U mbajt takimi i dhjetë i bordit të Akademisë
Vushtrri, 09 mars 2015 - Bordi i Akademisë së Kosovës për Siguri Publike (AKSP), mbajti sot takimin e dhjetë me çrast diskutoi çështje nga fushë veprimtaria e Bordit të AKSP-së si; zgjedhja e kryesuesit të bordit për vitin 2015, shqyrtimi i planit vjetor të punës së bordit për vitin 2015, prezantimi i projektit të binjakëzimit, projekt ky i cili ka të bëjë më forcimin edhe me tej të sigurisë publike në Kosovës si dhe shqyrtimi i raportit të punës së Akademisë për vitin 2014.
Pas një mandati një vjeçar Drejtori i Përgjithshëm i Policisë së Kosovës, Shpend Maxhuni u rizgjodh kryesues i Bordit të Akademisë për Siguri Publike. Pas propozimit nga anëtarët e komisionit për kryesues të bordit dhe zgjedhjes së tij, Maxhunaj u zotua se do të angazhohet edhe më shumë që Akademia të jetë edhe më profesionale.
Bordi diskutoi dhe aprovoi planit vjetor të punës së bordit për vitin 2015 që ka të bëjë me: Standardet Minimale Profesionale, Politikat për trajnimin në fushën e sigurisë publike dhe Politikat për edukimin e specializuar dhe të avancuar.
Gjatë takimit Drejtori i Akademisë së Kosovës për Siguri Publike njoftoi Bordin se do të përfitoi projektin e dytë të binjakëzimit i financuar nga Bashkimi Evropian (BE) në kuadër të IPA 2014, programi vjetor për Kosovën me titull “Forcimi i mëtejshëm i arsimit në siguri publike në Kosovë”.
Pas përmbylljes me sukses të Projektit të Binjakëzimit nga IPA 1 “Përmirësimi i Arsimit në Sektorët e Rendit dhe Sigurisë Publike” duke përmbushur të gjitha rezultatet detyrimore në përgatitjen e AKSP-së në ofrimin e arsimit të lartë, projekti i radhës ka objektivë “Përforcimin e sundimit të ligjit duke përmirësuar sistemin e sigurisë publike” me qëllim të “Reformimit dhe zhvillimi të mëtejmë të agjencioneve për siguri publike sipas praktikave më të mira të BE-së”.
Po ashtu gjatë takimit Drejtori i Akademisë se Kosovës për Siguri Publike, Ismail Smakiqi prezantoi punën e Akademisë që është bërë gjatë vitit 2014.
Pas raportimit, të gjithë anëtarët e bordit kanë përgëzuar Akademinë për punë e kryer gjatë vitit 2014 dhe e kanë inkurajuar atë që sukseset të vazhdojnë edhe më tutje.
Në takim morën pjesë drejtori i Përgjithshëm i Akademisë, Ismail Smakiqi, drejtori i Përgjithshëm i Policisë së Kosovës, Shpend Maxhuni, i cili njëherit është edhe kryesues i bordit, anëtarët tjerë të bordit, të cilët janë edhe përfaqësues të agjencioneve të sigurisë publike si dhe bashkëpunëtor ndërkombëtarë nga OSBE-ja dhe ICITAP-i.
