OSBE dhuroi donacion për Akademinë

12.02.2019

Vushtrri, 12 shkurt 2019  -  Organizata për Siguri dhe Bashkëpunim  Evropian (OSBE), vazhdon ta ndihmojë  Akademinë e Kosovës për Siguri Publike (AKSP) përmes organizimit të trajnimeve si dhe duke dhuruar donacione të ndryshme që janë të nevojshme për Akademinë. OSBE  sot i dhuroi Akademisë  një  donacion që është njëqind (100) tavolina dhe dyqind e pesëdhjetë (250) karriga.
   
 
Në ceremoni e dhënies se këtij donacioni të pranishëm ishin Drejtori i Përgjithshëm i Akademisë Ismail Smakiqi,  Drejtori i Departamentit për Rend dhe Siguri Publike në OSBE Ake Roghe, Shpresa Muharremi  këshilltare nga OSBE-ja,  si dhe zyrtarë të lartë nga Akademia.

Fillimisht, drejtori  i Përgjithshëm i Akademisë Ismail Smakiqi e falënderoi OSBE-në për përkrahjen që po ia bënë Akademisë, duke vlerësuar se donacioni është shumë i nevojshëm. 

“Ky donacion do të shërbejë për student dhe të gjithë pjesëtarët e sigurisë që ndjekin mësimet  dhe trajnimet në Akademi. Çdo herë që ne kemi nevojë trokasim në derën e mikut tonë e  që është OSBE-ja, dhe OSBE-ja çdo herë i përgjigjet kërkesës dhe e gatshme për të na ndihmuar”, u shpreh Smakiqi.

Drejtori Smakiqi tha se  Akademia ka qenë dhe  është shumë e interesuar që t’i kontribuoi sigurisë në Kosovë, duke ofruar trajnime dhe arsim të lartë më standarde të larta ndërkombëtare.

 “Akademia  natyrisht do të jetë më e besueshmja që i plotëson standardet  evropiane, ndërkombëtare në përgjithësi”, tha Smakiqi duke u shprehur se mbështetja e OSBE-së për Akademinë  nuk ka munguar asnjëherë duke dhënë donacione të shumta për ngritjen e kapaciteteve të saj.


Ndërsa, Drejtori i Departamentit për Rend dhe Siguri Publike në OSBE në Kosovë Ake Roghe u shpreh i lumtur që OSBE-ja  po vazhdon ta përkrah Akademinë.


Duke aluduar në numrin e madh të zyrtarëve të sigurisë që marrinë pjesë në trajnime të ndryshme dhe numrin e madh të kadetëve të gjeneratës së  54 të Policisë së Kosovës që janë duke u trajnuar në Akademi, drejtori Roghe tha se ofrimi i kushteve kaq të mira për një numër kaq të madh është siç tha ai mbresëlënëse.

“Kjo është pozitive që ju po i rekrutoni gjithë këta  njerëz, sepse në fund këta do të jenë në terren duke kryer punën e tyre.  Sa i përket këtij angazhimi mendoi se është e vogël për neve sepse ne jemi pjesë e një familje. Gjithmonë përpiqemi që t’ju përkrahemi në çdo mënyrë të mundshme. OSBE nuk ka dilema për t’ju ndihmuar”, u shpreh Roghe duke thënë se mbështetja  nuk do të mungoj as në të ardhmen.