Lajmet

Vushtrri, 18 tetor 2013  -  Në Akademinë e Kosovës për Siguri Publike diplomuan njëqind e tridhjetë e një kadetë të Policisë së Kosovës, katërmbëdhjetë kadetë të Inspektorati Policor të Kosovës. Po ashtu  në Akademi u graduan më gradën e togerit nëntëdhjetë e gjashtë zyrtarë të Policisë së Kosovës.

Në ceremoninë e diplomimit morën pjesë, ministri i Punëve të Brendshme, Bajram Rexhepi, drejtori i Përgjithshëm i Policisë së Kosovës Shpend Maxhuni, drejtori i Përgjithshëm i Akademisë, Ismail Smakiqi, Kryeshefi Ekzekutiv i Inspektoratit Policor të Kosovës Fitim Shishani, Drejtori i Përgjithshëm i Doganave të Kosovës  Lulzim Rafuna përfaqësues nga ICITAP, OSBE dhe KFOR-i.

Ministri i Punëve të Brendshme Bajrami Rexhepi duke iu uruar të sapo diplomuarve suksese në punë, tha se misioni i ministrisë është që të kujdeset për sundimin e ligjit dhe sigurinë publike në përgjithësi.
Më këtë rast ministri Rexhepi ka përmendur se Komisioni Evropian në raportin e progresit për vitin 2013 ka vlerësuar pozitivisht çështjen e sigurisë dhe sundimin e ligjit në vend.

Ai tha se Policia e Kosovës përgjatë këtyre viteve ka mbetur shtylla më e fortë në luftimin e krimit të organizuar duke ofruar kështu kontribut të çmueshëm në procesin e liberalizim të vizave dhe integrimit evropian të vendit.

“Policia e Kosovës është dëshmia më e mirë që Kosova mund të ndërtoj institucione të sigurisë dhe zbatimit të ligjit të cilat garantojnë përfaqësim afirmativ të komuniteteve pakicë në hapësirë të mjaftueshëm për përfaqësim gjinor”, tha Rexhepi

Ministri tha se policia gjithmonë ka qenë dhe do të mbetët në shërbim të qytetarëve në të gjithë territorin e saj.

Ndërsa sa i përket gradimit të nëntëdhjetë e gjashtë zyrtarëve policor ministri u shpreh se Qeveria e Kosovës do të vazhdojë ta mbështesë avancimin e mëtutjeshëm të Policisë së Kosovës dhe Inspektoratit Policor të Kosovës.

Ndërkaq Drejtori i Përgjithshëm i Policisë së Kosovës, Shpend Maxhuni tha polica është mbrojtëse e të drejtave individuale dhe publike, respektues të rëndit dhe ligjit në gjithë Republikën e Kosovës.

Maxhuni tha se ndërtimi i institucioneve të zbatimit të ligjit në frymën e institucioneve përfaqësuese, llogaridhënës dhe demokratike është vizioni i tyre  për avancimin për një jetë më të qetë dhe më të sigurt për të gjithë qytetarët

“Edukimi dhe trajnimi në Akademinë e Kosovës për Siguri Publike, ka krijuar mundësin që sot të kemi zyrtarë policor të PK-së dhe IPK-së, të trajnuar sipas standardeve dhe praktikave më të larta ndërkombëtare të zbatimit të ligjit dhe të drejtave të njeriut”, theksoi Maxhuni.

Maxhuni tha se sundimi i rendit dhe ligjit sot është një parakusht esencial në të gjitha aspektet e shoqërisë garantues të së cilës siç tha ai duhet të jenë edhe të sapodilomuarit. Më këtë rast Maxhuni tha se gradimi i 96 rreshterëve me gradën e togerit tregon një zhvillim dhe ngritje të kapaciteteve policore si dhe marrje të përgjegjësive shtese në realizimin e detyrave dhe autorizimeve policore. Ai ka ftuar Policinë e Kosovës që të ofrojnë zbatim të ligjit në Kosovë në mënyrë profesionale.


Kurse Drejtori i Përgjithshëm i Akademisë Ismail Smakiqi fillimisht ka uruar kadetët për diplomimin e tyre.

