NewsArticle

Vushtrri, 19 qershor – Instruktori i Akademisë së Kosovës për Siguri Publike, Anton Cena edhe me tutje vazhdon ta mbajë titullin e kampionit evropian në judo.
Ai gjatë garave të  mbajtura në Parisë të Francës për herë të tretë ka marrë titullin kampion Evrope në kategorinë  66 kg M5.
 
“Luftën e parë kam luftuar  me francezin Bournhol i cili është  edhe zyrtarisht kampion bote i po kësaj kategorie për vitin 2012 në Amerike. Këtë e munda me ippon, 10 me 0. Pastaj kam pas betejën me kandidatin e dytë francezin  të cilin e munda pa vështirësi me ippon, 10 me 0. Ndërsa i treti ishte rusi të cilin po ashtu e munda”, tha Cena. Në finale Cena u ndesh me austriakun të cilin po ashtu e mundi 10 me 0 dhe u shpall kampion Evrope.

Ai tha se finalja ishte e lehte për të,  dhe pret që edhe garat tjera në judos  të fitoj  dhe ta zë vendin e parë.

“Tani me presin sfidat e radhës dhe atë kampionati botëror për polici që do të mbahet në Dublin të Irlandës ku shpresoj qe edhe atje të bëhem kampion bote për Polici dhe do ta ngriti flamurin shtetëror dhe atë të Policisë së Kosovës”, u shpreh Cena
Ai ka falënderuar të gjithë e posaçërisht Policinë e Kosovës për mbështetjen e vazhdueshme për të qenë pjesëmarrës e pastaj edhe fitues në gara.
 

Vushtrri, 05 korrik 2013 – Në vazhdën e shumë aktiviteteve të cilat po zhvillohen në  Akademinë e Kosovës për Siguri Publike (AKSP), është duke u mbajtur edhe kampi veror i Hendbollit për të rinjtë nga e gjithë Republika e  Kosovës.  Kampi veror i cili mbahet tani e 14 vite dhe është bërë tradicional është organizuar nga Federata e Hendbollit të Kosovës në bashkëpunim me Ministrin e Kulturës, Rinisë dhe Sportit, gjegjësisht Departamentit për Sport të Kosovës. Në këtë aktivitet janë duke marrë pjesë 75 sportistë të rinj ku janë të përfshirë vajza dhe djem. Po ashtu në këtë kam pjesëmarrës janë edhe trajnuesit e pavarur sportive të Kosovës të cilët kontribuojnë edhe në organizimin e kampit.
Sipas përfaqësuesve të Federatës së Hendbollit të Kosovës ky kamp është duke u mbajtur më qëllim të ngritjes së cilësisë së të rinjve në hendboll të cilët pas këtij kampi ata do të marrin pjesë në gara hendbollistike në Hungari në muajin gusht, ndërsa në muajin nëntor do të marrin pjesë në kampionatin ballkanik në Bullgari  ku do të mbahet kampionati i mediteranit për grup moshën U 17.