NewsArticle

Vushtrri, 19 korrik 2013 -  Në paradën e mëngjesit e cila organizohet çdo dit në Akademinë e Kosovës për Siguri Publike nga nënkolonel Driton Zaberxha dhe instruktoret sot u shpërndan medalje dhe mirënjohje për 12 Instruktorët e Policisë së Kosovës, “Shërbim më Besnikëri”.
Me vendim të Drejtorit të Përgjithshëm të Policisë së Kosovës Shpend Maxhuni, janë dekoruar instruktorët policorë të cilët i kanë kryer me sukses detyrat dhe përgjegjësit në trajnimin sa më profesional të zyrtarëve policorë si dhe shërbim me besnikëri, shembullorë dhe të jashtëzakonshëm.
Në ceremoninë e ndarjes së medaljeve dhe mirënjohjeve morën pjesë, Drejtori i Përgjithshëm i Akademisë Ismail Smakiqi, Drejtori për Trajnime Mandatore nënkolonel Driton Zabergja, Këshilltari nga ICITAP David Snodgrass dhe Instruktorë të Policisë së Kosovës pran Akademisë.
Medalje dhe mirënjohje, shërbim më besnikëri u ndanë për: Major Olga Stefanovic, Kapiten Milaim Fejzullahu, Toger Reshat Bugaçku, Toger Xhemajl Sallahu, Rreshter Avni Deliu, instruktorët policorë Arian Xhema, Mukadese Gogolli, Adnan Fejza, Basri Islami, Qerim Spahiu, Isuf Shabani, Xhavit Sinani dhe Ruzhdi Hoxha të cilët për dhjet vite kryen shërbim të devotshëm në Policinë e Kosovës, standarde të larta të shërbimit dhe profesionalizmit policorë, etikë të pastër dhe përkushtim të lartë ndaj popullit të Kosovës.

Vushtrri, 19 korrik 2013 - Në një ceremoni të veçantë të organizuar në Akademinë e Kosovës për Siguri Publike përfundoi mandatin Këshilltari nga ICITAP  David Snodgrass.
Për nderë të punës dhe angazhimit në ngritjen e kapaciteteve të Akademisë si dhe zhvillimin e trajnimeve sa më profesionale për agjencionet e sigurisë në Akademi, David Snodgrass u ftua edhe në paradën e mëngjesit e cila organizohet çdo ditë nga nënkolonel Driton Zabergja Drejtor për Trajnime Mandatore dhe instruktoret pran Akademisë.
Drejtori i Përgjithshëm i Akademisë së Kosovës për Siguri Publike Ismail Smakiqi, theksoi se parada sot është e veçantë sepse nga sot David Snodgrass, këshilltarë rezidentë në Akademi nga ICITAP, pas pesë viteve të shërbimit në Kosovë kthehet në vendlindjen e tij në Shtetet e Bashkuara të Amerikës.
Akademia dhe të gjitha Agjencionet e Sigurisë Publike gjithmonë do të jenë mirënjohës për kontributin e jashtëzakonshëm në mësimet dhe trajnimet që i keni ofruar për zbatuesit e ligjit në Kosovë.
 Ndërsa David Snodgrass tha se ndihet i lumtur dhe i privilegjuar që për këto pesë vite ka shërbyer në Republikës e Kosovës konkretisht për zbatuesit e ligjit e që ka shumë rendësi në ruajtjen e paqes dhe sigurisë së përgjithshme për të gjithë qytetarët e Republikës së Kosovës. ICITAP edhe më tutje do të vazhdojë të jetë partner i Akademisë duke dhënë kontributin e sajë në ngritjen e kapaciteteve dhe trajnimeve tha Snodgrass. Gjithashtu edhe nënkolonel Driton Zabergja falënderoi David Snodgrass për kontributin e dhënë në Akademi si dhe i ka uruar suksese dhe punë të mbarë në vendin e tij.