“Me punën dhe përkushtimin tuja ju keni fituar epitetin e parë; jeni model i kadetëve të mire”, tha Smakiqi. Smakiqi tha se Akademia tani më është qendër e fort e të gjitha llojeve të trajnimit me bashkëkohore për të gjitha Agjensionet e Sigurisë Publike.

Smakiqi tha ngritja e cilësia të trajnimeve dhe arsimimi i lart është puna e përditshme e Akademisë dhe partnerëve tanë, ICITAP-it, OSBE-së dhe së fundi Komisionit Evropian ku përmes Projektit të Binjakëzimit në përmirësimi e arsimit në sektorët e sigurisë dhe rendit publik. Në fund Smakiqi tha se Akademia do të vazhdoj të  ofroj trajnime të vazhdueshme dhe arsimim bashkëkohor.

“Urimet më të sinqerta për suksesin e arritur në testin përfundimtar. Qytetarët me padurim presin inkuadrimin e juaj në Policinë e Kosovës dhe radha është e juaja, të dëshmoni shkathtësitë dhe diturit që i keni arritur në Akademi.”, tha Smakiqi.

Diplomimin e gjeneratës së 45 të Policisë së Kosovës si dhe diplomimin e 14 kadetëve të Inspektoratit Policor të Kosovës e ka përshëndetur edhe Kryeshefi Ekzekutiv i IPK-së Fitim Shishani.

Shishani tha se IPK ka kryer dhe vazhdojë të kryej detyrat e saj më mënyrën më efikase. 

Vushtrri, 17 tetor 2013 - Në Akademinë e Kosovës për Siguri Publike sot u mbajt takimi i radhës i Këshillit Ekzekutiv të Ekipeve Vepruese për Siguri në Bashkësi. Në këtë takim të pranishëm ishin ministri i Punëve të Brendshme Bajram Rexhepi, Kryetari i Komunës së Vushtrrisë Bajram Mulaku, drejtori i Përgjithshëm i Policisë së Kosovës Shpend Maxhuni, drejtori i Përgjithshëm i Akademisë Ismail Smakiqi si dhe përfaqësues të ndryshëm nga organizatat ndërkombëtare.
 Ministri i Punëve të Brendshme Bajram Rexhepi theksoi se jemi të angazhuar maksimalisht në përmbushjen e obligimeve që dalin nga ligjet dhe strategjitë. Kjo është e mundur përmes krijimit të mekanizmave që shërbejnë për krijimin e një ambienti të sigurt për qytetarët e Kosovës. Ne jemi të vetëdijshëm për vështirësitë në krijimin e trupave dhe mekanizmave tjerë për zbatimin e ligjit në Republikën e Kosovës, mirëpo jemi në vazhdimësi duke punuar për krijimin e një sistemi të qëndrueshëm dhe një përgjegjshmëri për funksionimin e shtetit të së drejtës përkatësisht të sigurisë dhe për të garantuar sigurinë nga dukuritë negative në jetën e përditshme. “Me themelimin e Ekipeve Vepruese për Siguri në Bashkësi qytetari bëhet pjesë aktive e bërjes së politikave të sigurisë në komunën e vet, krijon partneritet ndërmjet bashkësisë për identifikimin e krimit dhe adresimin e çështjeve të sigurisë”, tha Rexhepi.

