}

NewsArticle

07/06/2011

Kolonel Lamplot nga Akademia e Sigurisë në Austri vizitoi QKSPEZH-in

Vushtrri, 07 qershor ’11 - Një delegacion i Akademisë së Sigurisë nga Austria sot vizitoi Qendrën e Kosovës për Siguri Publike, Edukim dhe Zhvillim (QKSPEZH) ku u prit nga menaxhementi i lartë i qendrës. Delegacioni i kryesuar nga kolonel Peter Lamplot dhe Heinz Schneider u njoftuan me të gjitha të arriturat e qendrës, konceptin, vizionin dhe trajnimet të cilat mbahen në Qendër nga gjitha agjencionet si Policia e Kosovës, Agjencioni për Menaxhimin e Emergjencave, Shërbimit Korrektues dhe Dogana e Kosovës. Gjatë takimit i cili kishte karakter njoftues u bisedua edhe për format dhe mundësitë e bashkëpunimit bilateral mes Austrisë dhe Kosovës sidomos sa i përket fushës së sigurisë.Drejtori i Departamentit të Administratës së Përgjithshme, Halim Shala ka shprehur falënderimin e tij për bashkëpunimin e mirë mes QKSPEZH-it dhe Akademisë së Sigurisë në Austri. Shala tha se QSKPEZH është e gatshme që të shkëmbej përvoja me gjitha akademitë policore evropiane.Ndërkaq edhe kolonel Peter Lamplot gjatë vizitës së tij në QKSPEZH ka prezantuar plan programin e Akademisë së Sigurisë në Austri dhe mënyrën se si funksionon kjo akademi. Ai më këtë rast ka shprehur gatishmërinë e tij për shkëmbimin e përvojave mes Qendrës së Kosovës për Siguri Publike, Edukim dhe Zhvillim dhe Akademisë së Sigurisë në Austri. Në fund delegacioni nga Austria kanë vizituar e gjithë ambientin e Qendrës.

Lexo lajme tjera:

Filloi trajnimi armët e shkatërrimit në masë

Vushtrri, 06 qershor ’11- Pas trajnimeve të shumta që po mbahen në Qendrën e Kosovës për Siguri Publike, Edukim dhe Zhvillim sot filloi trajnimi mbi hetimet e armëve të shkatërrimit në masë, trajnim ky i organizuar nga International Criminal Investigative Training Assistance Program (ICITAP). Pjesëmarrësit të cilët vijojnë këtë trajnim janë pjesëtarë të Policisë së Kosovës, Dogana e Kosovës dhe prokuror. Në këtë trajnim janë duke marrë pjesë edhe pjesëtarë të sigurisë publike nga Republika e Shqipërisë.
Ligjërues në këtë trajnim janë instruktor të FBI nga Shtete e Bashkuara të Amerikës.
“Qëllimi i këtij trajnimi është aftësimi dhe profesionalizimi i pjesëtarëve të sigurisë publike në ruajtjen e rendit dhe sigurisë së përgjithshme për të gjithë qytetarët e Republikës së Kosovës”, than pjesëmarrësit. Ky trajnim do të zgjasë një javë.

06/06/2011 Lexo më shumë

Të premten diplomon gjenerata e 42-të e zyrtarëve policor

Vushtrri, 09 qershor ‘11- Të premten në ora 10:00, në Qendrën e Kosovës për Siguri Publike, Edukim dhe Zhvillim (QKSPEZH) do të mbahet ceremonia e diplomimit të gjeneratës së 42 -të e zyrtarëve policorë, (kadetë) të policisë së Kosovës.Të pranishëm në ceremoninë e diplomimit do të jenë Ministri i Punëve të Brendshme Bajram Rexhpi, Kryeshefi Ekzekutiv i QKSPEZH-it Sheremet Ahmeti, drejtori i Policisë së Kosovës Reshat Maliqi, zyrtar të lartë të KFOR-it, EULEX-it, OSBE, ICITAP si dhe familjarë të zyrtarëve policorë të Policisë së Kosovës të gjeneratës së 42-të.

Ftohen mediat që të marrin pjesë në ceremoninë e Diplomimit.

09/06/2011 Lexo më shumë

NewsArticle

Kolonel Lamplot nga Akademia e Sigurisë në Austri vizitoi QKSPEZH-in

Lexo lajme tjera:

Filloi trajnimi armët e shkatërrimit në masë

Të premten diplomon gjenerata e 42-të e zyrtarëve policor

Na ndiqni në rrjetet sociale!

Lokacioni: