NewsArticle

Vushtrri, 19 korrik 2013 - Në një ceremoni të veçantë të organizuar në Akademinë e Kosovës për Siguri Publike përfundoi mandatin Këshilltari nga ICITAP  David Snodgrass.
Për nderë të punës dhe angazhimit në ngritjen e kapaciteteve të Akademisë si dhe zhvillimin e trajnimeve sa më profesionale për agjencionet e sigurisë në Akademi, David Snodgrass u ftua edhe në paradën e mëngjesit e cila organizohet çdo ditë nga nënkolonel Driton Zabergja Drejtor për Trajnime Mandatore dhe instruktoret pran Akademisë.
Drejtori i Përgjithshëm i Akademisë së Kosovës për Siguri Publike Ismail Smakiqi, theksoi se parada sot është e veçantë sepse nga sot David Snodgrass, këshilltarë rezidentë në Akademi nga ICITAP, pas pesë viteve të shërbimit në Kosovë kthehet në vendlindjen e tij në Shtetet e Bashkuara të Amerikës.
Akademia dhe të gjitha Agjencionet e Sigurisë Publike gjithmonë do të jenë mirënjohës për kontributin e jashtëzakonshëm në mësimet dhe trajnimet që i keni ofruar për zbatuesit e ligjit në Kosovë.
 Ndërsa David Snodgrass tha se ndihet i lumtur dhe i privilegjuar që për këto pesë vite ka shërbyer në Republikës e Kosovës konkretisht për zbatuesit e ligjit e që ka shumë rendësi në ruajtjen e paqes dhe sigurisë së përgjithshme për të gjithë qytetarët e Republikës së Kosovës. ICITAP edhe më tutje do të vazhdojë të jetë partner i Akademisë duke dhënë kontributin e sajë në ngritjen e kapaciteteve dhe trajnimeve tha Snodgrass. Gjithashtu edhe nënkolonel Driton Zabergja falënderoi David Snodgrass për kontributin e dhënë në Akademi si dhe i ka uruar suksese dhe punë të mbarë në vendin e tij.
 

Vushtrri, 01 gusht 2013 – Kadetët e Akademive Ushtarake nga Shtetet e Bashkuara të Amerikës (SHBA), konkretisht nga Ajova dhe kadetët e Forcës së Sigurisë së Kosovës (FSK) vizituan Akademinë e Kosovës për Siguri Publike (AKSP) ku u priten nga Drejtori i Përgjithshëm Ismail Smakiqi. Qëllimi i vizitës ishte që të njihen më për se afërmi me aktivitetet dhe trajnimet që zhvillohen në Akademi.
Drejtori Smakiqi gjatë takimit i informoi kadetët për historikun e Akademisë. Po ashtu kadetët u njoftuan edhe për proceset e rëndësishme nëpër të cilat po kalon institucioni ynë.
Smakiqi gjatë këtij takimi falënderoi SHBA-në për ndihmën e vazhdueshme që po i bënë Kosovës dhe vlerësoi lartë kontributin e tyre që kanë dhënë në ndërtimin dhe ngritjen e institucioneve të sigurisë e në veçanti për Akademinë.
Ai tha se bashkëpunimi dhe ndihma e  SHBA-ve është e nevojshme për vendin tonë, ndërkohë shfaqi shpresën se bashkëpunim me SHBA-të do të vazhdojë edhe me tutje.
Kadetët e Akademive Ushtarake nga Shtetet e Bashkuara të Amerikës janë duke qendëruar në Kosovë konkretisht në kazermat e Forcës së Sigurisë  të Kosovës. SHBA-ja, ka dërguar 30 kadetë dhe instruktor të gjuhës angleze të cilët gjatë qëndrimit në Kosovë do të punojnë me 66 pjesëtarë të FSK-së, më qëllim të zgjerimit të njohurive dhe komunikimit në gjuhën angleze.