Kryetari i Komunës së Vushtrrisë Bajram Mulaku tha se komuna po jep përkrahje këtyre ekipeve vepruese në kryerjen e detyrave të veta që kanë. Komuna po punon për një ambient të sigurt për të gjithë qytetarët e komunës pa dallim përkatësie që siguria e qytetarëve të jetë një faktor i rëndësishëm i stabilizimit dhe jetës së lirë për të gjitha komunitetet.
Ndërsa drejtori i Përgjithshëm i Policisë së Kosovës Shpend Maxhuni theksoi se për Policinë e Kosovës funksionimi i mekanizmave të sigurisë publike në veçanti për Ekipet Vepruese në Bashkësi do të jenë me rëndësi në përkrahjen e Policisë dhe veprimtarive të saj nga ana e qytetarëve dhe shoqërisë në tersi, në përmirësimin reciprok dhe besimit të ndërsjellët, zvogëlimin e nivelit të kriminalitetit, delikuencës dhe sjelljeve asociale.
Drejtori i Përgjithshëm i Akademisë Ismail Smakiqi tha se Akademia e Kosovës për Siguri Publike ka kënaqësinë të jetë nikoqire e këtij takimi si dhe e shumë takimeve dhe aktiviteteve tjera të Ekipeve Vepruese për Siguri në Bashkësi.
 Akademia ka eksperienca të bashkëpunimit me komunitete të cilat mbështeten nga partnerët tanë ICITAP dhe OSBE dhe me qëllim të përkrahjes së aktiviteteve të Ekipeve Vepruese ka ofruar një zyre dhe kushte tjera të nevojshme për këto Ekipe. Akademia do të vazhdoj edhe në të ardhmen të mbështes këto aktivitete.
Këshilli Ekzekutiv i Ekipeve Vepruese për Siguri në Bashkësi mblidhet dy herë në vit dhe përbëhet nga dy deri në tre përfaqësues të përzgjedhur nga secila EVSB-ë në nivel të Kosovës. Këshilli Ekzekutivë i EVSB-së paraqet një forum të rëndësishëm kombëtarë ndër komunal për komunikim, bashkëpunim dhe koordinim. Që nga viti 2004 e deri më tani janë mbajtur gjithsejtë 28 takime të Këshillit Ekzekutivë të EVSB.
 

Vushtrri, 09 tetor 2013 – Në Akademinë e Kosovës për Siguri Publike u mbajt takimi gjashtë i Komiteti Drejtues i Projektit të Binjakëzimit, gjatë së cilit u bënë vlerësimi  i ecurisë së këtij projekti për tre mujorin e fundit. Gjatë këtij takimi u prezantua puna e deritashme e bërë nga ekspertet ndërkombëtarë si dhe bashkëpunëtoret vendor në realizimin dhe implementimin e këtij projekti.
Drejtori i Përgjithshëm i Akademisë, Ismail Smakiqi falënderoi të gjithë bashkëpunëtorët për kontributin e dhënë në realizimin e këtij projekti. Smakiqi tha se projekti është shumë i rëndësishëm për të gjitha agjensionet e sigurisë publike në Kosovë. “Akademia do të jetë e përkushtuar që në partneritet të plotë me të gjitha institucionet vendore me Komisionin Evropian si dhe me të gjithë akteret tjerë që ky projekt të përfundoj me sukses”, tha Smakiqi.
Gjatë këtij takimi Smakiqi foli edhe për miratimin e rregulloreve nga Qeveria, Rregullores (QRK)-Nr. 25/2013 Për pagesat e personelit trajnues dhe mësimdhënës si dhe ekspertëve të fushave funksionale dhe Rregullorja (QRK)- Nr. 26/2013 Për arsimimin e lartë në Akademinë e Kosovës për Siguri Publike, të cilat kanë rëndësi të madhe në akreditimin e Akademisë si dhe në hapjen e Fakultetit të Sigurisë nga tetori i vitit 2014.
Kurse udhëheqësi i Projektit të Binjakëzimit, Anti Haikio tha se Akademia e Kosovës për Siguri Publike, është duke punuar në realizimin e një projekti mjaft të rëndësishëm. Ai tha se Akademia tashmë plotëson të gjitha kushtet që sistemi i arsimit këtu  të bëhet në nivel Bachellor.
Po ashtu nga të pranishmit u vlerësuar se, projekti i cili ka për qëllim përmirësimin e trajnimit bazik si dhe krijimin e programit të ri të studimeve të arsimit të lartë në nivel Bachellor, është drejt finalizimit.
 

