjesë drejtorët e standardeve të akademive policore të Shteteve të Bashkuara të Amerikës si dhe drejtorët e akademive policore dhe sigurisë publike nga vendet tjera të botës, anëtar të IADLEST-it etj. 

 Gjatë kësaj konference presidenti i Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (IADLEST)  Kim Vickers, drejtori Ekzekutiv Michael N. Becar  dhe Mark Damito i dorëzuan zëvendësuesit të Drejtorit të Përgjithshëm të Akademisë së Kosovës për Siguri Publike Kastriot Jashari  pllakën  e riakreditimit dhe çertifikatën me “Çmimin e Ekselencës”.

Në fjalimin e tij Mark Damito njoftoi të pranishmit me procesin e ri akreditimit ndërkombëtar dhe ndarjen e “Çmimit të Ekselencës”  dhe përgëzoj Akademinë për arritjen e këtij çmimi. 

“Akademia e Kosovës për Siguri Publike ka përmbushur me sukses kërkesat për t'u vlerësuar si Akademi e Akredituar e Zbatimit të Ligjit nga Asociacioni Ndërkombëtar i Drejtorëve të Standardeve dhe Trajnimeve për Zbatimin e Ligjit (IADLEST). Ne ju përgëzojmë ju dhe stafin tuaj për arritjen e çmimit të ekselencës dhe për akreditimin e Akademisë tuaj”, tha Damito.

Ndërsa,  zëvendësuesi i  Drejtorit të Përgjithshëm të Akademisë së Kosovës për Siguri Publike  Kastriot Jashari falënderoi Asociacionin Ndërkombëtar të Drejtorëve të Standardeve dhe Trajnimit të Zbatimit të Ligjit – IADLEST në theks të veçantë presidentin e  IADLEST  Kim Vickers, Drejtorin Ekzekutiv Michael N. Becar dhe Mark Damito  për ri akreditimin ndërkombëtar të Akademisë si dhe ndarjen e “Çmimit të Ekselencës”. 

Në të njëjtën kohë Jashari falënderoi edhe  Greg Dukat udhëheqës i ICITAP,   Kimbelry Riff  udhëheqëse e ICITAP në Kosove dhe zyrtaren  Remizje Ibrahimi për mbështetjen e vazhdueshme të AKSP-së. 

“ICITAP-i  e ka ndihmuar shumë Akademinë në procesin e akreditimit  ndërkombëtar nga IADLEST deri ne arritjen e qëllimit, me që ky është çmimi i parë që i jepet një institucioni të trajnimit dhe arsimimit në fushën e sigurisë publike jashtë Shteteve të Bashkuara të Amerikës”, tha Jashari duke falënderuar të gjitha ata që kontribuan që Akademia sot ta marrë këtë çmim.  

“Është kënaqësi për Akademinë dhe agjencitë tjera të sigurisë publike si dhe për vetë shtetin e ri të Kosovës të dëgjojë nga ju se ‘Akademia e Kosovës për Siguri Publike ka plotësuar me sukses kërkesat për t’iu dhënë  çmimi i ekselencës’  nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST)”, u shpreh Jashari duke thënë se çmimi në fjalë është motivim i madh për Akademinë.      “Ne përmes ofrimit të trajnimeve cilësore dhe respektimit të standardëve të vlerësuara nga IADLEST do  ta ruajmë epitetin e institucionit të vlerësuar me ‘Çmimin e Ekselencës’\", tha Jashari.

Më këtë rast Jashari falënderoi edhe ish Drejtorin e Përgjithshëm të Akademisë së Kosovës për Siguri Publike  Ismail Smakiqi dhe  agjencitë e sigurisë publike, për angazhimin disa vjeçar deri në arritjen e qëllimit.

Akreditimi  nga Asociacioni Ndërkombëtar i Drejtorëve të Standardeve dhe Trajnimeve për Zbatimin e Ligjit (IADLEST) është i vlefshëm deri më 20 tetor 2024.

Ndryshe, Akademia e Kosovës për Siguri Publike (AKSP) në vitin 2018  ka fituar akreditim  ndërkombëtar nga IADLEST, për periudhën tre vjeçare,  duke qenë kështu institucioni i parë i akredituar nga IADLEST  jashtë Shteteve të Bashkuara të Amerikës. Kurse në tetor të vitit 2021  Akademia është ri akredituar nga IADLEST,  me çmimin më të lartë të ofruar ndonjëherë nga ky asociacion, Çmimin e Ekselencës i cili është i pari në botë jashtë SHBA-ve.