NewsArticle

Vushtrri, 13 mars 2012 - Akademinë e Kosovës për Siguri Publike (AKSP), sot e vizitoi një delegacion i Komitetit për Çështje të Luftëtarëve nga Libia i udhëhequr nga Mustafa al-Sagizli. Delegacioni u prit nga Drejtori i Përgjithshëm i AKSP-së, Ismail Smakiqi, nënkolonel Driton Zabërxha si dhe nga stafi menaxhues i akademisë.

Drejtori i Përgjithshëm i AKSP-së, Ismail Smakiqi e informoi delegacionin për progresin e vazhdueshëm që po arrihet në Akademinë e Kosovës për Siguri Publike si dhe paraqiti objektivat dhe prioritet e akademisë që synohen të arrihen në të ardhmen.

Drejtori Smakiqi po ashtu e ka njoftuar delegacionin për trajnimet dhe aktivitet që zhvillohen në AKSP nga të gjitha  institucionet e sigurisë publike.

Me këtë rast Smakiqi tha se AKSP ka krijuar raportet të mira bashkëpunimi me të gjitha akademitë policore të vendeve të rajonit.

“Akademia e Kosovës për Siguri Publike është e gatshme të bashkëpunoi me të gjitha Akademitë që kujdesen për rendin dhe sigurinë e vendit. Objektivi ynë është krijimi i besueshmërisë dhe bashkëpunimi me komunitetet”, tha Smakiqi.

Ndërsa përfaqësuesi i Policisë së Kosovës në AKSP, nënkolonel Driton Zabërxha, tha se bashkëpunimi në mes të PK-së dhe organizatave qeveritare dhe jo qeveritare vendore dhe ato ndërkombëtare ka qenë dhe do të vazhdojë edhe në të ardhmen.

“Ne synojmë që të arrijmë qëllimin për një polici me standarde demokratike e integruar në bashkësinë ndërkombëtare”, tha Zabërxha.

Ndërkaq përfaqësuesit e Komitetit për Çështje të Luftëtarëve nga Libia kanë shprehur interesimin e tyre për tu njohur me për se afërmi më trajnimet dhe aktivitet që zhvillohen në AKSP.
 

Vushtrri, 30 mars 2012- Drejtori i Përgjithshëm i Akademisë së Kosovës për Siguri Publike, Ismail Smakiqi, priti sot në një takim zëvendësministrin e Punëve të Brendshme të Shqipërisë, Avenir Peka i cili ishte i shoqëruar edhe nga Drejtor i Qendrës së Formimit Policor, Hamdi Fjora.
Drejtori Smakiqi gjatë këtij takimi e informoi delegacionin lidhur me trajnimet dhe aktivitetet e shumta të cilat po zhvillohen në Akademi si dhe për objektivat në të ardhmen. Në funksion të këtyre objektivave, Akademia ka ndërtuar një bashkëpunim të ngushtë jo vetëm me vendet fqinjë por edhe më gjerë dhe Akademia tashmë vlerësohet si partner shumë i rëndësishëm në rajon tha Smakiqi. Gjatë bisedës mes tyre drejtori Smakiqi dhe zëvendësministri Peka, shkëmbyen pikëpamje të ndryshme mbi forcimin, bashkëpunimin dhe shkëmbimin e përvojave mes të dy vendeve. Gjatë kësaj vizite u organizua edhe parada e gjeneratës së 43-të e Policisë së Kosovës.