Vushtrri, 09 tetor 2013 – Në Akademinë e Kosovës për Siguri Publike u mbajt takimi gjashtë i Komiteti Drejtues i Projektit të Binjakëzimit, gjatë së cilit u bënë vlerësimi  i ecurisë së këtij projekti për tre mujorin e fundit. Gjatë këtij takimi u prezantua puna e deritashme e bërë nga ekspertet ndërkombëtarë si dhe bashkëpunëtoret vendor në realizimin dhe implementimin e këtij projekti. Drejtori i Përgjithshëm i Akademisë, Ismail Smakiqi falënderoi të gjithë bashkëpunëtorët për kontributin e dhënë në realizimin e këtij projekti. Smakiqi tha se projekti është shumë i rëndësishëm për të gjitha agjensionet e sigurisë publike në Kosovë. “Akademia do të jetë e përkushtuar që në partneritet të plotë me të gjitha institucionet vendore me Komisionin Evropian si dhe me të gjithë akteret tjerë që ky projekt të përfundoj me sukses”, tha Smakiqi.
Gjatë këtij takimi Smakiqi foli edhe për miratimin e rregulloreve nga Qeveria, Rregullores (QRK)-Nr. 25/2013 Për pagesat e personelit trajnues dhe mësimdhënës si dhe ekspertëve të fushave funksionale dhe Rregullorja (QRK)- Nr. 26/2013 Për arsimimin e lartë në Akademinë e Kosovës për Siguri Publike, të cilat kanë rëndësi të madhe në akreditimin e Akademisë si dhe në hapjen e Fakultetit të Sigurisë nga tetori i vitit 2014.
Kurse udhëheqësi i Projektit të Binjakëzimit, Anti Haikio tha se Akademia e Kosovës për Siguri Publike, është duke punuar në realizimin e një projekti mjaft të rëndësishëm. Ai tha se Akademia tashmë plotëson të gjitha kushtet që sistemi i arsimit këtu  të bëhet në nivel Bachellor.
Po ashtu nga të pranishmit u vlerësuar se, projekti i cili ka për qëllim përmirësimin e trajnimit bazik si dhe krijimin e programit të ri të studimeve të arsimit të lartë në nivel Bachellor, është drejt finalizimit.



 

Vushtrri, 24 shtator 2013-  Një delegacion nga vendet e ndryshme të Ballkanit të cilët janë pjesëmarrës të konferencës së Trajnimeve Policore të Vendeve të Ballkanit  “BALLPEK”, vizituan Akademinë e Kosovës për Siguri Publike (AKSP) ku u priten nga Drejtori i Përgjithshëm, Ismail Smakiqi.
Më këtë rast drejtori Smakqi së bashku me delegacioni e BALLPEK-ut morën pjesë në paradën e mëngjesit të kadetëve të rinj të Policisë së Kosovës, Inspektoratit dhe Shërbimit Korrektues e cila organizohet çdo ditë. Smakiqi në fjalimin e tij i ka uruar kadetët për rezultatet e tyre pozitive.
Tutje gjatë takimit delegacioni në fjalë u informua nga drejtori Smakiqi për proceset e rëndësishme në të cilat po kalon Akademia, për zhvillimin e trajnimeve si dhe për Projektin e Binjakëzimit të Komisionit Evropian i cili ka për mision ofrimin e arsimimit të lartë për agjencionet e sigurisë publike në vend.
Ai gjatë prezantimit të tij theksoi se bashkëpunimi me vendet e rajonit dhe më gjerë është shumë i nevojshëm  për të gjitha akademitë. Duke u shprehur i gatshëm për bashkëpunim drejtori Smakiqi e informoj delegacionin se në AKSP nuk trajnohen vetëm pjesëtarët e sigurisë publike nga Kosova, por edhe pjesëtarët e sigurisë publike nga vendet e rajonit dhe me gjerë.

Ndërkaq delegacioni i konferencës së Trajnimeve Policore të Vendeve të Ballkanit  “BALLPEK”, falënderuan drejtorin për pritjen e bërë, ndërkohë u shprehen  të gatshëm që bashkëpunimi në fushën e sigurisë, sidomos atë që ka të bëjë më trajnime ta vazhdojë edhe me tutje.
 

Vushtrri, 23 shtator 2013 - Akademia e Kosovës për Siguri Publike (AKSP) dhe Policia e Kosovës organizuan konferencën e tretë të Trajnimeve Policore të Vendeve të Ballkanit (BALPEK), ku morën pjesë përfaqësues nga Hungaria, Mali i Zi, Maqedonia, Turqia dhe Shqipëria.

Temë diskutimi në këtë konferencë ishte “Qasja  bashkëkohore në arsimin dhe trajnimin e policisë”.

Ministri i Punëve të Brendshme, Bajram Rexhepi tha se bashkëpunimi rajonal në të gjitha fushat, e veçmas në fushën e trajnimeve policore,  është i rëndësishëm për AKSP-në, ku ky bashkëpunim në vazhdimësi ka dëshmuar rezultate pozitive.

“Me përkrahjen e Komisionit Evropian, Programi i arsimit të lartë në Akademi është në fazën finale të themelimit. Synojmë që përmes arsimimit të rrisim më shumë cilësinë profesionale në trajnimet policore”, tha ministri Rexhepi.

Shefi i Misionit të OSBE-së në Kosovë, Jean-Claude Schlumberger tha se misioni që drejton ai ka qenë gjithherë i përfshirë në fushën e trajnimit dhe edukimit policor. 

“Trajnimi Policor dhe edukimi është diçka në të cilën misioni i OSBE-së ka qenë i përfshirë, qysh nga fillimi. Gjithmonë ka qenë një aspekt shumë i rëndësishëm i punës sonë. Pa trajnim të duhur të policisë nuk mund të ketë sundim dhe zbatim të ligjit. Gjithashtu nuk mund të ketë polici të trajnuar pa trajnime të mira policore dhe pa institucione të edukimi”, tha Schlumberger.

Drejtori i Përgjithshëm i Policisë së Kosovës, Shpend Maxhuni, tha se Policia e Kosovës në kuadër të qëllimeve strategjike ka edhe ngritjen e bashkëpunimit ndërkombëtar policor.

“Policia e Kosovës ka interesin e saj të jetë e përfshirë në të gjitha mekanizmat rajonal dhe ndërkombëtarë, për të dhënë kontributin e saj në parandalimin dhe luftimin e të gjitha formave të krimit, në veçanti të krimit të organizuar”, tha Maxhuni.

Drejtori i Përgjithshëm i Akademisë së Kosovës për Siguri Publike, Ismail Smakiqi, tha se për rritjen e aftësisë profesionale dhe kompetencës në fushën e sigurisë publike nevojitet më shumë njohuri se sa vetëm aftësim përmes trajnimeve. 

“Ndryshimet e shpejta të natyrës së krimit, shtrirja e tij në përmasa globale kërkon ngritjen dhe respektimin e standardeve akademike në përmasa të gjera gjeografike”, theksoi Smakiqi.

Kjo është konferenca e tretë  e BALPEK-ut, ndërsa dy konferencat e para janë mbajtur në Nazil të Turqisë.
 

Vushtrri 20 shtator  2013 -  Ju  njoftojmë se të hënën në ora 09:00 do të mbahet konferenca e tretë e Trajnimeve Policore të Vendeve Ballkanike (BALPEK), ku  temë diskutimi është  “Qasja  bashkëkohore  në arsimin  dhe trajnimin e policisë”. Vendet pjesëmarrëse janë Hungaria, Mali i Zi, Maqedoni, Turqia, Shqipëria etj. Në këtë konferencë do të marrin pjesë ministri i Punëve të Brendshme, Bajram Rexhepi, Drejtori i Përgjithshëm i Policisë së Kosovës, Shpend Maxhuni, Drejtori i Përgjithshëm i Akademisë së Kosovës për Siguri Publike, Ismail Smakiqi, zv/ambasadorja e OSBE-së në Kosovë Paivi Nikander. Konferenca mbahet në Hotel Sirius -Prishtinë
Ndryshe konferenca e parë e BALPEK-ut është mbajtur në Nazil të Turqisë.
 

Vushtrri, 16 shtator 2013 – Bordi i Akademisë së Kosovës për Siguri Publike sot mbajti takimin e tretë të radhës në të cilin morën pjesë kryeprokurori i Shtetit i cili njëherit është edhe kryesues Ismet Kabashi, Ismail Smakiqi drejtor i Përgjithshëm i AKSP-së, Shpend Maxhuni Drejtor i Përgjithshëm i Policisë së Kosovës, Shemsi Hajrizi  ushtrues detyre i Drejtorit të Përgjithshëm të Shërbimit Korrektues të Kosovë, Lulzim Rafuna ushtrues detyre i Doganave të Kosovës,  Metije Ademi drejtoresh e Përgjithshme e Shërbimit Sprovues, Fadil Kodra Kryeshef Ekzekutiv i Agjencionit për Menaxhimin e Emergjencave si dhe Fitim Shishani Kryeshef Ekzekutiv i Inspektoratit Policor të Kosovës.
Gjatë këtij takimi u bë prezantimi i të arriturave dhe plani i punës së Institutit të Krimeve Ekonomike. Institut ky i cili që nga qershori me vendim të Bordit të AKSP-së është duke funksionuar në Akademi. Po ashtu bordi në fjalë gjatë takimit ka themeluar grupin punues për rishikimin e standardeve minimale profesionale të programit të trajnimeve bazike të Institucioneve për Siguri Publike.
Përveç tjera Bordi i AKSP-së ka shqyrtuar dhe miratuar edhe raportin gjashtë mujor të punës së Akademisë.

Gjithashtu Bordi gjatë këtij takimi ka diskutuar edhe për çështje të rëndësishme të cilat po kalon Akademia.

Vushtrri  13 shtator 2013 – Një numër i madh i kadetëve të Policisë së Kosovës, Inspektoratit Policor të Kosovës, Shërbimit Korrektues të Kosovës dhe zyrtarë të tjerë që punojnë në Akademinë e Kosovës për Siguri Publike sot në mënyrë vullnetare dhuruan gjak.
 
Aksioni humanitar i dhurimit të gjakut është realizuar në bashkëpunim me Shërbimin Shëndetësor të Policisë së Kosovës, Transfuzionin e Gjakut nga Qendra Klinike Universitare e Kosovës dhe ekipin mjekësor të  AKSP-së.

Gjatë këtij aksioni një ditor të mbajtur në Akademinë janë dhuruar mbi 88 doza gjak, për nevojat e Qendrës së Transfuzionit të Gjakut.

Ekipi mjekësor i Qendrës Kombëtare të Transfuzionit në bashkëpunim me ekipin mjekësor të policisë kanë vizituar Akademinë për t’ju  mundësuar pjesëtarëve që të dhurojnë gjak pa shkëputje nga detyrat dhe aktivitetet e punës.

 Personeli mjekësor thanë se thirrjes për dhënien e gjakut në mënyrë vullnetarë i janë përgjigjur një numër i madh i pjesëtarëve të Institucioneve të Sigurisë Publike të cilët janë duke ndjekur trajnime në Akademi.

Drejtori i Përgjithshëm i Akademisë së Kosovës për Siguri Publike, Ismail Smakiqi gjatë vizitës së tij tek personeli mjekësor ku grumbullonin gjak u shpreh i kënaqur që Akademia është bërë një shembull i mirë për dhurimin e gjakut.

“Dhurimi i gjakut është një sakrificë dhe ndihmë e madhe për të gjithë ata qytetarë që kanë nevojë për gjak”, tha Smakiqi.
 

Vushtrri, 09 shtator 2013 – Akademia e Kosovës për Siguri Publike ka nënshkruar marrëveshje bashkëpunimi me Akademinë e Estonisë për Sigurinë Publike dhe Akademinë Policore të Finlandës. Kjo u bë gjatë një vizite zyrtare që drejtori i Përgjithshëm i Akademisë së Kosovës për Siguri Publike, Ismail Smakiqi i shoqëruar nga udhëheqësi i Zyrës për Marrëdhënie me Jashtë, Avni Istrefi patën në Finlandë dhe Estoni.
Të tri Akademitë ajo e Kosovës, Estonisë dhe Finlandës  përmes kësaj marrëveshje kanë vendosur që ta përkrahin njëra tjetrën për përfitime të përbashkëta duke shprehur gatishmërinë e tyre për të kontribuar në rritjen e lidhjeve kulturore, arsimore, hulumtuese dhe zhvillimore.
“Marrëveshja e bashkëpunimit mes Akademisë për Sigurinë Publike të Estonisë dhe Akademisë Policore të Finlandës janë marrëveshjet e para të AKSP-së me Akademi të vendeve nga BE-ja. Këto marrëveshje janë fryt i njohjes nga afër të tri Akademive pas më shumë se një viti e gjysmë dhe rezultat i Projektit të Binjakëzimit të Komisionit Evropian, të cilin e implementojnë ekspertët e sigurisë publike nga Akademitë përkatëse të Finlandës dhe Estonisë. Kjo marrëveshje vlerësohet posaçërisht nga AKSP për faktin që AKSP është pranuar partnere reciproke dhe këtë fakt e kuptojmë si inkurajim në rrugën dhe misionin tonë”, tha drejtori Smakiqi

Marrëveshja përfshinë; zhvillimin dhe bashkërendimin e studimeve nën-diplomike dhe pas-diplomike, lidhjet e hulumtimit dhe zhvillimit, shkëmbimin dhe vizitat e personelit akademik si dhe shkëmbimin e studentëve. 
Marrëveshja është nënshkruar nga Drejtori i Përgjithshëm i Akademisë së Kosovës për Siguri Publike, Ismail Smakiqi, Rektor i Akademisë së Estonisë për Sigurinë Publike, Lauri Tabura dhe Kimmo Himberg rektor në Akademinë Policore të Finlandës.

Ndryshe Akademia e Kosovës për Siguri Publike pritet që gjatë muajit shtator të aplikoj në Agjencinë e Kosovës për Akreditim për akreditimin e programit të Fakultetit të Sigurisë Publike – nivelin Bachelor dhe këto marrëveshje do të i shërbejnë AKSP-së si mbështetje e njohjes ndërkombëtare të vlerave të saja.
 

Vushtrri 16 gusht 2013 - Nga data 1 gusht deri me 5 gusht 2013 në Belfast të Irlandës pjesëtari i Policisë së Kosovës, instruktor në Akademinë e Kosovës për Siguri Publike rreshter Anton Cena, ka arritur që të fitojë medaljen e artë në sportin luftarak të xhudos në kategorinë 66 kg-MS në kampionatin botëror të policisë dhe zjarrfikësve, ku marrin pjesë zyrtarë policorë dhe zjarrfikës nga e gjithë bota.
Cena në këtë kampionat është paraqitur si përfaqësues i Policisë së Kosovës dhe i përkrahur nga trajneri i tij ka zhvilluar dy gara duke u prezantuar në mënyrë dinjitoze në disiplinën ku ai ka garuar dhe duke fituar medaljen e artë.

Në ndeshjen filane Cena ka luftuar kundër garuesit rus duke arritur ta mposhtë atë dhe të ngritë flamurin e shtetit të Kosovës dhe të Policisë së Kosovës në nivelet më të larta.

Ky kampionat mbahet çdo dy vite dhe kjo është hera e parë që pjesëtarët e Policisë së Kosovës kanë marrë pjesë në një garë të tillë, dhe kjo është medalja e parë e fituar nga pjesëtari i Policisë së Kosovës, instruktor në Akademi rreshter Anton Cena. Në këtë kampionat kanë marrë pjesë më shumë se 7000 mijë pjesëtarë dhe kanë garuar në 58 disiplina të ndryshme.
Anton Cena punon në Akademinë e Kosovës për Siguri Publike ku trajnon kadetët e Policisë në fushën e taktikave të mbrojtjes dhe ushtrimeve fizike.

Vushtrri, 16 gusht – Në Akademinë e Kosovës për Siguri Publike filloi trajnimi bazik i gjeneratës së 39-të të Shërbimit Korrektues të Kosovës. Kjo gjeneratë numëron gjithësej 129 pjesetarë.
Drejtori i Përgjithshëm i Akademisë së Kosovës për Siguri Publike Ismail Smakiqi iu uroi mirseardhje në Akademi dhe shprehu gatishmërin e përkrahjes deri në përfundim të trajnimit për të gjith pjesëmarrësit. Trajnimi bazik do të zgjasë 15 javë. Pjesa teorike e trajnimit do të mbahet në Akademinë e Kosovës për Siguri Publike ndërsa pjesa praktike në institucionet ku ata do të punojnë.